طبق عسل اتنسى بره التلاجه فى وضع مائل عدة ساعات
لقيت فيه الشكل العجيب ده:
http://img542.imageshack.us/img542/5...0123014356.jpg
إزاى يحصل الشكل ده؟؟؟
عرض للطباعة
طبق عسل اتنسى بره التلاجه فى وضع مائل عدة ساعات
لقيت فيه الشكل العجيب ده:
http://img542.imageshack.us/img542/5...0123014356.jpg
إزاى يحصل الشكل ده؟؟؟
متقلقش يادكتور دي تلاقيها نمله بس كانت ماشيه حافيه :) :)
او فيدو ديدو يالذيذ يارايق
شكلها رجل برص طبعت عليه
اوعي تاكل منة
بس هو لية كام صباع
والله حاجة غريبة
لا يا دكتور دي مش رجل برص
ده البرص المصري بتاعنا لاحظ الفرق كده؟؟
http://img708.imageshack.us/img708/3049/92130895.jpg
والاثر ده مش لبرص ابدا
لان الاثر المفروض يكون لبطن الاقدام ومفيش المفروض اي اثر للسيقان
لاكن الي في الطبق دي فيها اثار لسيقان
علي ما اظن انها مش لحيوان اصلا
A.Yakout
ما هو مش معقول الرسمة دى جت كده قدرا.. انا كده هبدأ افكر فى حاجات غريبة
دي علامة اللايك الجديدة بتاعت الفيس بوك
حضرتك مستخدم تجريبي
ده طفل جني بيستعبط
ظلمنا البرص لان صوابع رجلية خمس والي مطبوع ست صوابع
ممكن يكون فار
انت هتغلب نفسك لية ارمية ومتكلش اي حاجة من برة التلاجة
غريبة فعلا!!
هيا الصورة دى متركبة؟؟
ممكن تكون دى رسمة بارزة فى الطبق نفسه والعسل نزل من عليها!!
بس دى كأنها مطبوعة!! حاجة إتحطت وإتشالت!
انا عرفت انت تعرف الرسمه دى ايه
انت تروح لمن يقرأ الفنجان
اول شئ حضر على بالى عند رؤية الرسمه و المحاوله لتفسيرها افتكرت الرسومات العشوائيه على الفنجان من الداخل
دا ممكن يكون نوع من انواع الفطريات لان فيه نقط وخطوط تانيه بيضا ظاهره في الصوره
وممكن يكون برص كان بيجري واخدله خطوه في الطبق
وبخصوص ال6 صوابع ممكن يكون برص لابس جزمه ب4 صوابع والرباط مفكوك فعمل العلامتين الزياده
او يكون لابس ترينج برباط من تحت وبيهرتل منه وهو بيجري
ده رجل برص بس عنده 6 صوابع .... خلقته كده
زي الناس اللي عندهم 6 صوابع ......
ويخلق ما لا تعلمون
لكن الغريب ان مالوش اثر تاني
يعني كان واقف على رجل واحدة وطار ف الهوا بعد كدة ؟؟؟؟
انا لو منك
حط شوية عسل تاني بنفس الوضع وشوف ايه اللي ح يحصل .... وفي نفس الطبق ونفس المكان
...
انا لو حصلت معايا ممكن يجيلي هس هس لو ماعرفتش الحل بتاع اللغز ده
دى حاجة نقطت على الطبق و المادة اللى نزلت ازاحت العسل و اتخذت الشكل ده , بص حوالين الشكل ده هتلاقى لون العسل متغيير عن باقى الطبق .... و الله اعلى و اعلم
دي فوتوشوب يا دكتور
هههههههههههههههههههههه
هتلاقي حد عامل فيك مقلب يا دكتور احمد ورسملك الايد دي
أنا فصلت الجزء محل السؤال وعدلت السطوع والجافا علشان يظهر أكتر والنتيجة أهه ... إيه دا بقى يا اخواننا ؟؟؟؟
http://img714.imageshack.us/img714/5...1230143562.jpg
أعوذ بالله من الشيطان الرجيم
فاكر حضرتك اليكساندر فليمنج لما اكتشف البنسللين
كان بياكل زبادي فوق مزرعة بكتيرية وطرطش منه كام نقطة على المزرعة
بعد كام يوم لقى النقطتين من الزبادي عملت بقعة وموتت البكتيريا
عرف ان الفطريات في الزبادي طلعت مادة موتت البكتيريا ولسه البنسلين مستخدم حتى اليوم
انت على اعتاب اكتشاف علمي
بس لما تاخد نوبل زي فليمنج متنساش اخوك بكام مليون
سلامٌ قولاً من رب رحيم ... آمااااااان ربــى آماااااااان .
المدام دلوقت بتقول لى حاجة كمان
بتقول ان الطبق لقته على النملية
وهى كانت حطاه على التربيزة .. ومش عارفه ايه اساسا جابه عالنملية..
من صورة البرص اللى فوق خالص دى اكيد مش رجل برص لان ساقه ليها ركبة وفيه زاوية عند الركبة.. زاوية حادة.. وهنا قوس منتظم خارج منه فرعين كل فرع انقسم تلاتة..
مش اول مرة تحصل حاجات من دى معايا..
X Files
هات طبق تاني و حطة نفس مكان الاول و افضل راقبه لحد ماتكتشف المخلوق ده
ايوه يا استاذ احمد
مرة كنت فى مطروح فى شقة مفروشة
وفى يوم نزلت مع العيال لكنى اول ما قفلت الباب افتكرت انى نسيت حاجة ففتحته تانى فجاة بعد ما قفلته
اول ما فتحته عينى وقعت على ايه؟ لعبة طايرة فوق الكنبة
واول ما فتحت لقيتها بتقع من الهوا
طبعا عملت نفسى شجاع وبس ابتسمت بمعنى: خدوا راحتكم يولاد لحد ما نيجى
حد قالي مره ان في حديث معناه متسيبش الأكل مكشوف علشان الجن مياكلوش منه ، لكن كنت اول مره اسمع عن حديث بالمعني ده ومدورتش فمعرفش ان كان له أصل ولا موضوع
لكن حكاية انهم يسيبو أثر دي عاديه جدا
مره من المرات وانا صغير شوفت عفريتين وسمعتهم بيتكلمو وسابو أثر مكانهم وحصل مشكله علي الأثر ده لكن انا أنسيت الموضوع تماماااا ومربطتش بينهم وبين الأثر غير بعد سنين لما كبرت
واخر مواقف حصلت معايا كان في الشغل اخر فتره في شقه كنا خلاص بنسيبها ، روحت مره يوم الجمعه لاقيت اثار رجلين حافيه غريبه جدا في البانيو وطبعا مكانش مستخدم الأثار كانت واضحه جدا
والسكرتيره كانت بتبقي لوحدها وكل كام يوم تكلمني تسألني انت جيت المكتب بالليل ولا ايه علشان بتلاقي حاجات متحركه من مكانها وستاره مثلا تقفلها تلاقيها مفتوحه
فا بقولها انتي فاكره انك قاعده لوحدك ولا ايه ! قالتلي يعني ايه ؟
قلتلها مش في الحديث ان قبل ما تيجي تقعدي او تنامي مثلا تسمي الله وتنفضي الفراش ؟ قالتلي أه ! قلتلها ليه ؟ قالتلي معرفش
قلتلها علشان ممكن يكون في جن قاعد فا متقعديش عليه
طبعا وشها جاب ألوان الطيف وبرقت قعدت تقولي انت بتتكلم بجد ! هههههه ، بالوضع ده طبعا مكانتش هتيجي الشغل الا لما اجيبلها حد يقعد معاها فا قلبت الموضوع تهريج وفهمتها بشكل غير مباشر اني انا اللي كنت بروح :))
المهم بأي حال من الاحوال ..... لما تيجي تجرب المرة اللي جاية
متنساش جنب طبق العسل .. طبق صغير فيه حبة طحينة
وفطيرة بلدي ...... تلاقيه ياعين امه نفسه مجزوعه دلوقتي :d :d