الموضوع: زياره لمركزالصفاء

في جسر السويس يا طناني

هو لو حضرتك غيرت رشاش 1600 برشاش 1200 مياثرش عالسحب و اداء العربيه
و حضرتك تقصد بالرداخ ده طلمبه البنزين و لا حاجه تانيه و نضفه ازاي ؟

اولا انا اسف على التاخير اولا ان الراداخ ده موجود على الكربيراتير تحت العمه وهو بيكون امامك بالطبط بعد متفك العمه وبيتفك بمفتاح الانكيه صغير ومربوط بعدد 4 مسامير وهو خرجوا بره ونضفه
انا مغيرت الرشاش بس فى المركز جابولى الرشاش الاسود وده كان طنانى بيقول انه بتاع ال1200 بس هو دور العربيه عادى جدا ونسبه الكربون وصلت ل0.3% بس المشكله انك لما بتدوس بنزين العربيه للا خر مبتقسمش وعلشان كده انا مركبتهوش وللعلم انا بعد موصلت البيت الساعه 7.30 مساء فكيت البوجيهات الحمد لله لقيت البوجيهات نضفت بنسبه 70% والكربون اختفى من عليها بنسبه كبيره جدا وانا برده مركب الرشاش بتاعى وانا شاء الله هبقى اجرب الرشاش الاسود وهبلغكم الاخبار
انا بقى عايز اعتذر لمدير المركز المحترم لانى بعد مامشيت من عندهم الساعه 3 مساء وكتبت على الموقع زياره لمركز الصفاء وكانت الساعه 4 مساء لما روحت البيت لقيت مدير المركز بيتصل بى الساعه 8 مساء وبيقولى ان ماحدث هو غير مقصود نصرا لغياب عدد من الفنيين ممااثر على العمل بصراحه انا احترمت الرجل جدا لان خدمه العملاء فى مصر مش موجوده اصلا او متابعه العملاء مش موجوده او شكاوى العملاء ليس لها الى صدى فى راس اى مسئول انا حبيت اقول ان ده شى كويس جدا وندعوا الله ان تكون كل المراكز على هذا القدر من المسئوليه

للعلم انا ركبت الرشاش امبارح بس العربيه مش مظبوطه العربيه مش بتسحب ولما تكبس بنزين العربيه تحس انها هتطفى اى انها مخنوقه علشان كده انا ركبت بتاعها لغايه مااشترى الاصلى سالت عليه لقيته ب850 جنيه بس للعلم الاستهلاك مش عالى يعنى انا مشيت 270 كيلو حطيت 24 ليتر

طيب ما تشوف الكاربراتير علي بعضه بحاجته كلها استيراد و اعتقد سعره هيبقي اقل من كده