ياريت تفيدوني برايكم وخبراتكم عشان انا محتار جدا انا في الامارات ونفسي اشتري عربيه مخترمه من ١٠٠ الي ١٢٠ الف فمشلاقي افضل من بيجو 508 لسه اول موديل سعرها 90 الف والبي ام 316 سعرها ١١٧ الف ..... ياريت تنصحوني اعمل ايه .............
عرض للطباعة
ياريت تفيدوني برايكم وخبراتكم عشان انا محتار جدا انا في الامارات ونفسي اشتري عربيه مخترمه من ١٠٠ الي ١٢٠ الف فمشلاقي افضل من بيجو 508 لسه اول موديل سعرها 90 الف والبي ام 316 سعرها ١١٧ الف ..... ياريت تنصحوني اعمل ايه .............
البى ام مفيش كلام عليها بس ال 316 اقل واضعف حاجه فى الفئه التالته , رأيى ال 508 احسن , بس اكيد ملهاش سوق عندك خالص حالها حال كل الفرنساوى
لكن لو الكلام على ال F30 الجديدة 328i يبقى البى ام اكيد
شكرا اخي hossam علي الرد .. هو المشكله ان ال 316 الوحيده اللي 1600cc .... وال 508 لسه اول موديل فالواحد خايف منها انما شكلها تحفه
الـ 508 بـ 90 الف ؟
عمار يا امارات
البيجو اقوى و اوسع و موديل جديد
البي ام الموديل هيتغير في شهر 6 و مش هتخسر في اعدة البيع و الصنايعية حافظينها لو مش عايز التوكيل
المرسيدس مش نازل منها 1600cc في الامارات.. نازله 1800cc
ايوه ان شاء الله ناوي انزل بيها مصر والجمارك زي ماحضرتك عارف مكتفه الواحد .. انته ب 100 الف درهم ممكن الواحد يشتري عربيه فور ويل محترمه بس كله فوق 1600cc ....يعني مثلا هوندا crv تمنها 85 الف عربيه ملهاش حل وقويه جدا بس 2500ccوهي نفسها سعرها في مصر 350الف جنيه ......
هو برده في فولفو S40 في سعر البيجو تقزيبا بس مشعرف موتورها كام
عارف الجمارك وقرفها , انا حسبتها كتير لقيت تنزيل عربيه من بره مصر هاتقف عليك اغلى من تمنها فى مصر بسبب الجمارك
المهم , الفولفو S60 موتورها 1600 تربو 180 حصان
سواء هى او البيجو 508 او الستروين c5 التلاته ملهمش سوق ولا عندك ولا فى مصر , ومش منتشرين ولا هاينتشروا , ولو حصل لاى ظروف وحبيت تبيعها قريب سواء عندك فى الامارات او بعد ماتنزل بيها مصر هاتخسر فيها كتير فلازم تبقى ناوى تحتفظ بالعربيه كتير ان شاء الله
لو هاتختار البى ام يبقى ماتزعلش من موضوع تغيير الشكل لانه خلاص نازل فى خلال شهر او اتنين بس مش هاينزل منها 1600 , اقل موتور فيها لحد دلوقتى 2000 سى سى
والمرسيدس مفيش منها 1600 , والاودى A4 نفس الكلام , والباسات الجديدة 2500 سى سى فى الخليج
كدا الموضوع صعب , يبقى مفيش غير الخيارين اللى حضرتك قولتهم 508 او 316
لان مفيش بديل تانيه غير فئات اقل , فانتازيا مثلا او فورد فوكس , دول المفروض هاتلاقى منهم 1600
انا شايف البى ام احسن ليها سوقها كويس وقطع غيارها منتشرة وتوكيلها محترم على ما اعتقد
انا ناوي ان شاء الله احتفظ بيها ... عشان كده عاوز اركز في الاختيار...بس الاستاذ حسام ياريت توضحلي جمارك العربيه هتبقي كام بعد ٤ او ٥ سنوات البيجو 90 الف ... والبي ام 117 الف
طيب خلينا نحسب الاول جماركها لو هتنزلها فى نفس السنه , وبعدين نحسب بعد اربع خمس سنين ان شاء الله
مبدأيا نثبت المبلغ نخليه 100 الف درهم مثلا اللى هما النهاردة يعملوا 165 الف جنيه مصرى بيضيفوا عليهم تكاليف الشحن والتأمين والتفريغ مش عارف هايبقوا كام الاجمالى بس هو دا اللى بتدفع عليه الجمارك , اللى هما
40 % + 15 % ضريبه + 3 % رسم تنميه
يعنى حوالى 68000 + 25500 + 5000 = 98500 قول 100 الف جنيه لو هاتنزلها فى ساعتها
لو بعد 5 سنين هايبقى فى خصم استعمال 30 % من تمن العربيه , يعنى كأنك شارى العربيه ب 70 الف درهم مش 100 الف , ال 70 الف يعملوا حوالى 115 الف جنيه
يبقى 48000 + 18000 + 3500 = 69500 جنيه بعد 5 سنين ان شاء الله
طبعا الحسبه دى تقريبيه مش بالظبط , لان الله اعلم الدرهم هايبقى بكام بعد 5 سنين , غير ان الواحد بيسمع كلام كتير عن موظفين الجمارك وتلاكيكهم وبيبقوا عايزين ياخدوا فلوس زياده على اى اوبشنز فى العربيه حتى المرايات الكهربا
الحسبه دى لو هاتنزل عربيه يابانى او امريكى او يابانى , لكن عشان العربيات اللى انت مختارها المفروض انها داخله فى اتفاقية التخفيض الجمركي على العربيات اوروبية المنشأ
كدا الموضوع ليه حسبه تالته
المفروض سنة 2017 الجمارك هاتبقى 8 % وفى 2019 هاتبقى صفر
يعنى لو هاتنزلها مستعمله سنة 2017
9500 + 18000 + 3500 = 31 الف جنيه فقط لا غير
والله اعلم
أعتقد الـVW/Audi بتنزل فى الخليج بمواتير 1800cc TFSI زى بتاع الباسات CC
انما 2500cc ماشفتهاش خاااااااااااالص..؟؟؟!!
- بعد كده (الأكبر) فيه 2.0T بتاع الجولف GTi والأودى S3.. بيطلع 210-265/270 حصان فى الـR
- وبعديه فيه الـ3.0 FSI أو الـ3.2 FSI بتاع الأودى..
جبت منين الـ2.5 دى يا مان..؟؟؟!!! :tongue32:
هههههههههههههههههههههههه
حبيبى, بحب أغلس عليك.. :angry35:
السلام عليكم ورحمة الله وبركاته
التقدير ده فيه ملاحظتين: الأولى إن الجمارك فى مصر بتتقدر على أساس السعر الأوروبى مش الخليجى يعنى همه مالهمش دعوة بالتمن اللى إنت اشتريت بيه السيارة هم بيحسبوها بالتمن اللى متسجل عندهم. ثانيا: التخفيض الجمركى على السيارات الأوروبية يطبق فقط على السيارات الواردة مباشرة من أوروبا :angry35::angry35:
السلا عليكم... لسه واحد صاحبى بيقولي البيجو عربيه ضعيفه جدا وفى اى حادثه نسأل الله العفو والعافيه ..بتدخل فى بعضيها او زى ماقال بالضبط بتتعجن ... مع ان البيجو 508 واخده خمس نجوم فى الامان ... ياريت الاخوه الاعزاء يفيدونى لانى معنديش اى خلفيه سابفه عن البيجو ... كل اللى اعرفه ان الاوربى بشكل عام قوى وده كان من الاسباب اللى خلتنى ابعد عن اليابانى
مواصفات بيجو 508 الفئه الثالثه
المحرك: تيربو سعة 1.6 ب )tvv( لتر 4 أسطوانات
القوة: 156 حصان
عزم الدوران )ن.م(: 240 لكل 1400 درورة في الدقيقة
ناقل السرعة: تبترونيك تلقائي التحويل ب 6 سرعات
زجاج أمامي عازل للحرارة
اطارات الومنيوم 16 انش
تعمل خلال النوار del مصابيح
نظام إنارة لمساعدة السائق على رؤية طريقة قي الليل بعد النزول من السيارة
نظام تكييف أوتوماتيكي مركزي
نوافذ كوربائية و مرايا كوربائية تنطوي عند الاغلاق
إمكانية التحكم بالنظام الصوتي عن طريق البلوتوث
نظام ت ب ثيت و تحديد السرعة
راديو – cd مع ريموت
نظام تبريد هوائي في الجيب الأمامية
6 وسائد هوائية / السائق / الركاب
بالاضافة الى نظام فرملة مساعد للتوقف عند الطواريء esp + abs + ebd
مقود ذو خصائص متعددة للتحكم بناقل الحركة
مصابيح ضباب امامية و خلفية
القيمة المضافة
5 سنوات تمديد ضمان غير محدد الكيلومترات
12 سنة ضمان ضد الصدأ و تآكل الويكل
3 سنوات ضمان على الطلاء
طبعا الضمنات دي مش موجودة في مصر هما ٣ سنين ومش دولي طبعا
على فكره انا اتمنى انها تنزل بالمواتير بتاعت ال 1Series ال 135 و 170 حصان , وكنت فاكر زيك انها هاتنزل بيهم , على الاقل سعرها يبقى حنين شويه وكنت نصحت بيها صاحب الموضوع
بس لحد اللحظه دى مفيش فى المانيا او اوروبا عموما او امريكا 1600 , اقل حاجه 328i
وعلى فكره برضه ال 320i مازالت موجوده فى المانيا وانجلترا ال 184 حصان
اقتباس:
أعتقد الـVW/Audi بتنزل فى الخليج بمواتير 1800cc TFSI زى بتاع الباسات CC
انما 2500cc ماشفتهاش خاااااااااااالص..؟؟؟!!
- بعد كده (الأكبر) فيه 2.0T بتاع الجولف GTi والأودى S3.. بيطلع 210-265/270 حصان فى الـR
- وبعديه فيه الـ3.0 FSI أو الـ3.2 FSI بتاع الأودى..
جبت منين الـ2.5 دى يا مان..؟؟؟!!! :tongue32:
هههههههههههههههههههههههه
حبيبى, بحب أغلس عليك.. :angry35:
ما انت لو كنت متابع ماكنتش تقول كدا , لكن شكلك كدا متابع فيات بس :tongue32:
الباسات الجديده هاتنزل الخليج بمواصفات امريكى مش اوروبى , زى الجيتا كدا ما نزلت مواصفات امريكى
الباسات 2500 سى سى 170 حصان , الجيتا 2000 سى سى 115 حصان
الأودى لسه محتفظه باحترامها فى الخليج وبمواصفاتها الاوروبيه
وانت برضه حبيبى بس ابقى راجع معلوماتك يابرانس هههههههههههه
شكرك على توضيح الملاحظه التانيه
لكن الملاحظه الاولى مش عارف اذا كانت صحيحه ولا لأ , لان كان فى مقال من حوالى سنه فى الاهرام مكتوب ان اللى بيحدد الجمارك هو السعر المكتوب فى فاتورة الشراء ومكتوب ان لازم الفاتوره يبقى مصدق عليها من الجهات الرسميه
الكلام دا صحيح ولكن فى الباسات القديمه , الباسات الجديده لسه بتنزل اليومين دول فى الخليج ومواصفاتها امريكى زى ما ذكرت فى اول المشاركه
تمام كلامك يامعلم يبقى هما ناووين ينزلوها فى المستقبل لكن حاليا مفيش 1600 لسه
ولا أدرى بالخليج ولا حاجه وحياتك المعلومه عرفتها من النت مش من وكيل خليجى ولا حاجهاقتباس:
نياهاهاهاهاهاهاها ههههههههههههههه
عيب يا برانس, أنا بتاع الفيات والفولكس برضه.. :tongue06:
أنا سمعت عن الـ2000cc بتاع الجيتا ده,
بس بصراحة لا سمعت ولا شوفت 2500cc على الباسات دى..؟؟!!!
أنت أدرى بالخليج يا معلم.
افتح فولكسفاجن امريكا هاتلاقى الموتور موجود
لو البى ام الشكل الجديد يبقى تمام
لو الشكل القديم انا بافضل البيجو 508
مدام بتتكلم عن 316 ... أنا في رأيي البي إم ماتتركبش أقل من 2000 سي سي ....
لو مكانك و في الإمارات ممكن اختار البيجو ...
ربنا يوفقك ..
السيد الأستاذ الدكتور اللواء المهندس الوزير المحافظ... حسام بيك أوبتراوى, منسق قسم الشيفروليه (الكورى مش الـChevy).. :grin54:
عندك حق يا برانس, و VW فعلا عندها موتور 2500cc.. :S_thum1[1]:
مش عايز أقولك أن واحد قريبى كان معاه Bora P5 2500cc.. نازلة من الخليج..؟؟!!! لا مؤاخذة يا مان.
هو بس فيه أختلاف كبيييييييييير على الموتور الجديد:
- هل هو مشتق من الـVR6 الشهير, وعملوا Cut لسلندر منها..؟؟؟!! وده كان السلندرات مش in-line, دى كانت Zegzag كده ورا بعض بزاوية 15 درجة..!!
يعنى مش Twin-Bank, (كل 3 سلندرات ليهم وش سلندر وكامات لوحدهم زى الـV6).. لأ,
دى كانت وش سلندر واحد, و كامة واحدة كماااااااااااان للـ6 سلندرات..؟؟!!!
- وفيه ناس بتقول ان الموتور الجديد مشتق من موتور الـV10 بتاع الـGallardo..؟؟؟!!! :dribble:
يعنى خدوا Bank واحد 5 سلندرات من موتور اللامبورجينى 5000cc.. وان الموتور True in-line 5..؟!!
أنا عن نفسى أؤيد النظرية الأولى, ان هو VR5..
لأن الـ2.5 VR5 ده أول مانزل.. كان كامة واحدة, 10 صبابات, بيطلع 150 حصان..
قريب VW طورت وش السلندر.. بقى 2-كامة, 20 صباب.. وبيطلع 170 حصان (نفس الرقم بتاعك).
لكن موتور الجالاردو ده.. High-Revving, بيطلع فوق الـ500 حصان..؟؟!!! :alien42:
يعنى حتى لو عملوا Cut لـ5 سلندرات, مع redesign لوش السلندر والـPlenum والـCrank-case.. وكمان Remap.. هيطلع أقول واجب 250 حصان..!!
عشان الـShort-Stroke مش هيعرفوا يلعبوا فيه.. لأن الأساس موتور High-Revving.
Regards,