i325 convertible help plz

**kero25** · 03-10-2009 02:47 AM

لو سمحتوا سعدونى انا قدامى 325 موديل 89 حالة نظيفة هى كوبية كابورلية بس هى وارد الخارج من غير ورق45 انا مش فاهم معناه اية هو عاوز يخلص على 65 لو بلورق والرخصة
بصرحاه مش فاهم انا خايف يضحك على انا مش عارف العربية عجبانى بس انا حتى لسة مش كشفت عليها طيب اول حاجة اكشف علية فين واهم حاجة فيها اية
تانى حاجة موضوع الورق ده هو بيقولى ادفع عربون عشان يعملى الورق وبعد مهيجبلى الرخصة ادفع باقى المبلف بالله عليكم لو مكانى تعملوا اية ؟
شكرا ليكم مقدما هو المفروض ارد علية كمان يومين قلت مش اعرف اسال حد غيركوا بصراحه هو بيقول جيبها من امريكا والعربية اسبيشل اوردر فيها مثبت سرعه الماتور الابيض

**mantoros** · 03-10-2009 03:34 AM

الموتور القديم
و موديل 89
و واضح انها بدون ورق رفع الحظر او الاعفاء الجمركي
اعتقد انك بال65000 تقدر تجيب 316 او 318 موديل 1992 الي 1994 حالتها نضيفة و باسم صاحبها و تنقل الملكية و بلاش مغامرات افضل

اما بالنسبة عن الكشف:
التوكيل البافارية كشف كامل 825 جنيه و تقرير مفصل
او الحرفيين عند منصور او فوزي تقريبا باقل من هذا
و كأي سيارة المهم كبس الموتور كام بالمائة و الشاسيه و الدواخل و العفشة

و ربنا يكرمك و يوفقك بس نصيحة خليك في المضمون

والله أعلم

**kero25** · 03-10-2009 03:04 PM

الف شكر على الرد السريع
اكيد الدبانة احلا بس هى احسن حاجة فيها عشان هى كابورلية

**ENG\AHMED** · 03-10-2009 08:39 PM

المشاركة الأصلية كتبت بواسطة kero25

لو سمحتوا سعدونى انا قدامى 325 موديل 89 حالة نظيفة هى كوبية كابورلية بس هى وارد الخارج من غير ورق45 انا مش فاهم معناه اية هو عاوز يخلص على 65 لو بلورق والرخصة
بصرحاه مش فاهم انا خايف يضحك على انا مش عارف العربية عجبانى بس انا حتى لسة مش كشفت عليها طيب اول حاجة اكشف علية فين واهم حاجة فيها اية
تانى حاجة موضوع الورق ده هو بيقولى ادفع عربون عشان يعملى الورق وبعد مهيجبلى الرخصة ادفع باقى المبلف بالله عليكم لو مكانى تعملوا اية ؟
شكرا ليكم مقدما هو المفروض ارد علية كمان يومين قلت مش اعرف اسال حد غيركوا بصراحه هو بيقول جيبها من امريكا والعربية اسبيشل اوردر فيها مثبت سرعه الماتور الابيض

من الكلام غالبا العربية دى نصين وملحومة
لو هتاخدها من غير ورق يبقى هتتصرف تشوف عربية نفس الموديل تكون عاملة حادثة وتاخد منها رقم الشاسية والورق وتنقلة عليها , ياما يعملك هو القصة دى ووتاخدها جاهزة

**kero25** · 04-10-2009 12:07 AM

المشاركة الأصلية كتبت بواسطة eng\ahmed

من الكلام غالبا العربية دى نصين وملحومة
لو هتاخدها من غير ورق يبقى هتتصرف تشوف عربية نفس الموديل تكون عاملة حادثة وتاخد منها رقم الشاسية والورق وتنقلة عليها , ياما يعملك هو القصة دى ووتاخدها جاهزة

فعلا فى ناس كتير سالت قالوا نفس كلام حضرتك انها ممكن تكون نصين وتشوف عربية تانى نفس الموديل عملة حادثة او حاجة كدا وتاخد رقم الشاسية بتاعها وهو قال انه ممكن يعمل ورقها ويزود فى السعر بس مش عند الفحص هيبان ان رقم الشاسية غير الى فى الرخصة ولا ده بيتغير
ولو هى نصين وملحومة دية كدا اكيد معيوبة مش هتكون سليمة صح ولا لأ

**kero25** · 04-10-2009 12:15 AM

معلش انا عاوز اسال سؤال تانى هو عاوز عربون عشان يعملى الورق والرخصة طيب انا ايه يضمنلى فلوس العربون دية اكيد العقد الابتدائى مش هينفع عشان هى من غير رخص صح ولا لأ ؟ ونزلت معاه السعر لو بالورق لحد 60000 كدا كويس ولا اية انصحونى يجماعه لحسن انا قلقان من الموضوع وفى نفس الوقت العربية عجبانى اوى هتعبكوا معى شكرا

**mantoros** · 04-10-2009 03:01 AM

بصراحة..........ربنا يهديك !!!!
لو عندك 60 الف محتار فيهم جيب حمام و طيره !!!
يا رجل....حرام عليك اللي بتعمله في نفسك ده
نصين و ملحومة و ورق و عربون و نصبة كبيرة اوي
العربية الملحومة دي بتراب الفلوس مش ب 60,000 !!!!

ركز و فووووووووق و استخيييير و ربنا يهديك

اخوك الكبير