الموضوع: هو كده يبقي العيب كهربة مش مظبوطة ولا كربراتير

النهاردة الصبح دورت وسخنت العربية قبل ما امشي وتمام وتوكلت على الله ومشيت بيها حوالى 2 كيلو وجيت عند ملف طبعا هديت راحت العربية مبطلة وكانت عينى باصة على الار بى ام وبعدين اول مادوست فرامل لقيت العربية بطلت دورت على طول دارت ومشيت بيها حوالى 5 كيلو كمان وراحت قاطعة خالص مش عايزة تدور كل اما الف المفتاح فى الكونتاكت مش راضية والبطارية لقيتها ضعيفة المهم لقيت الكابل الارضى اللى فالبطارية مملح وملخلخ المهم قرطت عليه وجيت ادور مرضيتش برده لقيت اتنين معديين زقونى ودارت ومشيت بيها عينى على الار بى ام عشان اخلى بالى لاتبطل منى لقيت حاجة عجيبة وغريبة واول مرة اشوفها فى حياتى الا وهى ان مؤشر الار بى ام بيرقص يطلع لغاية 5 ويرجع على 3 ويعلى على 4 وحاجات عجيبة كده بقت بتحصلى المهم قلت اهم حاجة مؤشر الحرارة عندى مشيت ورجعت البيت وركنت وبطلت وقلت ادورها تانى مرضيتش تدور انا خلاص هاتجنن مبقتش عارف سبب للمشكلة مع العلم انا بحط بنزين 92 قلولى اعمل ايه ومحدش يرد ويقول روح للميكانيكي لانى طبعا هاروح له بس كنت عايز افهم الاول عشان ميضحكش عليا ويعمل عليا فيلم هندى