الموضوع: عربينك بتعمل كام كيلو فى الصفيحه

المشاركة الأصلية كتبت بواسطة titos_81

يا باشا مانا زيك كده بس احسب عادى حتديك متوسط الاستهلاك
وفلتر ايه اللى غيرته خربلك الدنيا؟؟

المشكلة انك لما بتشد بتاخد الطريق من اوله لاخره شد وحرق

هتلاقي نفسك بتنقل عند 6 وبتوصل لسرعات غريبة ! فبالتالي ماتقدرش تحكم على استهلاك البنزين في الحالة دي

انا عن نفسي كنت بحسبها بالمشاوير اللى متعود اروحها بشكل مستمر عشان ابقى عارف استهلاك البنزين

بمعنى احط مثلا 10 لتر

ابقى عارف ان ال 10 لتر دول هيودوني مثلا من اول شارع الهرم لاكتوبر مرتين رايح جاي لو ماشي بمعدل طبيعي ومن غير حرق

وكذلك ال 10 لتر توديني برضوا من الهرم لمدينة نصر حوالي تلت مرات رايح جاي او ممكن مرتين وفي التلاتة تلاقي البنزيني خلص على حسب تساهيل الطريق يعني

لكن بتعمل كام بالظبط في الصفحية مش عارف بالظبط لكن العربية كإستهلاك بنزين اقل من كل عربيات زمايلي ال 1600 يعني المشاوير دي لو هنروحها بعربيتين انا بستهلك بنزين اقل واحد فيهم

والفلتر اللى اقصده هو فلتر اسبور K&N من سعت ماركبته والبنزين بيتبخر بمعنى بيتبخر

المشاركة الأصلية كتبت بواسطة titos_81

حلوه الحساب بالعشره لتر دى ههههههههههه بس الفلتر فرق فى الاداء ولا مفيش فرق

اه مانا والله جالي فترة طووووووووويلة مش بمون الا عشرة لتر عشرة لتر

فعلا من كتر مالعربية استهلاكها للبنزين اقتصادي العشرة لتر دول كانو بيعملو معايا احلى كلام

وانا كنت ببقى عارف ال 10 لتر امتى هيخلصو ! ! من غير حتى مابص لعداد الكيلو متر بس مع المشاوير ببقى عارف العربية خلاص لمبة البنزين شوية وهتنور

لاء اللى موجود حاليا هيودني المشوار ! كدة يعني

لدرجة ناس زمايلي معاهم عربيات كانو يتنقطو اول مايشوفو العشرة لتر

عموما انا حسبتها مشوار اكتوبر رايح جاي من البيت لهناك حوالي 60 كيلو

والعشرة لتر بيودوني المشوار ده مرتين بالظبط وبيخلصو

يعني تقدر تقول كدة 10 لتر = 120 كيلو يبقى الصحفية في حدود 240 كيلو !

وده يعتبر داخل المدينة على خارج المدينة لان الطريق بيفتح سعات وبدوس فيه مثلا ممكن اوصل لسرعة 140 ولا حاجة !

طبعا بعد الفلتر الارقام دي اتغيرت 180 درجة ومابقاش في حاجة اسمها عشرة لتر خلاص انسى الكلام ده

وهو فرق في الاداء بس مش الفرق الكبير بس عامل فرق