مبرووك يا ريس علي قطعة الغيار وربنا يطولك في عمره واكيد لو في حاجه ارجعلهم تاني بس هي اكيد حتتجرب قبل متستلمها متقلقش ومبروك ياباشا
عرض للطباعة
مبرووك يا ريس علي قطعة الغيار وربنا يطولك في عمره واكيد لو في حاجه ارجعلهم تاني بس هي اكيد حتتجرب قبل متستلمها متقلقش ومبروك ياباشا
تم تغيير المقص الامامي شماااال على حسب اخر تشخيص للمهندس محمد عبد الهادي
متظبطتش على جهاز الزوايا برضه
و انا طلبت تجربة اسبوع عشان اقدر احكم عليها كويس و لو في حاجة هاروح السبت اللي جاي
هو فى الأول قالوا مقص أمامى يمين ودلوقتى حضرتك بتقول غيروا مقص شمال انا بصراحة مش فاهم حاجة ؟؟؟؟
ويعنى ايه متظبطتش على جهاز الزوايا ده لازم تتظبط على الجهاز وأعرف منين أن العربية أتظبطت ؟؟؟؟
ايه ده هى عربية زيرو ولا مستعملة ولا ايه ؟؟؟؟؟
بص عايز نصيحه لوجه الله ... بيع العربيه دى وانا باقول ان توكيل عز العرب توكيل فاشل وانا فى الاول كنت بافكر فى العربيه دى ولكن تراجعت تماما بعد سؤالى عن قطع الغيار وعدم تواجها حاليا او مستقبلا وجبت صينى افضل على الاقل كل قطع الغيار متوفره بكافه انواعها ...انت ممكن دلوقتى تبعها بسعر كويس ومش هتخسر كتير وماتستناش لانك مش هتوصل لحاجه مع التوكيل وحتى لو روحت حمايه المستهللك هيقولوا لهم اننا نعالج العيوب وخدلك سنتين على كده
:H_angry[1]::H_angry[1]::H_angry[1]::H_angry[1]:
طيب بالنسبة لمشكلة الحدفة خلصت ولا ايه
ولو بتفكر تبيع انا عربيتى بيرسونا 2010 سوداء عمله 37000كم
لو عايز تبدل مافيش مشكله ادفعلك الفرق بما يرضي الله عربيتى مافيهاش الهواء ولسه فى الضمان
انا كنت هاصبر سنه كمان واغيرها شوف ورود عليا انا تحت امرك
اخوك احمد بدران
01007784320
ولو حبيت تستفسر عن اى حاجة او اى خدمه
يا سيدى الفاضل متخليش حد يكرهك فى العربية حضرتك فى الضمان خليك وراء التوكيل لحد متاخد حقك لو العربية محتاجة كمان مقص يمين مش مشكلة خليك وراهم ولو ماكينة الزجاج محتاجة تغيير مش مشكلة برضة خد حقك منهم المهم والحمد لله انه مافيش عيب معطل العربية او منعك من أستعمالها وعلى فكرة انا أكتشفت أن كل التوكيلات فى مصر أو معظمها زفت لو حضرتك دخلت فى المنتدى على صفحات هيونداى-كيا-ميتسوبيشى-نيسان هتلاقى كل الناس بتشتكى من عيوب تقفيل والتوكيل أيضا يعنى لا جديد تحت الشمس متزعلش وأستمتع بعربيتك الجديدة والبرسونا عربية جميلة :Y_hi_3[1]:
المهم أخبار العربية معاك أيه بعد تغيير المقص الشمال
بص حضرتك روح لبريدج ستون عمارات العبور بصلاح سالم و اكشف زوايا و يقولك ايه الي فيها بالزبط عشان التوكيلات مبتحلش حاجه و في مصر يا تشتري خليجي يا مستعمل و انصحك بالخليجي مش هتلاقي فيه المشاكل دي
روحت النهارده التوكيل غيرولي المقص اليمين
و ظبطنا زوايا و طلعنا نجرب و لكن ما زالت الحدفة اليمين زي ما هي
المهندس قالي لازم تقابل م/امر بكرة عشان يحللك المشكلة
قولت ماشي و روحت
و انا مروح حصلت حاجة غريبة
سيبت الدركسيون لاقيتها بتحدف شمااااااااااااال
شوية بقت تحدف يمين
و طول الطريق على كده حبه يمين و حبة شمال
يا ريت تقولولي رأيكم عشان انا خلاص قربت اتجنن
المشكله ده كانت حصلت معايا قبل كده في عربيه شفرليه كابريس بس كمان كان فيها رجه على السرعات العالية وفي اخر المطاف طلعت المشكله من الكاوتش
غيرت الاربع فرد والدنيا ظبطت
حاول تكشف عليهم او تبدلهم مع حد وتجرب
ربنا يعينك حاجه تعكنن
حاول تظبط زوايا عند حد محترم لأنى لا أثق فى جهاز الزوايا فى التوكيلات لو العربية لسة بتحدف يبقى الكاوتش فية حاجة أكيد وبرضه شوف المهندس امر .
السلام عليكم
أنا فعلا عندي مشكلة مع عز العرب في الاسكندرية من شهر وعدوني بتغيير المساعدين الأماميين لسيارتي بروتون ساجا 2011 وللأسف للآن لا حياة لمن تنادي وكل أسبوع يقول لي الأسبوع اللي بعده لأن قطع الغيار لم تصل للآن
أنا بصراحة مش عارف أتصرف إزاي معاهم، ناهيك عن عدم الرد على أرقام التليفون الأرضي نهائياً
كل الوعود اللي أخذتها من خلا الاتصال بمهندس محترم داخل التوكيل وعلى موبايله الخاص
ياريت السادة عز العرب يعطوني رد حاسم فس أقرب وقت
النهارده اخدت اجازة من الشغل و روحت التوكيل
المفاجأة الكهرباء قاطعة و فضلت قاطعة من 9 ل 6 شئ مشرف بصراحة
المهم العتب اللي كان قشر اترش و الحمد لله
و بعد كده جه المهندس و خد فني زوايا معاه و خرجو يجربوها و رجع قاللي العربية محتاجة علبة دركسيون
و بعد كده جه المهندس سيد مدير الصيانه طلع يجرب معايا العربية عشان يشوف الحدفة دي
و قعد يقنع فيا ان العربية سليمة و ان دي حدفة من الطريق
خصوصا ان الحدفة بقت شمال و يمين
انا مبقتش واثق فحد و وفعلا متحير جدا
يا ريت يا جماعة حد ينصحني بطريق نضيف اطلع اجرب عليه
اولا نصيحه مني ماتجربش على سرعات عاليه اوي لان الهوا هيحرك العربيه منك
يعني جرب على 80 كم مثلا
لو عاوز طريق كويس اطلع على طرق سفر مش جوه البلد او كباري
وياسيدي خلي حد صديقك يجرب معاك لانك ممكن تحكم غلط لانك اصبحت موسوس واسف للفظ لااقصد الاساءه طبها وقليل الثقه من ناحية العربيه
ولو وقفت خالص مع الحل كلمني تاني
ربنا يكرمك وتحياتي ليك
ربنا يسهل انا هاطلع انا وواحد صاحبي على طريق مصر اسماعيلية الصحراوي و نجرب
اضرب طريق السخنة لغاية قبل الكارتة و ارجع
من وجهة نظرى لما العربية تحدف شوية يمين وشوية شمال يبقى من الطريق
تانى حاجة شوف حد عربيته مافيهاش مشكلة وخد كاوتشاته وجربها منه "الكاوتشات طبعا"
ويسلام لو تجربها على طريق القطامية السخنه
حلوه موضوع حمايه المستهلك دى دا كله فشنك انتو ناسين ان حمايه المستهلك دى فى مصر يعنى اونطه
فيه أى أخبار عن الحدفة يا moh2015
انا اسف على التأخير في الرد يا جماعة
بس انا للأسف لسة مجربتهاش على طريق نضيف عشان كان ابن خالي عامل حاثة كبيرة و قعد فترة في المستشفى و بعدين توفى
بس ان شاء الله قريب هاطلع اجربها
البقاء لله
سبحان من له الدوام
البقاء لله
ربنا يرحمه ويسكنه فسيح جناته
هو اكيد ارتاح من الهم اللي بنشوفه ده