الموضوع: الماروتية، مقبل ع شراء ماروتي، رأيكم فيها ايه؟

بص يا باشا من الاخر العربية حلوة جدااا و 95 في المية من القسم معاهم ماروتي و اكتر عربيات ماشية في الشارع الماروتي
بالنسبة قطع الغيار فتقدر تقول انها بقت بديلة الـ128 قطع الغيار متوافرة و بشدة و اسعارها رخيصة
موفرة في استهلاك البنزين طبعا لأنها 800 سي سي عربية حمارة شغل يعيبها بس انها مش كبيرة لكن في نفس الوقت ميزة عشان الركنات :) و موضوع الاوبشن كله مقدور عليه ان شاء الله سواء ساوند سيستم او تكييف او ازاز كهربا انذار سنتر متقلقش يعني
اهم حاجة ايديك تكون فيها و تحافظ عليها دايما عشان تفضل تمام معاك

بالنسبة المبلغ 20 الف قدامك حل من الاتنين يا تقسط يا تجيب مستعمل لو مستعمل شوف في اوائل الالفينات لو زودت شوية هتجيب طبعا موديل احدث

و عايز من الاخر ادخل الموضوعين دول و ادعيلي هههههههه

http://www.nilemotors.net/Nile/14710-a.html (مميزات وعيوب الماروتى بالتفصيل)

http://www.nilemotors.net/Nile/229742-a.html (تعالوا نعرف مميزات و عيوب السوزوكي ماروتي)

و لو هتجيب مستعمل و مش من هواة التوكيل احنا نعرف ناس كويسين و عندهم ضمير ميكانيكية و عفشة و ظبط زوايا و كله لو احتجت حد قولنا
و اي استفسار عن الصيانة او غيره اتفضل اسأل و ان شاء الله نرد عليك

و ده موضوع عشان لما تستلم العربية بس طبعا يفضل يكون معاك واحد فاهم ثقة او توديها لمركز يكشف عليها

http://www.nilemotors.net/Nile/244408-a.html

و هنكون في انتظار اول تقرير منك بعد ما تستلم العربية ان شاء الله :)

بالتوفيق ان شاء الله