السلام عليكم ورحمه الله وبركاته



حبيت انقل ليكم تجربتي للافاده العامه
ساعه الزيت(oil pressure valve)

غيرتها من فتره 3 شهور بس كانت مش اصليه كان سعرها 35ج وفرحت انما في الاخر الاصلي يعمروالتقليد يدمر
اشتريتها من توكيل منصور في المنصوره ب65ج وبتركب علي اي سياره اوبل او دايو
-اعراض تلفها ان لمبه الزيت تبدا تومض علي خفيف زي ماتكون اخده ارضي
-مكانها تحت ورا فلتر البنزين بالضبط هتلاقي سلك واصل ليها بفيشه
-تركيبها سهل بتفك الفيشه لبره و مفتاح 25 وبتفكها وتركب الجديده
انما اصعب شيء هو انك تعرف توصلها بايدك وتفك,كان نفسي اصورلكم مكانها
بس كنت محشور تحت المصفحه وامسكها بالبنسه القفاشه واطلع امد ايدي من الكبوت
والف البنسه علشان العزم يبقي اكبر
بس في الاخر غيرتها الحمد لله واللمبه طفيت تماما .وتحت امركم في اي استفسار.