اقتباس المشاركة الأصلية كتبت بواسطة TOOLA مشاهدة المشاركة
نصيحة أخوية, مبقاش فيه حد عبيط فى الشرا, فعشان تبيع لازم تقرب من السوق,يعنى تشوف العربية بالحالة ديه فى السوق بتتكلم فى كام ,و بعدين تبتدى تزود اسعار الحاجات المركبها بمقدار سعرها مستعمل.

مثال: الكاسيت مثلا جديد لو قلنا 3000 ج (الله أعلم انا بقول مثلا لأنى معرفش), و تسعيره مستعمل يعمل فى حدود 1500 ج مثلا, يبقى لو انتا شايف عربيتك تعملها فى حدود 80,000 ج تروح تزود ثمن الكاسيت و من ثم الجنط و هكذا و يفضل يعنى تحددهم, لكن انتا مزود على سعر العربية فى 20,000 مستريح.

ثانيا اعذرنى انتا بتبيع فى مصر, يعنى العربية الفابريقة بالكامل بسعر, و رشة نضافة بسعر, و رشة حزام فقط ولا رشة كامل بردو بسعر, ده عرف سوق و انا واحد من الناس البقدر العربية لما تبقى فابريقة بالكامل و صدقنى بتفرق كتير فى الشراء و البيع.

ثالثا حضرتك بردو يفضل تحدد العداد عامل كام.

و أخيرا انتا بتعلى فى ثمن عربيتك فى حدود من 3 ل 5 الاف لزوم الفصال (يعنى تعمل فى حسابك انك لازم هتنزل عن السعر الهتحددو), و ده طبيعى فى خصال هذا الشعب.

و عموما بالتوفيق ان شاء الله.
والله انا مقدر كل كلامك وتعال نحسبها زى ما حضرتك قلت حتلاقينى انى عملت كل اللى بتقوله لو اعتبرنا ان انا حاسب كل حاجه بنصف تمنها فالديفيدى كان ب8000 نقول ب 4000 والجنوط كانت بسبعه بقت ب3000 والكساحه والاسبويلريين كانوا 2800 نقول 1400 والكشافات والشبكه ماكملوش 6 شهور كانوا ب 4000 نقول ب2000 مع ملاحظة وجود الجنوط والكشافات والشبكه الفبريكه معاهم كمان ولو اعتبرنا انى طالب اعلى سعر فى العربيه وهو 80.000 ونزود الحاجات دى يبقى ثمنها 90.000 ولو ممكن نقول فرش جلد وماتور نظيف وعفشه عربيه مرفوعه ونتكلم فى الصاج اللى مافيهوش نقطة معجون بس رشه نظافه واتجرات وزودت 3000 يبقى انا مزود 7.000 مش 20.000
ملحوظه
اولا العربيه عامله 101.000 كيلو معظمها سفر
ثانيا انا ماقلتش السعر نهائى وماسمعتش الا (السعر مبالغ فيه) .
والف شكر على نصيحة حضرتك