الموضوع: و بدأت المعاناه مع عز العرب

السلام عليكم

أنا فعلا عندي مشكلة مع عز العرب في الاسكندرية من شهر وعدوني بتغيير المساعدين الأماميين لسيارتي بروتون ساجا 2011 وللأسف للآن لا حياة لمن تنادي وكل أسبوع يقول لي الأسبوع اللي بعده لأن قطع الغيار لم تصل للآن

أنا بصراحة مش عارف أتصرف إزاي معاهم، ناهيك عن عدم الرد على أرقام التليفون الأرضي نهائياً

كل الوعود اللي أخذتها من خلا الاتصال بمهندس محترم داخل التوكيل وعلى موبايله الخاص

ياريت السادة عز العرب يعطوني رد حاسم فس أقرب وقت

المشاركة الأصلية كتبت بواسطة a7mad_mo7amad6

المشكله ده كانت حصلت معايا قبل كده في عربيه شفرليه كابريس بس كمان كان فيها رجه على السرعات العالية وفي اخر المطاف طلعت المشكله من الكاوتش
غيرت الاربع فرد والدنيا ظبطت
حاول تكشف عليهم او تبدلهم مع حد وتجرب
ربنا يعينك حاجه تعكنن

باشا كاوتشاتي لسة جديده لانج

المشاركة الأصلية كتبت بواسطة saint2011

حاول تظبط زوايا عند حد محترم لأنى لا أثق فى جهاز الزوايا فى التوكيلات لو العربية لسة بتحدف يبقى الكاوتش فية حاجة أكيد وبرضه شوف المهندس امر .

روحت لواحد فحدايق القبة عنده جهاز هانتر و ظبطلي الزوايا و قالي بقت تمام و ولسه زي ما هي

النهارده اخدت اجازة من الشغل و روحت التوكيل
المفاجأة الكهرباء قاطعة و فضلت قاطعة من 9 ل 6 شئ مشرف بصراحة
المهم العتب اللي كان قشر اترش و الحمد لله
و بعد كده جه المهندس و خد فني زوايا معاه و خرجو يجربوها و رجع قاللي العربية محتاجة علبة دركسيون
و بعد كده جه المهندس سيد مدير الصيانه طلع يجرب معايا العربية عشان يشوف الحدفة دي
و قعد يقنع فيا ان العربية سليمة و ان دي حدفة من الطريق
خصوصا ان الحدفة بقت شمال و يمين
انا مبقتش واثق فحد و وفعلا متحير جدا
يا ريت يا جماعة حد ينصحني بطريق نضيف اطلع اجرب عليه

ربنا يسهل انا هاطلع انا وواحد صاحبي على طريق مصر اسماعيلية الصحراوي و نجرب