الموضوع: غيرت ساعه الزيت !!!

المشاركة الأصلية كتبت بواسطة neemoo

كالعادة برنس يا فادى ..... والله أنا عاوز أتعرف عليك من زمااااااااااان ..... وكمان ليا أصحاب كتير من دمياط ورأس البر وكمان من البرج ...... يعنى فى مرة هشوفك ونتقابل إن شاء الله .

وتسلم إيدك يا باشا .

بس أنا ليا سؤال ... أنا مرة لقيت تسريب زيت جنب العجلة اليمين قدام ولقيت التسريب ده على المصفحة ... ولما رحت للميكانيكى قالى دى ساعة الزيت ... وغيرتها ببتاعت الفيرنا بـ 15 جنيه ... بس مكنش فيه أعراض لمبة زيت أو أى حاجة .
هى دى بقى ساعة الزيت ولا حاجة تانية .... هى شكلها شكل مسمار بصمولة .
والسؤال التانى اللى مش فى مكانه .... أنا كنت جربت موضوع الخل فى تنظيف ميهه الريداتير .... زودت حوالى 2 لتر خل .... وطلعت مشوار حوالى 120 كيلو متر ..... وبعدين خرطوم ميه فى القربة .... والخرطوم الراجع من الريداتير فكيته ..... وسبتها لحد ما خلصت كل الوساخة .... روحت مزود ميه خضرا .... وقفلت كل حاجة .... بعدها بيوم لقيت القربة شكلها أخضر .... وكأن فيها طحااالب !!!!! .... مش فاهم دى من الميه الخضرا ولا ايه اللى حصل ..... تقلت عليك يا برنس فى الأسئلة ..... بس نعمل ايه .... انت اللى شرحت

شكرا لذوق حضرتك والشرف ليا طبعا.ونتقابل الجمعه ان شاء الرحمن.
اولا..ممكن طبعا ساعه الزيت تسرب من غير ماللمبه تنور ..
ثانيا..حضرتك مانظفتش دوره الميه كويس من الاوساخ بعد الخل
المفروض تدور الموتور وانت مدلدل خرطوم القربه لتحت علشان
طرمبه الميه تشتغل وتساعدك في قذف الاوساخ بره واثناء العمليه
دي بتزود ميه مقطره من القربه علشان تحافظ علي منسوب الميه
والعربيه شغاله وتزود وتقرص بنزين بايدك من الاكسراتير لغايه ما
تلاقي الميه نازله نظيفه زي مابتحطها من فوق تقفل كل حاجه وتحط
ميه خضرا امريكي ابرو اللي هي في كان صفيح ب10ج دي احسن حاجه
وبس كده..