حياكم الله يا دكتور إيهاب
يا أحمد بك جزاكم الله خيراً ، ونحن نمشي على دربكم ، منكم تعلمنا ، وأنتم دائما أصحاب فضل
عرض للطباعة
كلامك مظبوط يا استاذ احمد
وتوكيل نيسان محترم جدااا .. بس عيب لما يبقى مش عندهم فانوس للهاتش باك :d
علي فكرة يا شباب ده دليل واضح و صريح علي احترام نيسان لعملاؤها بس بجد اللي زعلني من الموضوع ده هو تضيع الوقت مش اكتر .. هو فعلا يوم التوكيل بيبقي يوم جميل و ممتع عشان بقابل اللي بحبهم
لكن لما الواحد يلاقي عيب تصنيع و بيبقي مثلا جاي من اخر الدنيا و تعب .. هو ده اللي بيزعلني بس
انما قدام ده كله يهون قدام شركة نيسان المحترمة و علي اهتمامها بالعملاء
أنا حاولت أبحث عن سبب ال recall ده ، ووجدت مايلي:
1- المشكلة اللي أعلنت عنها نيسان الأم أعتقد ملهاش علاقة بمصر نهائي، لإن موديلات نيسان في مصر محدودة للغاية.
طبعا الفضل يرجع للجمارك .. عشان بس تعرفوا إن قلبهم علينا.
2- الموديلات اللي نعرفها وتشملها هذه المشكلة : نيسان جوك DIG (الياباني والإنجليزي) ، وأختها التيدا DIG (الصيني).
3- المشكلة موجودة في مواتير ال DIG التربو ، وهي إن (حساس البنزين) Fuel pressure regulator valve واللي راكب عالمسطرة Fuel rail مربوط بعزم رباط غير مناسب (قليل نسبيا) .
وكنتيجة لضغط الوقود العالي وكونه أضعف جزء في ال fuel line فبيحصل إنه بيهوّي شوية فشوية كنتيجة لتشغيل السيارة لأقصى ظروف التشغيل ،، مما قد يؤدي إلى تسرب بعض الوقود .. وده طبعا خطر.
4- اللي أعرفه إن في الحالات دي نيسان بتبعت TSB لوكلائها في العالم (إدارة الدعم الفني)
ويتم إبلاغ مديري الصيانة في كل المراكز بعمل improvement campaign عشان يتم التعديل أو التغيير مجانا .
متهيألي ال fuel regulator بتاع التيدا المصري (HR16DE) موجود في الطلمبة نفسها (جوا التنك).. مش راكب عالمسطرة.
والله أعلم.