معلش ياجماعة انا بقالي فتره مش بفتح الموقع. ادي اخر الاخبار. و اسمعوا الكوميديا الي حصلت معايا. روحت المركز المعتمد بعد ماركبت التيل الجديد عند ميكانيكي و زي ما قولتيلكوا ركبوا من غير الحديديه دي shims break.. لاني بصراحه بسمع صفاره وانا ماشي مش وانا حتى بفرمل. المهم الحديدة دي طلعت مهمة جدا جدا . لانها بتدخلي التيل كله يدوس على الطنابير موازي الضغط على التيل كله. مش جزى منه وجزى لا. ومن غير الحديده التيل الجديد باظ لانه بقى متاكل من جمب و جمب لا . مش مستوي يعني. و ده سبب الصفارة وانا ماشي. قرفت جدا و الراجل فالتوكيل قالي هات التيل الكوري ب 60 جنيه حيمش معاك حلو لغايه ما يتاكل و غيره. لاني مش مستعد اجيب حاجه غاليه تاني دلوقتي. لما يتاكل ابقى اجيب الاصلي. و ده يعلمك ايه بقى؟ اشتري الحاجة بايدك و شوفها كويس و اسائل واتاكد انها الاصلى! و روح ركبها فمركز معتمد لان ايدهم فالعربية على طول. و مش حيفتوا زي الميكانيكيه و يبوظولك العربية. و مش عارف بجد ايه نوع الضمير عن بعض الصنايعية!