المرايا الدي في دي ماركة سيمفوني

**mnelmasry** · 27-02-2012 04:32 PM

من يومين كنت بشتري سماعات سوني المدورة-لاقيت عند المحل المرايا البلوتوث اللي هيا مرايا ودي في دي وسعرها 475 صيني طبعا وبتشغل كل الامتدادات وبلوتووث واللي منغير بلو تووث ب 375 -ولقيت منها نوع سيمفوني وعلية ضمان ب 350 او 375 تقريبا بس مبتشغلش كل الامتدادات -قالي بتشغل امتدادين بس- ولقيت منها كمان اللي بتركب علي التابلوة وشكلها حلو جدا-انا عايز اسال هل في حد جربهم قبل كدة (اقصد السيمفوني)وعموما اية تققيم السادة الاعضاء لمتجات سيمفوني بشكل عام-وشكرا واسف علي الاطالة

**mido2006eng** · 28-02-2012 11:30 AM

السلام عليكم ورحمة الله وبركاته .
الشاشات الموجودة كلها صينى وكلها تقريبا محصلة بعضها - انضف نوع اللى بيكون فيه بلوتوث وكمان فيه شاشات نازلة جديد فيها mp5 وده احدث من اللى فيها mp4 لأن ال mp5 بيشغل امتدادات فيديو كتير جدا وجودة صوت وصورة اعلى - عموما انا لسة جايب شاشة من النوع mp5 وفيها بلوتوث وفيها امكانيات كتير جدا وانا جايبها من اسبوع وناوى ابيعها ان شاء الله لأنى حبيع السيارة - لو تلزمك الشاشة اكيد حبيعهالك بسعر مميز وحتجرب كل امكانيتها قبل ما تاخدها وانا حبعتلك رسالة على الخاص بمواصفات الشاشة لو تناسبك

**Sehsss** · 28-02-2012 05:05 PM

متابع باهتمام

**shimo_moh** · 01-03-2012 03:40 PM

انا برضه بفكر اجيب شاشة بس بتاعت التابلوه بس يكون شكلها شيك لان اغلب اللى شوفته الشاشة حواليها اطار كده بيدى نور ازرق وشكلها بيئة بصراحة

فياريت لو تقولنا سعرها كام ومنين وكنت عايزة اعرف فيه نوع شاشات اللى هى بتقفل وتفتح زى بتاعت البى ام وكده اللى هى بتطلع من التابلوه
لانى عايزها تشتغل مثلا مع الكاسيت وتقفل لوحدها :)