ليه «مصر».........................>

**karembob** · 27-02-2012 06:31 PM

كتير دار في دماغي حوار من فترة موضوع ليه «مصر »......> ما صنعتش (موتوسكل) لحد دلوقتي مع ان في كتير من الدول العالم صنعت موتوسكل مع ان كانت اقل مننا في النمو مثل الهند وكتير من الدول من سنة ١٩٤٠ وهي بتصنع موتوسكل مع ان مصر اقدم من كتير من الدول دي هنقول طيب والعربية اهي محوله مصرية في صناعة السياراة وفشلت طيب والموتوسكل دا صعب نفسي حد يقدر يقولي ليه
مافيش خبرة مع ان في اساتذة في الخبرة
امكانيات مصنع مصر ما تقدرش تعمل مصنع
والا دا اسف في اللفظ غباء مننا
انا شايف ان دراجة نارية مهما كانت امكانيات مش هتبقي صعبة في التصنيع في ظل الامكانيات الحديثة في الصناعات
تحياتي

**alfath8** · 27-02-2012 06:57 PM

عارف انا يوم ما شوفت الهند صنعت كوازاكى 250 وشوفت والله واحد هندى سايقها اعزكم الله بالشبب عرفت اننا خلاص بقينا اخر ناس فى الدنيا دى

**sno7y** · 27-02-2012 07:51 PM

بلاش مصر معملتش متوسيكل ليه ولا عربيه حتى بس قولى مصر عاملت ايه اصلا يا عم خالى الواحد كاتم فى قلبه وساكت ده حتى معندناش مكانيكى عدل ممكن يعمل عمره او يقفل المتور عدل حتى ده غير الفهلوه والبرود الى يوقف المراكب السايره والفساد المتفشى فى المرافق الحكوميه كلها وتقولى معملتش متوسيكل ليه احنا عشان نعمل متوسيكل فى حاجات كتير قوى لازم تتعمل قبليه
حسبى الله فى كل واحد خد فلوس مش من حقه

**Hesham94** · 27-02-2012 09:02 PM

ازيك يا كيمو

الفكرة رائعة جدا جدا جدا جدا جدا جدا جدا

بس ماينفعش انها تتنفذ فى الوقت الراهن بسبب الاقتصاد الراكد الحالى

ياريت يا كيمو تكتبها فعلا فى الجرنان كمقاله لانها فكرة ب 10000000000000000 جنية

وانا جااد جدا

وممكن تتعمل استفتاء على هذه الفكرة فى نايل موتورز وتكبر الفكرة لتصبح حقيقة

انت والله لو بتتكلم جد انا اقدر ابقا معاك خطوة بخطوة

واكيد الاعضاء ممكن يساعدوا على نشر هذة الفكرة

ولا اييييه؟!!!

**mtgalx** · 27-02-2012 09:29 PM

مش لما نصنع الاحتياجات الاساسية الي احنا بنحتاجها ....
انا محلمتش اننا نصنع الصراحة انا حلمت اننا تيبقي عادي عندنا زي اي بلد بره ... احنا كنا حننتحر لما توكيل دوكاتي فتح في القاهرة

**mtgalx** · 27-02-2012 09:32 PM

الهند عندها نووي و بتصنع اسلحة
و في مصر المشكلة اننا بنمشي اي حاجة بالبركة ,, المقاسات بالبركة ... ترتيب التركيب بالبركة ... النضافة بالبركة ... و ربنا يخللنا الخراطة اليدوية ... بتظبطلنا السلندر عشوائي يبقي حتبني موتور ازاي

**cooldude** · 27-02-2012 10:28 PM

المشاركة الأصلية كتبت بواسطة alfath8

عارف انا يوم ما شوفت الهند صنعت كوازاكى 250 وشوفت والله واحد هندى سايقها اعزكم الله بالشبب عرفت اننا خلاص بقينا اخر ناس فى الدنيا دى

علي فكرة الكوازاكي متجمع فقط في الهند من خلال مصانع شركة بجاج يعني تجميع مش تصنيع و هي عندها نوعين الninja 250 و ال650 لكن الشركة طبعا رائدة بموديلات البجاج المتنوعة بخبرة اكثر من 50 سنة في مجال صناعة الدراجات النارية

**Hesham94** · 28-02-2012 10:04 AM

ماهو ال jawa كان متصنع فى تشيكوزلفاكيا ومتجمع هنا

**karembob** · 28-02-2012 05:58 PM

لا طبعا الجاوا الاتشيكي مش متجمع في مصر انا ولدي كان معه جاوا اتشيكي

**karembob** · 28-02-2012 06:04 PM

المشاركة الأصلية كتبت بواسطة hesham94

ازيك يا كيمو

الفكرة رائعة جدا جدا جدا جدا جدا جدا جدا

بس ماينفعش انها تتنفذ فى الوقت الراهن بسبب الاقتصاد الراكد الحالى

ياريت يا كيمو تكتبها فعلا فى الجرنان كمقاله لانها فكرة ب 10000000000000000 جنية

وانا جااد جدا

وممكن تتعمل استفتاء على هذه الفكرة فى نايل موتورز وتكبر الفكرة لتصبح حقيقة

انت والله لو بتتكلم جد انا اقدر ابقا معاك خطوة بخطوة

واكيد الاعضاء ممكن يساعدوا على نشر هذة الفكرة

ولا اييييه؟!!!:s_thum1[1]:

الموضوع دا في دماغي بس ياباشا الموضوع ينفع يتنفذ ومن جه تانية يفتح فرصة شغل لناس كتير انا فعلن جتني فكرا ولسة بعمل فيها وبكتبها وهي فكرة شراكة بين مجموعة من الشركات للاسهام في انتاج موتوسكل مصري من الدرجة الاولي وانا كلمت ناس ان اقدم الفكرة دي لشركة وهي تقوم بالتنفيذ وانا اتمنا ان دا يحصل وفعلن انا هستعين في الفكرة ببعض الاعضاء في النايل موتورز للمشركة في الموضوع ربنا يقدم اللي في الخير