:vctry:
فعلا فكرة ممتازة ، برجاء تثبيت الموضوع
انا معترض لان انا نفسي عملت كده قبل كده لاني كنت مزنوق في البيع
وكمان مش برخص عربيه باسمي غير لما تقرب الرخصه تنتهي
اعتقد دي حاجه عامة
بالنسب لمن عمل اكتر من اعلان لنفس السيارة فسهل جداً اكتشافة لان نفس الوصف ونفس الموديل بيقى بكل بساطة بيزود عرض السيارة، انكا لما تكون اكتر من سيارة لنفس الشخص هنا الكلام فى نفس الفترة او فى فترات متقاربة جداً - عربية كل اسبوع او شهر - يبقى تاجر.
انا اشتريت مستعمل بعقد من واحد مالك العربية - ومكنش اول يد. ولو بعت برضة بعقد.
والسلام ختام
طبعا كل الكلام اللى اتقال جميل وصحيح بس من الخبرة فى البحث هتلاقى اسلوب التاجر يمتاز بالاتى
اولا خطا فى اللغة ويا سلام لو مترجم مسمى بالانجليزى وكاتبة بالعربى
ثانيا هتلاقى كاتب فابريكة بدل فابريقة وكمان شوية مسميات رشة حزام نظافة
ثالثا هتلاقية كاتب جملة جميلة جدا (نمر جديدة)مفاجاءة جميلة جدا
رابعا استعمال سيدة وتتصل بية تلاقى واحد بيرد وبيقول ايوة اصلها بتاعت حد قريبى
خامسا الاتصال بالمالك تعرف انها بتوكيل
ولما تتصل بيبان من اسلوب الكلام وطريقتة ويقولك فابريقة على ابوة والعربية دية كانت بتاعت مرات السفير الزعبلاوى وبتبيع علشان خلاص زهقت منها ولما تروح وتشوف السيارة تلاقى عيوب فظيعة يقولك لا دة حاجة بسيطة وسهلة تقولة الموتور شكلة مفوت يقولك لسة مغير موتور وفتيس تقولة حاسس ان فى اختلاف فى بوية العربية يقولك لا العربية رشة الجنب اليمين نظافة يعنى الجنب اليمين هو المعفن بس وهكذا
عاوز اشتري سياره من 25ال35 الف جنيه وبسافر مشوار 3ساعات في خلال 100كيلو متر نظرا لااختناف المروري وخلال الزحمه السيارات كلها بتسخن وعاوز اشتري عربيه عمرها متسخن لدرجه الخطوره مهما ارتفعت حراراه الجو او في زحمه
وكمان عاوز عربيه فيها تكييف وكمان يكون شكلها ظريف وطبلوه بومبيه حلو كده
وكسيت واركب فيها تكون نضيفه من جوه ماتبهدلش هدومي ولا اشم ريحه بزين وتكون مش محتاجه مصاريف وقطع غيار مش غاليه بس كده طولت عليكم يا رجاله برجاء الافاده
والله ربنا يباركلك ويجعل الموضوع ده فى ميزان حسناتكاقتباس:
كلنا عارفين موقع كونتكت كار الى بينزل عليه حوالى 300 عربية يوميا
معرفش ازاى بس ما علينا
طريقة بسيطة عشان تعرف التجار الى محتلين الموقع
وكلنا عارفين التجار الى معلين الاسعار وعربيات متبهدلة كمان
الموقع عشان الاعلان يكمل بيطلب بيانات البايع زى الاسم ورقم الاتصال والبريد الالكترونى
وما ادراك بالاتنين الاخرين
هتاخد الرقم او الايميل وتروح لصحبنا جوجل وتعمل بحث
هتلاقى الباشا عامل 9000 اعلان قبل كدا تقريبا كدا يبقا تاجر
طريقة بسيطة ممكن تبقو عارفينها بس فى ناس متعرفهاش
وانا بستخدمها علطول لان جوجل المباحث كلها
ونجانى لحد دلوقت من حوالى 50 عربية كنت هتغر فيهم
يا ريت الى استفاد من الطريقة يدعيلى دعوة فى ظهر الغيب
والتجار حبايبنا بلاش يدعو عليا انا راجل غلبان والله
سبحان الله انت انقذتنى بموضوعك ده من تدبيسه على آخر لحظه
وبرده ربنا يعطيك الف عافيهاقتباس:
اخى الفاضل ربنا يكرمك ان شاء الله وشكرا على النصيحة الغاليةدى
وبالمناسبة احب اوضح بعض اساليب التعامل مع كونتكت كار
حبيت اجيب من عندهم عربية لانى للاسف عندى هاى سكور فى البنك المركزى بسبب تاخر فى سداد فيزا ((تاخر وليس امتناع))
لقيت شروطهم لذيذة وسهله و الحياة وردى وردى وردى
لكن بعد كل الاجراءت الاستعلامية والائتمانية
فوجئت بانهم طاتوكيل بصيغة معينة
و عقد بتاعهم بصيغة معينة
فيما معناه
اشترى العربية لينا و ادفع لينا تمنها و احنا مشكورين حنسيبك راكبها لحد
ما تخلص اقساطها وبعدها بنقى نتفاوض فى المخالصة
العقد بيقول اذا تاخر المشترى عن سداد اى قسط فى تاريخ استحقاقة تصبح السيارة ملك لكونتكت
بدون اى حق للمشتر بالرجوع عليهم او حتى استرداد ما دفع وكمان ملزم بدفع ما تبقى من الثمن كامل كاش حتى لو اتاخر يوم او يومين عن الميعاد المحدد للقسط
اما بالنسبة للتوكيل
فهو توكيل من بند واحد وهو
يوكل فلان الفلانى شركةكونتكت فى البيع للنفس او للغير و الترخيص و ....و....و...
وغير قابل للالغاء
يعنى حضرتك بتدفع فلوس و تشترى عربية و تعمل توكيل عام ليها
وهما كمان بيعملولها حظر باسمهم
يعنى انت فى نظرهم نصاب ولا تستحق ان تكون السيارة ملكك الا بعد سداد ثمنها كاملا
والعقد لا يوجد به ما يفيد انهم ملزمون بمخالصة نهائية لك بدون مقابل
يعنى ممكن يفاوضوك على المخالصة وياخدوا العربيةحتى لو كانت فى التوكيل بتعمل صيانة
من الاخر انت راكب عربية مش بتاتك مأجرها بتمنها و بعدين نتكلم
اسف على الاطالة لكن حبيت اقول تجربتى ىمع الشركة دى على شان مش حد ينخدع فى تسهيلاتها
ويتدبس فى الاخر
ولكم تحياتى
يا سلام لو كل واحد فينا وقع فى مشكله حظر اخواته منها
اكيد النصابين مش هيبقالهم مكان بينا
ارجو التثبيت من الأداره لأهمية الموضوع وفائدته التى تعم على كل الأعضاء
والله يا باشا انا كنت بعمل زيك كدا بس بطريقة تانية
كنت باخد الاميل واعمل بية سيرش علي facebook
ولاقيت فعلا اميلات كتير اصحابهم عندهم اكاونت ساعتها بطمن
ألف شكر عالمعلومة و سوف نجربها بإذن الله
انت عندك حق والطريقة دى انا مجربها كتير جدا لانى اكتر عربية بتقعد معايا سنة ولما بتوع التوك توك يقوموا معايا بالواجب ويخبطوا العربية بحكم انى بنزل كل المناطق بحكم عملى فى المبيعات وطبعا مينفعش اسيب العربية اسبوعين عند بتوع السمكرة والدوكو باضطر اعمل اعلان وابيع العربية واللى كنت هدفعوا للسمكرى والدوكو استفيد منة فى سعر الجديدة يبقى انا كدة تاجر علشان اعلاناتى كتير بس للامانة عمرى ما ركبت عربية ومنقلتش ملكية وبقت الرخصة باسمى لان ليا صاحب اشترى العربية بتوكيل وصاحب العربة مات وفى الحلة دى يصبح التوكيل لاغى لانك لما تيجى تنقل ملكية بتكتب اقرار ان صاحب التوكيل على قيد الحياة فلو حد طعن على تاريخ التسجيل يبقى بخ وشربت تمن العربية وبتتحول ورثة وشغلانة بقى لينا فيها 3 سنين