الله عليك يا أ/ الطنطاوى
الله عليك يا أ/ الطنطاوى
:grin54:
برضه حضرتك ماجاوبتش علي أسئلتى ولا أسئلة باقي الاعضاء .. خبر منشور ف جريدة .. وانت استخدمته للتهكم .. أثبت ايه ؟ استفدت ايه؟ ولا حاجه
غير كده فى المقال اكتر من مرة يتم ذكر "سعر المخطوطة أو الكتاب" إيه فايدة التسعير؟؟؟
بيزبس يا باشا
ياباشا
الموضوع تم نشره في جميع الصحف والمواقع الاخباريه بعيدا عن المواقع الاسلاميه
لا طبعا مش تلقيح تهم
وبدون زعل الخبر صحيح والكنيسه من حقها تنفيه
مش اعتراض علي الكنيسه
لكن لان الخبر ينافي ثوابت العقيده المسيحيه والانجيل
وطبعا مش المنتظر ان الكنيسه او الفاتيكان يرحبو بالنسخه وان كانت صحيحه
اسلا م كاكا وان كان لايعني لك شياء
لكنه يعني لي شخصيا علي الاقل اشياء كثيره
لا طبعا مش عايزين فتنه
الكلام كان بهدوء وبون تعصب
طيب ارجع حضرتك لمشاركتك رقم 2 واتفرج علي تسلسل الكلام اللي كتبته .. بدأت باتهام الكنيسة بالتنصل من المخطوطة (اللي هى أصلا لسه لم يثبت صحتها) ومحاولة التعتيم عليها .. وانتقلت فجأة لموضوع اسلام لاعب الكرة (اللي ثبت ايضا انه اشاعه) وبرضه اتهمت الاعلام بالتعتيم عليه .. يعنى كل دول تآمروا علي الاسلام والمسلمين .. وف الاخر ختمتها باتهامك لهم بالكفر .. كده حضرتك الكلام يتفهم إزاي؟ .. يا اخى الفاضل انا لم اهاجم الموضوع ولم انكره انما فقط باعترض علي ردك لا اكتر ولا اقل .. واشكرك علي سعه صدرك وتقبل تحياتى
مبدئيا
الكنيسه والفاتيكان في الاصل ينكرون انجيل برنابا من الاساس غير معترف به
فطبيعي ان وجدت النسخه الجديده هايكون غير معترف بيها
يعني انا لم اتهم الكنيسه بالتنصل من النسخه لانها غير معترفه بيها في الاصل
ثانيا لو تتذكر من سنتين تم عرض فيلم اسباني في امريكا تحت اسم اجورا
كن يناقش الفتره التي تم فيها قتل العالمه المصريه هيباتيا وكان راس الكنيسه في تلك الفتره
البابا كيرلس الملقب بعمود الدين
وعلي حسب قصه الفيلم كان هو المسؤل عن قتلها
وتدخلت الكنيسه المصريه لدي رجال مبارك لمنع عرض الفيلم
تعتيم
نفس الموضوع في روايه عزازيل
والصراع الذي دار بين الانبا بيشوي ويوسف زيدان كاتب الروايه وكان علي صفحات الجرائد
لمنع نشر الروايه
اما موضوع كاكا
طبيعي ان خبر اسلام كاكا ينال اهتمام الكثير
لانه لاعب كبير
انا باتكلم في المبدا نفسه
يعني لو كاكا كان عمل جريمه
مش كنت هاتلاقي كل وسائل الا علام والقنوات الخاصه بتتكلم عليها
سؤاء كان الخبر صحيح او غلط
مفيش تامر علي الاسلام ولا حاجه
انما الموضوع هو الحساسيه الزائده من نشر مثل هذا الخبر لو كان صحيح
الاتهام بالتكفير في غير محله
انا ذكرت ايه من الكتاب المنزل ان الله سوف يتم نوره ولو كره الكافرون
وبعدين ياباشا طبيعي
المسيحين ينكرون الرسول من الاصل ولا يعترفون بالاسلام وانه ديانه سماويه
واحنا مش زعلانين
انتت معتقد انك علي صواب وكلك يقين بان دينك هو الدين المنزل من عند الله
واليهودي متاكد من انه علي صواب وانه صاحب الدين الصحيح
والمسلم مع اعترافه بالمسيحيه انها دين من عند الله واليهوديه من عند الله يقينه واعتقاده بانه الدين الاصح
والله يحكم بين الكل يوم القيامه
كللك ادب واخلاق عاليه
اهلا بيك ومنور الموضوع يادكتور
تصدق اول مرة بجد اسمع قصة الفيلم ده ! .. وبعدين يا باشا علي حد علمى رواية عزازيل اتنشرت و برضه ف عهد رجال مبارك يعنى ماحصلش تعتيم ولا حاجه انما كان الخلاف علي مضمون الرواية .. بالنسبه لموضوع الاعتراف بدين الاخر ف اسمحلي كلامك مش صحيح لأن المسيحى معترف بالاسلام و البابا شنوده نفسه لما سئل عن الدين الاسلامى قال بالنص : " هو دين سمح به الله مثلما سمح باليهودية والمسيحية" .. لكن تعالى حضرتك نرجع لأول مشاركه ف الموضوع هاتلاقي صاحب الموضوع كاتب بالنص ( الدين الاسلامى لا يعترف بالثالوث المقدس ولا صلب المسيح) .. يبقى مين اللي بينكر الاخر ؟ .. طيب بلاش دي .. ايام مابعد مذبحه ماسبيرو لما تعاطف الاخوة المسلمين مع المسيحين ورفع الصليب جنب القرآن .. طلع اكتر من عضو علي صفحات المنتدي بيحذر بشده من رفع الصليب و بيتهم المسلمين بالنفاق و الضعف وكأن ده فيه اساءة لهم وللدين الاسلامى وتم تبادل حديث عن ان الرسول (ص) لم يترك في بيته شئ به تصاليب الا و نقضه .. و ناس كتير حطته ف تواقيعهم ومشاركاتهم .. بس برضه ارجع واقولك مع اختلاف العقيده الا ان عقيدتك دي حاجه بينك و بين ربنا ماتخصنيش من قريب ولا بعيد وانا مؤمن بشدة ان الدين معاملة و اسلوب حياه وربنا يرحمنا جميعا و شكرا لذوقك وردك