الموضوع: بتدخل موقع كونتكت كار وعايز تعرف مين التجار تعالا وانا اقولك

المشاركة الأصلية كتبت بواسطة modyegypt

طيب ودى حلها اية ..؟

بص يا باشا من كتر ما انا كنت بدور على عربية بيتى علشان اشتريها فبقيت بعمل اه بتصل بصاحب الاعلان فا لو ىالعربية بتوكيل مشترهاش لازم اشتريها من المالك الاصلى و لازم الرخصة تبقى ساريه غير كده مكنتش انزل و اتفرج على عربيه فيها توكيلات.

اخى الفاضل ربنا يكرمك ان شاء الله وشكرا على النصيحة الغاليةدى
وبالمناسبة احب اوضح بعض اساليب التعامل مع كونتكت كار
حبيت اجيب من عندهم عربية لانى للاسف عندى هاى سكور فى البنك المركزى بسبب تاخر فى سداد فيزا ((تاخر وليس امتناع))
لقيت شروطهم لذيذة وسهله و الحياة وردى وردى وردى
لكن بعد كل الاجراءت الاستعلامية والائتمانية
فوجئت بانهم طاتوكيل بصيغة معينة
و عقد بتاعهم بصيغة معينة
فيما معناه
اشترى العربية لينا و ادفع لينا تمنها و احنا مشكورين حنسيبك راكبها لحد
ما تخلص اقساطها وبعدها بنقى نتفاوض فى المخالصة
العقد بيقول اذا تاخر المشترى عن سداد اى قسط فى تاريخ استحقاقة تصبح السيارة ملك لكونتكت
بدون اى حق للمشتر بالرجوع عليهم او حتى استرداد ما دفع وكمان ملزم بدفع ما تبقى من الثمن كامل كاش حتى لو اتاخر يوم او يومين عن الميعاد المحدد للقسط

اما بالنسبة للتوكيل
فهو توكيل من بند واحد وهو
يوكل فلان الفلانى شركةكونتكت فى البيع للنفس او للغير و الترخيص و ....و....و...
وغير قابل للالغاء
يعنى حضرتك بتدفع فلوس و تشترى عربية و تعمل توكيل عام ليها
وهما كمان بيعملولها حظر باسمهم
يعنى انت فى نظرهم نصاب ولا تستحق ان تكون السيارة ملكك الا بعد سداد ثمنها كاملا
والعقد لا يوجد به ما يفيد انهم ملزمون بمخالصة نهائية لك بدون مقابل
يعنى ممكن يفاوضوك على المخالصة وياخدوا العربيةحتى لو كانت فى التوكيل بتعمل صيانة
من الاخر انت راكب عربية مش بتاتك مأجرها بتمنها و بعدين نتكلم
اسف على الاطالة لكن حبيت اقول تجربتى ىمع الشركة دى على شان مش حد ينخدع فى تسهيلاتها
ويتدبس فى الاخر
ولكم تحياتى

يا نهار ابيض ايه دا وانا بقول الاسعار مولعه ليه كدا انا دخلت وعملت سيرش فى جول على كل الارقام اللى فى قسم هيونداى اكسنت لقيت كلهم تجار وعربيات معلنه بالهبل لكل رقم تيلفون
الحمد لله انى عرفت الحكايه دى
لا للتجار يا جماعة عربيتهم خربانه واسعارهم غريبة

كونكت كار وسوق الجمعه كله تجار

المشاركة الأصلية كتبت بواسطة elbeh

بص يا باشا من كتر ما انا كنت بدور على عربية بيتى علشان اشتريها فبقيت بعمل اه بتصل بصاحب الاعلان فا لو ىالعربية بتوكيل مشترهاش لازم اشتريها من المالك الاصلى و لازم الرخصة تبقى ساريه غير كده مكنتش انزل و اتفرج على عربيه فيها توكيلات.

صدقنى يا سيدى لو كل واحد فينا عمل كده
واصر على انه ميشتريش الا من المالك الاصلى و برخصه ساريه
اصر ايضا على ان الشراء يكون بعقد مسجل فى الشهر العقارى
لن يكون هناك مجال لمن يسموا نفسهم تجار و هم فى الاصل سماسره
ياه ه ه ه لو كل واحد فينا بداء بنفسه

انا هاقولكم على حاجة يا جماعة عشان ما نعممش الموضوع ... فيه اشخاص عاديين زيي وزيكم وبيعملوا اعلانات مثلا هنا في المنتدى وفي كونتاكت وفي مواقع تانية كتير. انا واحد من الناس اعلنت عن عربيتي في اكتر من موقع وانا مش تاجر الحكاية كلها اني اركب العربية سنة وبحب اغير وفيه ناس زيي كتير وكل ده عشان الاعلان يتشاف من اكبر عدد ممكن من الناس.

تقبلوا مروري