انصحونى اشتري اي نوع من bmw

**fahd_628** · 27-02-2012 11:24 PM

ستيبترونيك يعنى بيبقى الفتيس اوتوماتيك بس ممكن تتحكم انت فى النقلات عن طريق حارة ال + و ال - يعنى كل ما تجيب العصاية على ال + يغير لغيار اعلى و هكذا

بالنسبة لل M5 فا دية سيارة رياضية مخصصة للقيادة السريعة و كل حاجة فيها رياضية ( الكاوتش , الفرامل , العفشة , المحرك , الفتيس ... ) فا هية مش مريحة

لو حضرتك عاوز عربية مريحة و فى نفس الوقت برستيج و فخامة ارشحلك ال 750Li الجديدة ( دية افخم حاجة فى ال BMW )

سعرها 1,350,000 ( علشان بتتقفل فى مصر فا سعرها كويس الى حد ما )

و المقصورة من الداخل

و طبعا ممكن تطلبها Individual و دية بقى بتبقى معمولة مخصوص ليك بمواصفات خاصة

يعنى عاوز لون مميز مش موجود او خياطة فى الجلد معينة او لون جلد معين ... كدة يعنى و طبعا بتختار كمية اوبشنز كتيييييييير جدا متعدهاش يعنى

بس دية حتبقى اغلى من العادية طبعا

**midomalak** · 27-02-2012 11:26 PM

المشاركة الأصلية كتبت بواسطة shaddadfalcon1

لو هتتنقل بيها كتيير يبقي ممكن تجيب ال x5m او ال x6m وهتبقي سريعه ونفس موتور ال m5 وقدره حصانيه عاليه 555 حصان وعاليه عن الأرض ووحش وبرده نفس السعر هتخش في 2 ميلون ونص

معتقدش انها هتبقى احلى من m5 المشكلة ان شكلها بيوحى بالغباوة من الخلف بالذات

**midomalak** · 27-02-2012 11:36 PM

المشاركة الأصلية كتبت بواسطة fahd_628

ستيبترونيك يعنى بيبقى الفتيس اوتوماتيك بس ممكن تتحكم انت فى النقلات عن طريق حارة ال + و ال - يعنى كل ما تجيب العصاية على ال + يغير لغيار اعلى و هكذا

بالنسبة لل m5 فا دية سيارة رياضية مخصصة للقيادة السريعة و كل حاجة فيها رياضية ( الكاوتش , الفرامل , العفشة , المحرك , الفتيس ... ) فا هية مش مريحة

لو حضرتك عاوز عربية مريحة و فى نفس الوقت برستيج و فخامة ارشحلك ال 750li الجديدة ( دية افخم حاجة فى ال bmw )

سعرها مليون و شوية ( علشان بتتقفل فى مصر فا سعرها كويس الى حد ما

و المقصورة من الداخل

و طبعا ممكن تطلبها individual و دية بقى بتبقى معمولة مخصوص ليك بمواصفات خاصة

يعنى عاوز لون مميز مش موجود او خياطة فى الجلد معينة او لون جلد معين ... كدة يعنى و طبعا بتختار كمية اوبشنز كتيييييييير جدا متعدهاش يعنى

بس دية حتبقى اغلى من العادية طبعا

ممكن اعرف هيا مش هتبقى مريحة فى اية بالظبط فى المناطق الوعرة مثلا ؟؟؟

تمام السعر مش مهم بس المهم تبقى كاملة يعنى
بس يا خوفى من الى جوا مصر مصر مفيش حاجة كويسة ليها ابدا
ولا انت رايك اية
وياريت تشوفى تقرير ليها
واجيبها من اي مكان فى مصر انا الاقرب ليا اسكندرية والمنصورة وطنطا
وشكرا لتعبك

**HISHAM80** · 28-02-2012 07:02 AM

بلاش m5 في مصر حضرتك هتدفع فلوس على الفاضي في حاجه مش هتستفيد منها مفيش طريق في مصر ممكن تجيب عليه سرعه علشان تستمع بالعربيه العربيه أوطي من العاديه وحضرتك عارف مصر مليانه مطبات نصيحتي ليك حضرتك محتاج حاجه عاليه x3 ,x5 لو حضرتك عايز سيدان الخامسه العاديه أو مرسيدس e

**fahd_628** · 28-02-2012 12:35 PM

المشاركة الأصلية كتبت بواسطة yahoo219

ممكن اعرف هيا مش هتبقى مريحة فى اية بالظبط فى المناطق الوعرة مثلا ؟؟؟

تمام السعر مش مهم بس المهم تبقى كاملة يعنى
بس يا خوفى من الى جوا مصر مصر مفيش حاجة كويسة ليها ابدا
ولا انت رايك اية
وياريت تشوفى تقرير ليها
واجيبها من اي مكان فى مصر انا الاقرب ليا اسكندرية والمنصورة وطنطا
وشكرا لتعبك

ال m5 فعلا مش هتستفاد منها لأنك عمرك ما هتعرف تمشى بيها بسرعة فى مصر

مفيش طرق تسمح بالموضوع دة حتى طرق السفر !

الفئة السابعة سريعة برضة و كل حاجة بس اكيد مش زى ال M5 بس هية سريعة جدا على فكرة و صدقنى عمرك ما هتحتاج اكثر من كدة

و الM5 فعلا مش مريحة فى المطبات و الكلام دة ( و ما اكثرهم فى مصر )

و الفئة السابعة ممكن تطلبها و تتفرج عليها من الأسكندرية قدام كارفور ( البافارية ليها معرض هناك ) فية الفئة الثالثة و الخامسة و السابعة و ال x3 و ال مينى كوبر و حضرتك ممكن تتفرج عليهم فى اى وقت

و هناك حضرتك ممكن تستفسر بقى و لو عاوز تعمل اوردر بقى و تختار الألوان و الخامات و الأوبشنز و الكلام دة

**TheBuccaneer** · 28-02-2012 04:59 PM

المشاركة الأصلية كتبت بواسطة hisham80

بلاش m5 في مصر حضرتك هتدفع فلوس على الفاضي في حاجه مش هتستفيد منها مفيش طريق في مصر ممكن تجيب عليه سرعه علشان تستمع بالعربيه العربيه أوطي من العاديه وحضرتك عارف مصر مليانه مطبات نصيحتي ليك حضرتك محتاج حاجه عاليه x3 ,x5 لو حضرتك عايز سيدان الخامسه العاديه أو مرسيدس e

لو هيشترى سياره رباعيه و جيب يبعد عن البى إم دبليو لأن الجيب له موديلاته اللى البى إم دبليو مش قدها مثل الرانج روفر و اللاند روفر و اللينكولن نافيجيتور و الجى إم سى يوكن و للأسف لا توجد وجه للمقارنه بينهم و بين ال x5 أو ال x6 و اكيد طبعا ال x3

و اللى مش مصدق يذهب لرؤيه برنامج توب جير حلقة المقارنه بين ال أودى كيو 8 - و البى إم دبليو إكس فايف - و الرانج روفر و اللى النتيجه كانت بلا شك لصالح الرانج روفر و اللى مش هتصدقه إن الأكس فايف رفعت من على الأرض اثناء سرعته مع ملف بينما الرانج روفر ما شاء الله عليها

[youtube]http://www.youtube.com/watch?v=R7fxkMM3-UU[/youtube]

**fahd_628** · 28-02-2012 05:52 PM

و اللى مش مصدق يذهب لرؤيه برنامج توب جير حلقة المقارنه بين ال أودى كيو 8 - و البى إم دبليو إكس فايف - و الرانج روفر و اللى النتيجه كانت بلا شك لصالح الرانج روفر و اللى مش هتصدقه إن الأكس فايف رفعت من على الأرض اثناء سرعته مع ملف بينما الرانج روفر ما شاء الله عليها

اسمحلى اختلف معاك يا عمور

ال X5 و ال X6 كثبات احسن بكتيير جدا من الرينج روفر و محدش فى العالم يقدر يقول غير كدة

انا شفت الحلقة دية و حافظها و جيريمى مقالش ان ثبات ال Rangerover احسن ولا اى حاجة

هوة قال انها ابطأ و بتستهلك بنزين اكثر و اثقل فى الوزن و لكنها افضل بكثير على الطرق الوعرة عكس ال X5 و الأودى

و لكن بكرر ثبات ال X5 افضل بكثيير من الرينجروفر