فرص تدريب او عمل في الصيف لطالب طب

**Nile_Storm** · 02-06-2008 08:00 PM

كنت بسال اخواننا الاطباء هنا

هل حد فيهم يعرف اي فرص تدريبيه دورات و خلافه موجوده بفتره الصيف
الواحد كبر وعايز يتمرن عمليا و بجد

لو فيه ياريت حد يفيدنا

**معاذ الشرباصى** · 06-06-2008 06:01 AM

كان فى ورقة متعلقة فى الكلية عن تدريب فى مستشفى احمد ماهر التعليمى فى معظم التخصصات

انت لسه فاكر دلوقت يا عم محمد

ده معظم الناس ظبطت التدريب من كذا شهر, و اللى مسافر بره خد الفيزا خلاص

فى مصر, نظام التدريب مش متاح بشكل احترافى, و اظن انت عارف الوضع عامل ازاى فى القصر العينى

و طبعا مفيش تدريب فى اى مستشفى خاص, الا لو انت على معرفة قوية جدا بأحد كبار الاطباء او الاساتذة, ساعتها ممكن ياخدك تحت جناحه فترة معينة

لكن برده مش هيبقى معاك كا يثبت لو حبيت تستعملها فى CV

غير كده انك تاخد clinical elective فى حتة محترمة و معترف بيها و الكلام ده يبقى موثق و انت طالب, حاجة اساسية لو انت ناوى تعمل معادلات, خاصة ال USMLE

**kamalantivirus** · 06-06-2008 08:02 AM

طب ما تقلنا الناس الي سافرت دي في سنة كام وسافرت فين علشان نبدا نعرف ممكن نعمل اية ان شاء الله

**معاذ الشرباصى** · 06-06-2008 02:37 PM

المشاركة الأصلية كتبت بواسطة kamalantivirus

طب ما تقلنا الناس الي سافرت دي في سنة كام وسافرت فين علشان نبدا نعرف ممكن نعمل اية ان شاء الله

فى كل كليات طب مصر فى جمعية تابعة ل IFMSA (international federation of medical students asscociation)

و ده لازم يكون ماسكه طلبة, بس للاسف بيبقى فيه وسايط جامدة للدول العالية زى فرنسا, المانيا, امريكا, كندا و خلافه

المنظمة دى بيجيلها عقود تدريب فى الصيف, و فى منها نوعين

1- واحد research, و ده للطلبة فى السنواد الاكاديمية, يعنى لحد سنة تالتة
2- clinical, و ده فى السنوات الاكلينيكية

بيبقى مدته شهر, و بنسبة 95% بيبقى فى شهر 8

الاماكن اللى ممكن تسافرها كتير, لكن لازم تحاول تنقى مكان هيبقى فيه استفادة فعلية, يعنى مش بغرض السفر و خلاص

فى ساعات دول بتبقى واقعة خالص, و ساعات تانية دول متقدمة طبيا

و فى انك انت بتخاطب بنفسك الكليات دى, بس دى احتمالية حدوثها مش كبيرة, و ان كانت الامل موجود

ساعتها انت بتختار الدولة, و تبدأ تخاطب الناس هناك

لو هما لمسوا جدية من ناحيتك, و مراسلاتك معاهم كانت منظمة و محدد فيها الهدف بالظبط, بيقبلوا يستقبلوك

**Nile_Storm** · 07-06-2008 06:54 PM

المشكله ان البعثات اللي الكليات بتعملها عندنا غاليه جددددا
ياتري مفيش حاجه ارخص شويه

او تدريب في مصر
مستشفي كبيره او اي حاجه
الواحد حاسس انه مش دكتور خالص :)

**ams** · 08-06-2008 03:20 AM

المشاركة الأصلية كتبت بواسطة Nile_Storm

الواحد حاسس انه مش دكتور خالص :)

لا حول ولا قوة الا بالله
و انت الاحساس ده جالك من امتى ؟!
متاكلش لا بصل ولا توم lol

ربنا يعدينا من محنة التعليم على خير ان شاء الله

**zakiali** · 08-06-2008 04:32 AM

المشاركة الأصلية كتبت بواسطة Nile_Storm

المشكله ان البعثات اللي الكليات بتعملها عندنا غاليه جددددا
ياتري مفيش حاجه ارخص شويه

او تدريب في مصر
مستشفي كبيره او اي حاجه
الواحد حاسس انه مش دكتور خالص :)

بكره تكبر وتتخرج وتتعين وظيفه ميري وهتاخد 200 جنيه في الشهر أبسط يا عم هيص

**Nile_Storm** · 08-06-2008 11:35 AM

هههههههههههههههههه

ربنا يكرمكم
200 جنيه مره واحده
هو انا من اوائل الدفعه ولا ايه

اخري 145 جنيه علي راي الاغنيه :)

**معاذ الشرباصى** · 09-06-2008 01:16 AM

المشاركة الأصلية كتبت بواسطة Nile_Storm

المشكله ان البعثات اللي الكليات بتعملها عندنا غاليه جددددا
ياتري مفيش حاجه ارخص شويه

او تدريب في مصر
مستشفي كبيره او اي حاجه
الواحد حاسس انه مش دكتور خالص :)

مش غالية بالنسبة للاسعار الحقيقية

يعنى انت بتتحمل تذكرة الطيران: متوسط 2500-3500

تكاليف الاقامة بالاكل, بتدفع فى الكلية حوالى 500 دولار, شاملة اقامة شهر و وجبة يوميا على الاقل, و فى بعض الاوقات وجبتين

بتدرب يوميا من الاتنين للجمعة من الساعة 8 صباحا لحد على الاقل 1 الظهر, و ساعت بتوصل للساعة 3 العصر كمان

اللى هتسفاده هناك مش فى الحالات اللى ممكن تشوفها, لكن فى حاجات مبنشوفهاش هنا فى نصر, زى مستوى التمريض, كيفية الاعتناء بالمرضى من جميع النواحى و التعامل معاهم, مستوى الخدمات الموجودة فى المستشفيات هناك (اللى هى بمقام مستشفى حكومى هنا فى مصر), و يره كتير

هما بقى بيحبوا يجوا مصر علشان يشوفوا حالات, اللى ممكن عمرهم ما هيشوفوها فى بلدهم

-------------------------------------------------------------------------
عموما فرصة السفر بالنسبة لك السنة دى, صعبة جدا, لأن معظم الاماكن بره اتحجزت خلاص

شوف موضوع احمد ماهر ده, لو معجبكش, اختار اى قسم فى القصر العينى, و خليك لاجىء هناك

**معاذ الشرباصى** · 14-06-2008 01:06 AM

محمد, المعلومات دى جاتلى على الفبس بوك

هى بخصوص تدريب فى الصيف عن طريق ال SSS فى المركز القومى للبحوث

Dear all,

In case you missed the SSS clinical training summer school, we're here by announcing the availability of an opportunity to apply for IFMSA-Egypt summer school which will be during August in El-Markaz ElKawmy lel Bohous (National Research Center).

Details about the program:

- A highly Scientific Training Workshop
10 Trainers from the National Resaerch Centre
"Essentails Skills for Making a Scientific Medical Research"
Duration 2 week "July 30th-August 14th" (Sunday:Thursday)
Coffee Break, Training Kit and Certificates.

- A Research Project Associate
students will join a Research team of the NRC in their research projects and help them in the practical work (And this is an essential part of our proposal) (NRC offered 9 projects, 4 of them are in the genetic engineering field)- Duration 4 weeks (at least 3 days per week)
Training Materials offered by NRC (covered in the registration) and Certificates (And we're negotiating to get the names of the trained students on the research as well)

- Attendance of the 2nd International Conference of the NRC-ASMR
"Research Challanges and Collaboration in the Arab Region"
Duration 3 days "November 11th-14th" Attendance.

If intrested kindly contact Youssef Helmy, The SSS Local officer on Medical Education via this email: yh5587@gmail.com or send me a facebook message.

Kindly respond as soon as possible as the places are really limited.

Regards,

Nihal AbdElAzim
SSS Vice President for External Affairs

الموضوع: فرص تدريب او عمل في الصيف لطالب طب

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز انزل تدريب فى الصيف

الدليل الشامل لطالب الهندسة المتكامل

حد يعرف شركه بترول اعمل فيها تدريب في الصيف

محدش عنده شغالنة بعد الضهر لطالب

فرصة عمل لطالب في تالتة مدنى

الكلمات الدلالية لهذا الموضوع

المفضلات

المفضلات

ضوابط المشاركة