الموضوع: عربينك بتعمل كام كيلو فى الصفيحه

المشاركة الأصلية كتبت بواسطة moh19227

انا مع حضرتك في كل كلمة قولتها ومش مشكك في كلامك بس كل شركات السيارات لما بتنزل متوسط لاستهلاك العربيات بتاعتها بيكون عن متوسط استهلاك جوه البلد ومتوسط استهلاك في الطوالي علي سرعة 100 تقريبا وتبقي ارقام كويسه وتمام وكل حاجه بس لما تبتدي ترفع عن 140 بتلاقي استهلاك البنزين بيرتفع بغباء بتلاقي العربيه بتشرب بنزين وخصوصا علي السرعات العاليه اوي 180 : 200 علشان الهوا بيشكل عائق كبير علي العربيه يعني لو حضرتك فتحت الازاز علي السرعات دي هتسمع صوت مخيف وهتلاقي العربيه بتننط من قوة الهوا
فاممكن حضرتك تكون ماخدتش بالك اثناء التجربه من العدادات او ممكن تكون جبت ال 180 بس نزلت تاني وياريت حضرتك تكرر التجربه وتنقلها تاني علشان لو العربيه بتعمل 250 كيلو ف الصفيحه علي سرعة 180 تبقي عربيه رهيبه فعلا
وشكرااا

طيب انا هحكى موقف و اسيبلكم الحكم بالنسبة للناس اللى مستغربة
انا قضيت اول يوم فى رمضان فى الاسكندرية فطرت ودلعت نفسى و شربت سيجارة بعد الفطار اللى طبعا بتبقى منها للاعصاب عدللللللل
وعلى الساعة 10 قلت اتكل على الله و ارجع مصر وكنت لوحدى
نزلت و مسحت الازاز كلو و اديت العربية مسحة كويسة وسميت الله و مشيت
دخلت البنزينة اللى فى الشاطبى فولت و خت الطريق على مصر عدل
انا مسكت اول شارع قناة السويس الساعة 10 ونص بالظبط من عند المكتبة كده
وطبعا كنا فى الصيف فا مفيش تحويلات ولا اى حاجة وصلت البوبات على 11 الا 10 او الا 5 مش فاكر بالظبط
12 و 3 دقايق كنت واقف فى بوابة القاهرة
وكان معايا مازدا 3 بس كان محمل فا كنت قادر اسد معاه بنجرى سوا و بنونس بعض و بالعقل من غير رخامه و اللى ماشى ورا التانى طافى العالى و مبيعديش الا فى الواسع و مش بنزنق بعض
و ماشين 180-190 و نهدا لحد 150 شويه ونشد تانى بس كنا نهدا للحظات
وروحت لحد الف مسكن فى عين شمس
ونزلت تانى يوم قلت افول
حطيت بنزين ب 48 جنيه 92
انا حكيت اللى حصل بالظبط و هسيبلكم تقدير الموقف و المسافات و السرعه و الاستهلاك
للعلم كنت ساعتها لسه عامل صيانه ال 30 الف مبقاليش اسبوع