الموضوع: فورد ٢٠١١ للبيع لدواعى السفر

???????????????????????

متابع باهتمام

امين يارب متشكر لاهتمام حضرتك

واضح ان محدش عايز يشترى فى المنتدى دا طب تنصحزنى اعرضها فين لو ممكن حد يدينى مواقع كويسه مفيهاش تجار

المشاركة الأصلية كتبت بواسطة HAGAN

الاخ الكريم الفاضل
من تجربتي الحديثة جدا من كام يوم في موضوع سيارتي التريوس و كان بها مشكلة بس انا كنت عاوز اسعرها علشان كنت داخل مع الوكيل في خلافات علي تقييم سعرها لاني كنت مصمم علي بيعها لهم و عدم بيعها لاي عميل لان بها مشكلة
المهم اتصلت بكل شركات السيارات من الوسيط الذين يشترون المستعمل و كنت عارف ان اي سعر سوف يقيمو به العربية بعد مهاترات و شد و جذب معناه اني اضع فوقه علي الاقل 10 الاف جنيه لو بعتها لاي عميل عادي
و بالفعل في يوم واحد حصلت علي تليفوناتهم من الوسيط و من الساعة 11 صباحا انطلقت و كان معي صديق لي ماسك النمر في يده و اسماء المعارض و ماسك قلم و بيعلم علي الاسم و يضع الرقم اللي بنحصل عليه و كانت البداية من المصرية و ايجي موتور ملاصق لهم علي كورنيش النيل ثم اوتو سمير ريان في طريق النصر ثم ذهابا الي اكثر من معرض في مصر الجديدة و مدينة نصر و انتهينا علي الساعة 7 مساء و كان الكل بيجمع علي رقم فاكر وقتها اغلبهم قال 100 الف من اول كلمة و لما امشي اجد اتصال طيب عاوز تبيع بكام طيب ممكن نهزهم شوية و بالفعل ممكن كنت اصل ل 110 الف علي الترابيزة يعني لوبيعت لعميل عادي لن تقل عن 120 الف علي اقل تقدير
و هذا بالنسبة لي كان مهم ( للحكم علي الثمن الذي تمسكت به امام الوكيل للشراء مني )
مع اني كان نفسي ابيع علي 130 الف مثلا خصوصا ان الجديد منها و صلت ل 160 الف و لا يوجد فرق يذكر سوي التكييف التاتش و فوانيس شبورة
و بالنسبة لحضرتك هذه التجربة واجبة قبل ان تعرضها في كونتاكت او في سوق السيارات حتي لانك سوف تستطيع ان تري لهفة التاجر عليها اولا قبل العميل الذي غالبا لا تراه و لا تعرف اين تحصل عليه اما هم فلهم دائما طرق كثيرة للحصول علي هذا العميل الذي يريد ان يشتري من مكان حتي لو تاجر لكي يعود عليه في حالة اي شئ لا قدر الله
زي اللي بيروح يشتري من التوكيل نفسه مستعمل و ممكن تكون فيها بلاوي زرقاء بس العميل بيقول لنفسه انا شاري منهم يعني تحت عنيهم و لو فيها حاجة هروح ارميها ليهم و هما هيتكفلو بيها
انا كده طولت عليك
نصيحتي انك الاول تعلم هل السعر اللي انت عارض بيه حقيقي ام هي امنية داخلك فقط
ثم تبدأ و يكون امامك ثلاث خيارات
اما تتمسك بالسعر المعروض او تقل عنه او تزيد عنه

و ربنا يبارك لك في البيع و الشراء و يعطيك خيرها كله و يعوض عليك بالاحسن

م.حاتم السباعي

جزاك الله خيرا

العربيه جالى فيها اقصى حاجه ١٣٥٠٠٠ مش عارف ده رقم يعتبر كويس ولا ايه والرقم ده من تجار