أرجو المساعده من ملاك السيفيك بخصوص فرش التوكيل(محتار جدا)

يا شباب أنا عندي سيفيك 2008 سماوي وعايز أركبلها فرش هو في التوكيل ب 650 جنيه سواء رمادي أو بيج أنا طبعا فرشي الداخلي رمادي يبقى لو جبته هجيب الرمادي وبيتركب بره التوكيل عند واحد في شارع دمشق يمكن ب 50 جنيه يا ترى في حد جرب فرش التوكيل ده؟؟؟؟

انا في واحد صاحبي بينصحني أركب عند دوس بس غالي ب 1200 جنيه يا تري كويس؟؟؟؟

وفي واحد صاحبي تاني ركب فرش جلد أسود عند واحد اسمه حمدي السروجي ب 500 جنيه في صقر قريش شفته كان فرش محترم والله وكمان عمله فرش جلد للأرضيه و الشنطه ب 250 جنيه يعني كله ب 750 جنيه



أنا بجد محتار قوي تنصحوني بايه؟؟؟؟؟؟؟؟؟

ايه يا جماعه فين الردود؟؟؟ هو الموضوع صعب ولا محيركوا انتوا كمان :)

والله يا هونداوي انا كنت زيك بافكر افي موضوع الفرش الجلد علشان الطفل بتاعي مظبط الدنيا عندي..وكان في كذا موضوع اتفتح قبل كده بخصوص الفرش الجلد و افتكر ان كريم منير كان قال انه مركب فرش جلد ممتاز من عند دوس ب حوالي 1000 جنيه و تقريبا كان في اجماع على دوس من حيث النظافه و جودة الشغل "الغالي تمنه فيه"
بالنسبة لفرش التوكيل بصراحه معنديش فكره يمكن حد من الأخوه لما يقرأ الموضوع كمان شويه يفيدنا ...و يمكن نروح المشوار ده مع بعض :)

اعتقد ان التوكيل موفر الفرش بخامات جيدة جدا
انا ركبت السماعات والفوج لايت والدواسات من هناك
وفعلا هي خامات جيدة خاصة الدواسات طلعت ممتازة

دوس ده تحفة
ولا توكيل و لا يحزنون
انا شوفت عربيتين عاملين عنده و والله العظيم ماعرفت انه فرش مش فرش الفبريكة اللا لما قالولى

احمد دوس من الأخر غالي حبة بس هيا الفلوس اقيم وللا حاجة هاتعيش معاك سنين ؟؟؟

اقتباس:

---

المشاركة الأصلية كتبت بواسطة mshamy

والله يا هونداوي انا كنت زيك بافكر افي موضوع الفرش الجلد علشان الطفل بتاعي مظبط الدنيا عندي..وكان في كذا موضوع اتفتح قبل كده بخصوص الفرش الجلد و افتكر ان كريم منير كان قال انه مركب فرش جلد ممتاز من عند دوس ب حوالي 1000 جنيه و تقريبا كان في اجماع على دوس من حيث النظافه و جودة الشغل "الغالي تمنه فيه"
بالنسبة لفرش التوكيل بصراحه معنديش فكره يمكن حد من الأخوه لما يقرأ الموضوع كمان شويه يفيدنا ...و يمكن نروح المشوار ده مع بعض :)

---

شكرا يا باشا والله أنا متفق معاك طبعا ان الغالي تمنه فيه وخصوصا انه للسيفيك مش لأي حاجه

والله ممكن نتقابل عادي في التوكيل في الصيانه ولا حاجه :)

بس أنا لسه عامل صيانه الألف السبت اللي فات لما آجي أعمل صيانه ال 5 هقولك إن شاء الله

اقتباس:

---

المشاركة الأصلية كتبت بواسطة maryo114477

اعتقد ان التوكيل موفر الفرش بخامات جيدة جدا
انا ركبت السماعات والفوج لايت والدواسات من هناك
وفعلا هي خامات جيدة خاصة الدواسات طلعت ممتازة

---

أنا على فكره جبت الدواسات من هناك و أكيد لو فكرت أركب سماعات وفوج هجيبهم من هناك بس مش عارف ليه مش مقتنع بالفرش بتاعهم خصوصا انه مصري هو معقول بس حاسس انه كتير عليه 650

اقتباس:

---

المشاركة الأصلية كتبت بواسطة Ahmed Samy

دوس ده تحفة
ولا توكيل و لا يحزنون
انا شوفت عربيتين عاملين عنده و والله العظيم ماعرفت انه فرش مش فرش الفبريكة اللا لما قالولى

احمد دوس من الأخر غالي حبة بس هيا الفلوس اقيم وللا حاجة هاتعيش معاك سنين ؟؟؟

---

أكيد طبعا حاجه تعيش يا باشا شكلي كده هتكل على الله وادوس في دوس :biggrinjester:

بس يا ترى في تخفيض لأعضاء نايل موتورز ولو فيه لازم استيكر و الاستيكر اجيبه منين ؟؟؟؟؟

أصلي على حسب معرف انه ب 1200 جنيه لكن طالما كريم باشا عمله بألف يبقى أكيد فيه تخفيض :)

ويا ريت يا باشا تقولي عنوانه فين بالظبط لأني ساكن في المنيل بعيد أوي عنه

اقتباس:

---

المشاركة الأصلية كتبت بواسطة Ahmed Samy

دوس ده تحفة
ولا توكيل و لا يحزنون
انا شوفت عربيتين عاملين عنده و والله العظيم ماعرفت انه فرش مش فرش الفبريكة اللا لما قالولى

احمد دوس من الأخر غالي حبة بس هيا الفلوس اقيم وللا حاجة هاتعيش معاك سنين ؟؟؟

---

نفس الموقف حصل معايا.
لما شوفت اخويا مصطفي فاروق مزعانا هنا في المنتدي..
و مركب من عند دوس ب 1200 برضه..
افتكرته فرش المصنع.. وقالي لأ..

في واحد شفته مركب فرش من عند مصنع السلام في الملك الصالح يعني جنب البيت عندي ب 650 بس معجبنيش أوي رغم انه قالي جلد ألماني !!!!!!!!!1

شكلي هتوكل على الله على دوس بس واحد صاحبي سأله امبارح قاله 1500:oops: يا ترى 1200 أكيد؟؟؟ ولا أكتر ولا أقل؟؟؟ عايز أعرف السعر النهائي لو حد يعرفه

هو علي حسب خامة القماش و الجلد تقريبا..
ونوع القماش و شكله كمان..

عنوان دوس ايه بالظبط ؟؟؟ أنا هجيله من المنيل عشان توصفولي انشاءالله :)

التفاصيل اللي عندي :
موبايل 0102752756
ميدان الحجاز

اقتباس:

---

المشاركة الأصلية كتبت بواسطة Hondawy_2008

عنوان دوس ايه بالظبط ؟؟؟ أنا هجيله من المنيل عشان توصفولي انشاءالله :)

---

يا جماعة للى ما يعرفش فين دوس دا بالظبط ؟؟

بص يا باشا العنوان : بعد جامع رابعه العدويه ادخل تاني يمين وامشي لحد قبل آخر الشارع لحد ما يقابلك قهوه ساعه لقلبك قبل بنزينه كالتكس ادخل يمين 30 متر هتلاقي دوس على فكره شكله نضيف جدا جدا و فاهم كل حاجه في شغله أنا رحت امبارح وعايز اقولكم على الأسعار و أعرف رأيكم:

فرش جلد تايواني ب 1000 جنيه
فرش جلد ايطالي ب 1200 جنيه
فرش جلد أمريكي ب 1450 جنيه

بصراحه الجلد الأمريكي أفخمهم و هو حتى دوس قاليي ده أحسن حاجه بعد الجلد الطبيعي وعلى فكره الجلد الطبيعي عنده ب 4500 جنيه

فيه حاجه اسمها ابرتين بيعملها في حروف الفرش شيك تحفه بس دي ب 250 جنيه لوحدها بس لو متعملتش هيكون في بروز في حروف الكرسي شكله مش حلو

لو عايز فرش أرضيه و شنطه عانده جلد ألماني رائع بس هيتكلف 800 جنيه

المهم أنا لو هركب فرش أمريكي ب 1450 + ابرتين لشياكه حروف الفرش ب 250+ فرش أرضيه و شنطه 800 هيكون كله 2500 جنيه

بعد طول فصال معاه و مناهده اتفقنا ان كله يكون ب 2300 جنيه وقالي كده أنا جبت معاك آخر الشكمان ههههههههه :oops:

بصراحه وراني عربيات عاملها في كتالوج عنده والله يا جماعه تقولوا فابريقه من مصنعها :3gears: يا ترى ايه رأيكم في السعر اللي اداهولي علما بانه فرش الكراسي هيكون رمادي غامق نفس نقشه و لون الدريكسيون والأرضيه رمادي فاتح قالي عشان تفتح غمقان الفرش و الشنطه أسود إن شاء الله

أنا بصراحه ساعات بقول لنفسي ان فرش الأرضيه و الشنطه مالوش لازمه وغالي بس شوفوا دواسات التوكيل مثلا ب 600 جنيه و مش حلوه زي الفرش الألماني اللي عنده واللي هيكون مغطي الأرضيه كلها + الشنطه مش مجرد دواسات و كمان هتحمي الموكيت كله بتاع الأرضيه

يا ريت تقولولي ايه رأيكم بسرعه لأني هروح بكره أدفع العربون 200 جنيه و التركيب بعديها ب 10 أيام يوم كامل من 10 صباحا ل 10 مساء !!!!!!

مستني مشاركتكم

توكل علي الله..