و بدأت المعاناه مع عز العرب

**saint2011** · 14-03-2012 10:12 PM

المشاركة الأصلية كتبت بواسطة osa92003

بص عايز نصيحه لوجه الله ... بيع العربيه دى وانا باقول ان توكيل عز العرب توكيل فاشل وانا فى الاول كنت بافكر فى العربيه دى ولكن تراجعت تماما بعد سؤالى عن قطع الغيار وعدم تواجها حاليا او مستقبلا وجبت صينى افضل على الاقل كل قطع الغيار متوفره بكافه انواعها ...انت ممكن دلوقتى تبعها بسعر كويس ومش هتخسر كتير وماتستناش لانك مش هتوصل لحاجه مع التوكيل وحتى لو روحت حمايه المستهللك هيقولوا لهم اننا نعالج العيوب وخدلك سنتين على كده

يا سيدى الفاضل متخليش حد يكرهك فى العربية حضرتك فى الضمان خليك وراء التوكيل لحد متاخد حقك لو العربية محتاجة كمان مقص يمين مش مشكلة خليك وراهم ولو ماكينة الزجاج محتاجة تغيير مش مشكلة برضة خد حقك منهم المهم والحمد لله انه مافيش عيب معطل العربية او منعك من أستعمالها وعلى فكرة انا أكتشفت أن كل التوكيلات فى مصر أو معظمها زفت لو حضرتك دخلت فى المنتدى على صفحات هيونداى-كيا-ميتسوبيشى-نيسان هتلاقى كل الناس بتشتكى من عيوب تقفيل والتوكيل أيضا يعنى لا جديد تحت الشمس متزعلش وأستمتع بعربيتك الجديدة والبرسونا عربية جميلة

**moh2015** · 14-03-2012 11:14 PM

المشاركة الأصلية كتبت بواسطة saint2011

يا سيدى الفاضل متخليش حد يكرهك فى العربية حضرتك فى الضمان خليك وراء التوكيل لحد متاخد حقك لو العربية محتاجة كمان مقص يمين مش مشكلة خليك وراهم ولو ماكينة الزجاج محتاجة تغيير مش مشكلة برضة خد حقك منهم المهم والحمد لله انه مافيش عيب معطل العربية او منعك من أستعمالها وعلى فكرة انا أكتشفت أن كل التوكيلات فى مصر أو معظمها زفت لو حضرتك دخلت فى المنتدى على صفحات هيونداى-كيا-ميتسوبيشى-نيسان هتلاقى كل الناس بتشتكى من عيوب تقفيل والتوكيل أيضا يعنى لا جديد تحت الشمس متزعلش وأستمتع بعربيتك الجديدة والبرسونا عربية جميلة :y_hi_3[1]:

انا و الله بحبها كدا و مغرم بيها كمان بس الحاجات دي بتزعل الواحد برضه
يعني الواحد جايب عربية زيرو عشان يرتاح من اللف على تصليح الكورسا اللي كانت معايا
افضل الف برضه على تصليح الجديده

**moh2015** · 14-03-2012 11:16 PM

المشاركة الأصلية كتبت بواسطة pedro732000

طيب بالنسبة لمشكلة الحدفة خلصت ولا ايه
ولو بتفكر تبيع انا عربيتى بيرسونا 2010 سوداء عمله 37000كم
لو عايز تبدل مافيش مشكله ادفعلك الفرق بما يرضي الله عربيتى مافيهاش الهواء ولسه فى الضمان
انا كنت هاصبر سنه كمان واغيرها شوف ورود عليا انا تحت امرك
اخوك احمد بدران
01007784320
ولو حبيت تستفسر عن اى حاجة او اى خدمه

هي لسه مشكلة الحدفة متحلتش و انا كلمت المهندس محمد عبد الهادي و قاللي تعالى السبت اللي جاي و ربنا يسهل

بالنسبة لموضوع البدل انا اسف لحضرتك انا مش هاقدر افرط فيها لأني بحبها جدا

**saint2011** · 14-03-2012 11:19 PM

المهم أخبار العربية معاك أيه بعد تغيير المقص الشمال

**moh2015** · 14-03-2012 11:26 PM

المشاركة الأصلية كتبت بواسطة saint2011

المهم أخبار العربية معاك أيه بعد تغيير المقص الشمال

ما هي لسه بتحدف يمين
لسه هاروحلهم السبت

**FBIAhmed** · 15-03-2012 02:41 PM

بص حضرتك روح لبريدج ستون عمارات العبور بصلاح سالم و اكشف زوايا و يقولك ايه الي فيها بالزبط عشان التوكيلات مبتحلش حاجه و في مصر يا تشتري خليجي يا مستعمل و انصحك بالخليجي مش هتلاقي فيه المشاكل دي

**moh2015** · 16-03-2012 11:50 PM

المشاركة الأصلية كتبت بواسطة pedro732000

وهو المطلوب اثباته
عارف المشكله هاتبقى ايه ان شاء الله لما ينعم ويفرجها عن قريب ومشكلتك تتحل مش هاتبقى عاوز تنزل من العربية اصلا
وربنا يدمها علينا نعمه ويحفظنا من شرها

اللهم امين

**moh2015** · 17-03-2012 09:41 PM

روحت النهارده التوكيل غيرولي المقص اليمين
و ظبطنا زوايا و طلعنا نجرب و لكن ما زالت الحدفة اليمين زي ما هي
المهندس قالي لازم تقابل م/امر بكرة عشان يحللك المشكلة
قولت ماشي و روحت
و انا مروح حصلت حاجة غريبة
سيبت الدركسيون لاقيتها بتحدف شمااااااااااااال
شوية بقت تحدف يمين
و طول الطريق على كده حبه يمين و حبة شمال
يا ريت تقولولي رأيكم عشان انا خلاص قربت اتجنن

**a7mad_mo7amad6** · 18-03-2012 12:21 AM

المشكله ده كانت حصلت معايا قبل كده في عربيه شفرليه كابريس بس كمان كان فيها رجه على السرعات العالية وفي اخر المطاف طلعت المشكله من الكاوتش
غيرت الاربع فرد والدنيا ظبطت
حاول تكشف عليهم او تبدلهم مع حد وتجرب
ربنا يعينك حاجه تعكنن