الحمد لله الصنى فى الامان
عرض للطباعة
الحمد لله الصنى فى الامان
طيب ايه مصداقية الخبر ده هل اشاعه ولا ايه؟؟
فية حاجه دلوقتى ان الكلام بيقول انه المشاكل فى العربيات موديلات 2010و2011
هل ده معناه ان الموديل 2012 مفيهوش المشاكل دى ولا ايه؟؟
يا جماعة فى حد عنده مشاكل بالفعل فى التيدا؟على الاقل
أنا كلمت أوتو إيجيبت على الرقم المختصر وطلبت منهم توضيح العيوب المذكوره عاليه ، فأخذوا بياناتي وأخبروني أنهم سيتصلوا بي بعد ربع ساعة
وبعد 10 دقائق إتصلت بي المهندسه أمنيه الغندور نائب مدير الصيانه بأوتو إيجيبت وأخبرتني أنه لم يرد إليهم بشكل رسمي من نيسان بيان بالسيارات المعيبه ، وأن ذلك لا يشمل كامل السيارات بل بعضها فقط ،وإن كان فسيتم إستدعاء السيارات المعيبه من خلال الإتصال بالعملاء تليفونيا .
الشكر واجب للمهندسه أمنيه الغندور نائب مدير الصيانه
والشكر واجب لأوتوإيجيبت
تاني حاجه إن موضوع الاستدعاءات وعيوب الصناعه حصلت مع أعتى شركات السيارات في العالم مثل تويوتا وشيفرليه وفولكس فاجن و............كتير أوي ، وده اليومين دول شيء مش غريب وهتلاقيه بيحصل مع الشركات الصغيره كمان بس مبتجيش لهم الجرأه إنهم يعلنوا عن ذلك .
بس ما دامت الشركه أعلنت فده يدل على إنها شركه محترمه وبتهتم بعملائها ، والخطوه التانيه إنها تصلح تلك العيوب بدون تكلفه .
في رأيي لو ده حصل يكون سبب لإقتناء سيارات تلك الشركه وليس البعد عنها ، لأنها تتمتع بالمصداقيه وإحترام العملاء ، ولا أرى نيسان ببعيده عن ذلك فكل من عانى من موضوع الضفيره في الصني المصري ، تم تغييرها بالوكيل وببلاش مثل صديقي الدكتور يوسف عوض ، وكذلك شكوى الأستاذ سامح من abs ووعد أوتوإيجيبت له بحل المشكله بعد طلب وحدة الكنترول من الخارج وببلاش برده ، دي أمثله وليست حصر وده ما تنامى لعلمي وبالتأكيد فيه أمثله أكتر من كده
إذا إخواني اللي كانوا عايزين يشتروا التيدا ، الإعلان ده يشجعك على الشراء ، لأن الناس صلحوا عربياتهم وهم حالات فرديه ، وبدون ضغط ولا فصال ولا حماية مستهلك .
بحييك يا استاذ احمد على العقلية الهادئة والتصرف العملى المظبوط
هو ده .. اننا لما يكون فى خبر .. لازم نتاكد منه بطريقة عملية ..
سبقتنى .. انا كنت حتصل بيهم النهاردة .. ولقيتك سبقت بالخير .. وده واجب ودور كل الصقور .. التاكد من الخبر وحل المشاكل .. ووزن الامور بعقلانية شديدة وبسيطة
وده اللى سبب تسميتنا بالصقور .. لاننا بنحلق فى السماء ولينا نظرة قوية ومختلفة عن اى قارئ عادى .. بياخد الامور بمحمل الخوف .. او محمل الهجوم بدون مبدا واساس
بوافقك الكلام فعلا والراى .. وحسن التصرف ..
تحياتى العميقة لحضرتك