الموضوع: أرجو المساعده من ملاك السيفيك بخصوص فرش التوكيل(محتار جدا)

ايه يا جماعه فين الردود؟؟؟ هو الموضوع صعب ولا محيركوا انتوا كمان :)

اعتقد ان التوكيل موفر الفرش بخامات جيدة جدا
انا ركبت السماعات والفوج لايت والدواسات من هناك
وفعلا هي خامات جيدة خاصة الدواسات طلعت ممتازة

المشاركة الأصلية كتبت بواسطة mshamy

والله يا هونداوي انا كنت زيك بافكر افي موضوع الفرش الجلد علشان الطفل بتاعي مظبط الدنيا عندي..وكان في كذا موضوع اتفتح قبل كده بخصوص الفرش الجلد و افتكر ان كريم منير كان قال انه مركب فرش جلد ممتاز من عند دوس ب حوالي 1000 جنيه و تقريبا كان في اجماع على دوس من حيث النظافه و جودة الشغل "الغالي تمنه فيه"
بالنسبة لفرش التوكيل بصراحه معنديش فكره يمكن حد من الأخوه لما يقرأ الموضوع كمان شويه يفيدنا ...و يمكن نروح المشوار ده مع بعض :)

شكرا يا باشا والله أنا متفق معاك طبعا ان الغالي تمنه فيه وخصوصا انه للسيفيك مش لأي حاجه

والله ممكن نتقابل عادي في التوكيل في الصيانه ولا حاجه :)

بس أنا لسه عامل صيانه الألف السبت اللي فات لما آجي أعمل صيانه ال 5 هقولك إن شاء الله

المشاركة الأصلية كتبت بواسطة maryo114477

اعتقد ان التوكيل موفر الفرش بخامات جيدة جدا
انا ركبت السماعات والفوج لايت والدواسات من هناك
وفعلا هي خامات جيدة خاصة الدواسات طلعت ممتازة

أنا على فكره جبت الدواسات من هناك و أكيد لو فكرت أركب سماعات وفوج هجيبهم من هناك بس مش عارف ليه مش مقتنع بالفرش بتاعهم خصوصا انه مصري هو معقول بس حاسس انه كتير عليه 650

المشاركة الأصلية كتبت بواسطة Ahmed Samy

دوس ده تحفة
ولا توكيل و لا يحزنون
انا شوفت عربيتين عاملين عنده و والله العظيم ماعرفت انه فرش مش فرش الفبريكة اللا لما قالولى

احمد دوس من الأخر غالي حبة بس هيا الفلوس اقيم وللا حاجة هاتعيش معاك سنين ؟؟؟

أكيد طبعا حاجه تعيش يا باشا شكلي كده هتكل على الله وادوس في دوس :biggrinjester:

بس يا ترى في تخفيض لأعضاء نايل موتورز ولو فيه لازم استيكر و الاستيكر اجيبه منين ؟؟؟؟؟

أصلي على حسب معرف انه ب 1200 جنيه لكن طالما كريم باشا عمله بألف يبقى أكيد فيه تخفيض :)

ويا ريت يا باشا تقولي عنوانه فين بالظبط لأني ساكن في المنيل بعيد أوي عنه

في واحد شفته مركب فرش من عند مصنع السلام في الملك الصالح يعني جنب البيت عندي ب 650 بس معجبنيش أوي رغم انه قالي جلد ألماني !!!!!!!!!1

شكلي هتوكل على الله على دوس بس واحد صاحبي سأله امبارح قاله 1500 يا ترى 1200 أكيد؟؟؟ ولا أكتر ولا أقل؟؟؟ عايز أعرف السعر النهائي لو حد يعرفه