عباسية عتبة وبالعكس .... المترو اشتغل يا شعب
المترو الخط الثالث المرحلة الاولى اشتغل والحمد لله
دي شوية صور التقطتها من المترو والانطباعات الاولية عنه
http://i429.photobucket.com/albums/q...RO_METRO-1.jpg
http://i429.photobucket.com/albums/q...1202256409.jpg
القطارات جيدة ومكيفة بس لونها غبي شوية
http://i429.photobucket.com/albums/q...1202256410.jpg
الشرطة شايفة شغلها تحت .... يعني مش مستهبلين زي فوق .... اي تجاوز تلاقي الشرطة على دماغك ..... وده شوفتو بعيني لما كان شوية عيال ثانوي بيحاولو يستظرفو كعادة الشعب المصري العريق
http://i429.photobucket.com/albums/q...1202256413.jpg
السلالم الكهربائية صعود وهبوط ... مع وجود سلالم عادية
http://i429.photobucket.com/albums/q...1202256411.jpg
دي مقاعد الانتظار ..... بس في الشتاء ح تبقى ساقعة جدا .... دي سيراميك وجرانيت
http://i429.photobucket.com/albums/q...1202256412.jpg
دي بقى جديدة
لوحات عليها الوقت المتبقسي للقطار القادم ورقمه ووجهته
....
اللي لاحظته ان لسة فيه حاجات كتير العمل فيها مستمر .... تشطيبات وبعض الاعمال المتعلقة بالامتدادت بتاعت المرحلة القادمة ..... وخصوصا في العتبة
...
الشوارع فوق المترو بقت بسيسة ومحتاجة رصف .... هما عملو زي ترقيع كدة للحفر ... لكن لازم تترصف من جديد
...
لقيت يافطة مكتوب فيه ان الاشتراكات بتاعت الخطين الاول والثاني لا تسري في هذا الخط علشان لسة ماجتش تعليمات بكدة ... لكن التذاكر عادي بجنية لجميع الخطوط
حظي بقى ان البيت والمكتب عندي في النص بين محطتين .... ياللا ... نبقى نمشي شوية رياضة برضو
....
مشروع محترم وطال انتظارنا لافتتاحه من 4 سنوات ....... المفروض ان المشروع ده يؤدي الي تقليل كثافة المرور بشكل كبير في العباسية وباب الشعرية والعتبة .... نحن في انتظار النتائج ان شاء الله