تقرير بعمل الصيانة باتو ايجيبت وعمل الفحص المجاني

يا مساء الفل على احلى صقور مش هطول عليكم انا روحت انهاردة اتوايجيبت لعمل الفحص المجاني لنيسان صني 2007 عاملة 107 الف كم وكانت النتيجة كالآتي:
1- السيارة تحتاج طقم إطارات كامل حيث انها انتاج 2009
2- علبة شكمان وسط سعرها 1100 جنيه + الضريبة
3-قاعدة موتور علوية سعرها 280 +الضريبة
4- قاعدة موتور سفلية 243 + الضريبة
5- قاعدة فتيس سفلية 280 + الضريبة
6- اثنين مقص امامي سعر الواحد 578 + الضريبة
7- مقص خلفي واحد سعره لم يذكر سعره
8- بلية شداد سير محرك 330 + الضريبة
9- كاوتش تراب مساعدين امامي سعرهم الاثنين 136 +الضريبة
10-كاوتش تراب مساعدين خلفي سعر الواحد 196 + الضريبة
11- تيل امامي 300
12- تيل خلفي 350
13- طنابير امامي سعر الواحدة 473
14- ماستر فرامل خلفي سعره 350

تمام كده انا بقى اتخضيت وبلمت شوية كده وبعدين قولت لمهندس الاستقبال وهو انسان مهذب وخلوق جدا نعمل الحاجة الضرورية دلوقتي فغيرت تيل فرامل امامي وخلفي وطنابير امامية لانه مرضيش يخرطها وقاللي مش هينفع تتخرط عشان سمكها صغير وغيرت كاوتش تراب امامي لان المساعدين اللي قدام كنت جايبهم من سنة وقولت احافظ عليهم وغيرت ماستر خلفي وغيرت سيور وفلتر هواء وبوجيهات وزيت باور وموتور وفرامل يعني صيانة شاملة وكعيت شوية حلوين كده بعد الخصم عملوا 3360 جنيه.
ملاحظاتي بقى عن الصيانة:
1-الكشف المجاني على العربية عبارة عن تهريج ليه بقى ؟ لان الاطارات الامامية انتاج الاسبوع العاشر من سنة 2011 مش سنة 2009 زي ما اتكتب في التقرير وقولت الكلام ده للمهندس قاللي يمكن الفني مخدش باله.
2- المساعدين الخلفية بايظة خالص وبالرغم من كده اكدلي انها سليمة وقولتله العربية بترزع مني في المطبات من وراء قاللي عادي مش عارف ليه عشان كده مرضيتشي اغير كاوتش التراب الخلفي غير لما اغير المساعدين بالمرة.
3-اتعمل شوية حاجات من غير اخذ موافقتي عليها عبارة عن تدبيسة كده زي تغيير كاوتش المساحات ولمبة الفتيس اللي في الكونسول ولمبة الاستوب وترصيص العجل اللي ب 75 جنيه لوحده معلش هي حاجة هايفة بس اتغاظت منهم لاني فوجئت بيهم في الفاتورة.
4- الغسيل النهائي للعربية ولا ليه لازمة غير اني اتعطلت ساعة الا ربع زيادة وبرده خرجت مش نظيفة خصوصا يد فرامل اليد كانت مش نظيفة ومزيتة مكان الشغل والكرسي الامامي برده اتوسخ من الشغل لان الكيس اللي حطوه كان مقطع مكان الشغل.
5- المعاملة هناك كانت جيدة جدا من حيث الاستقبال او الاستفسارات عن اي حاجة بس الحائط الزجاجي اللي بنشوف منه الشغل في العربية غير مريح لا يمكن النظر منه وانا قاعد لازم افضل واقف عنده عشان اقدر اشوف العربية كويس مع اني مش قصير على فكرة بس هما عاملين الجزء السفلي منه مصنفر.
أخيرا اسف لو كنت طولت عليكم بس حبيت احكيلكم على اللي حصل بالظبط مع ذكر الاسعار عشان اي حد عاوز ياخد فكرة عنها وشكرا جزيلا.

الف مبروك على الصيانة عقبال صيانة 1000000 انشاء الله

اقتباس:

---

المشاركة الأصلية كتبت بواسطة zangry

الف مبروك على الصيانة عقبال صيانة 1000000 إن شاء الله

---

شكرا لزوقك يا باشا

الف مبروك على الصيانه ياباشا وعقبال صيانة المليون
اتخضيت من كمية قطع الغيار يعنى تقريبا العفشه كامله محتاجه تغيير بس الخضه راحت لما لقيت العربيه عامله عداد حوالى 100 الف عموما الف مبروك ودايما متاخدش كل كلام التوكيل نهائى

لعلم حضرتك تقارير الفحص بتاعتهم معظمها بقت مضروبه لانه عندي عملت صيانة ال 15000 كتبلي ان تيل الفرامل متوسط و في صيانة ال 20000 كتبلي تيل الفرامل ممتاز فقولتلهم هو بيزيد لوحده و لا ايه ؟؟!!!
:I_angr1[1]::I_angr1[1]:
حتى مهندس الاستقبال معرفش يرد

:shyy::shyy:
هههههههههههه
وحتى رجلاش علبة الدركسيون معرفوش يلفوه بمفتاح 25 تقريبا جابو مفك و قعدوا يدقوا على السن اودامي عشان يلف قولتلهم مش عاوز ازبطه و الحمد لله لحقتهم قبل ما يبوظوا المسمار و حتى الترصيص بتاعهم ابو 75 جنيه الطاره طلعت بترعش على السرعات و روحت رصصتها على حسابي بره و زبطت و كذلك الزوايا كان فيها حدفه و طلعتلي الطاره معووجه و روحت زبطتها بره

:pffft: :pffft: :pffft:

لاسف مفيش فايده انا هشتغل في العربيه بايدي اضمن

الف مبروووووووووك على صيانة وربنا يباركلك فيها ..

ماشاء الله انتوا قفلتونى قفلة بنت لذينة وانا رايح بكرة اساسا اعمل صيانة ال 40000

ألف مبروك يا بيه على الفحص و الصيانة ..

و كمان كل مركز و ليه مميزاته و عيوبه .. بصراحة مركز أتوا اجيبت كله مميزات و فيه عيوب بسيطة .. لأن مفيش حاجة كاملة .. الكمال لله وحده ..

مركز جديد اكيد في حاجات هتقع منه بس مش كتيييييير .. المهم انهم يحسنوا من السلبيات اللى بيقعوا فيها .. وياما اعضاء فى القسم اشتكوا من مراكز فاتحة بقالها زمن

و كمان يا سيدي ده حضرتك معدي 100 ألف .. يعني احمد ربنا إن مش اكتر من دوووووول ههههههههههههههه ..

تحياتي لحضرتك ..

مبروك على الصيانه
وانا فعلا سمعت من اكتر من واحد ان التقرير بيطلع فيع حاجات غلط كتير
وليا سؤال معلش
هو صيانة ال 40000 حد يعرف بعد التخفيضات اللى بيعملوها بتبقى بكام
لانهم قالولى فى التليفون 1570 قبل الخصومات

اقتباس:

---

المشاركة الأصلية كتبت بواسطة fbiahmed

لعلم حضرتك تقارير الفحص بتاعتهم معظمها بقت مضروبه لانه عندي عملت صيانة ال 15000 كتبلي ان تيل الفرامل متوسط و في صيانة ال 20000 كتبلي تيل الفرامل ممتاز فقولتلهم هو بيزيد لوحده و لا ايه ؟؟!!!
:i_angr1[1]::i_angr1[1]:
حتى مهندس الاستقبال معرفش يرد

:shyy::shyy:
هههههههههههه
وحتى رجلاش علبة الدركسيون معرفوش يلفوه بمفتاح 25 تقريبا جابو مفك و قعدوا يدقوا على السن اودامي عشان يلف قولتلهم مش عاوز ازبطه و الحمد لله لحقتهم قبل ما يبوظوا المسمار و حتى الترصيص بتاعهم ابو 75 جنيه الطاره طلعت بترعش على السرعات و روحت رصصتها على حسابي بره و زبطت و كذلك الزوايا كان فيها حدفه و طلعتلي الطاره معووجه و روحت زبطتها بره

:pffft: :pffft: :pffft:

لاسف مفيش فايده انا هشتغل في العربيه بايدي اضمن

---

كل كلامك صح ونفس اللي حصل معايا فى التيل والترصيص................................................... .........
عالعموم هما احسن فى المعاملة من مودرن وواضح ان الكل بطاطا في التصليح والصيانة

-------------------------------------
يرجي الالتزام بقواعد النقد البناء والبعد عن النقد السلبي وتوجيه الاراء بسخرية واستهزاء
مشرف القسم مـ7

اقتباس:

---

المشاركة الأصلية كتبت بواسطة aboamr

الف مبروك على الصيانه ياباشا وعقبال صيانة المليون
اتخضيت من كمية قطع الغيار يعنى تقريبا العفشه كامله محتاجه تغيير بس الخضه راحت لما لقيت العربيه عامله عداد حوالى 100 الف عموما الف مبروك ودايما متاخدش كل كلام التوكيل نهائى

---

الله يبارك فيك يا باشا

اقتباس:

---

المشاركة الأصلية كتبت بواسطة bunsh_fox

الف مبروووووووووك على صيانة وربنا يباركلك فيها ..

---

شكرا لزوقك يا باشا

اقتباس:

---

المشاركة الأصلية كتبت بواسطة ahmazong

ألف مبروك يا بيه على الفحص و الصيانة ..

---

شكرا يا بيه على مرورك الكريم

اقتباس:

---

المشاركة الأصلية كتبت بواسطة homos_mh

مبروك على الصيانه

وانا فعلا سمعت من اكتر من واحد ان التقرير بيطلع فيع حاجات غلط كتير
وليا سؤال معلش
هو صيانة ال 40000 حد يعرف بعد التخفيضات اللى بيعملوها بتبقى بكام
لانهم قالولى فى التليفون 1570 قبل الخصومات

---

بص انا التكلفة المبدئية للصيانة كانت 1275 وبقدرة قادر بقت 3660 جنيه فخد معاك فلوس زيادة احتياطي عشان وهما شغالين بيلاقو حاجات زي كاوتش تراب المساعد اللي على طول بيلاقوها مقطوعة وتيل الفرامل اللي هيغيروه وهكذا.

الف الف مبروك يا ماجد الصيانة و عقبال صيانة الـ 500000 كيلو و تأكد ان كل توكيل له مميزات و عيوب و ممكن حاجات تقع عادي يعني .. المهم انك اطمنت علي العربية

اقتباس:

---

المشاركة الأصلية كتبت بواسطة peaceman

الف الف مبروك يا ماجد الصيانة و عقبال صيانة الـ 500000 كيلو و تأكد ان كل توكيل له مميزات و عيوب و ممكن حاجات تقع عادي يعني .. المهم انك اطمنت علي العربية

---

الله يبارك فيك يا بيشو بس هو انا كده ابقى اطمنت على العربية ؟ ده انا حسيت اني رجعت لل128 تاني ههههههههه يالا مين فات قديمه تاه.

اقتباس:

---

المشاركة الأصلية كتبت بواسطة maged george

يا مساء الفل على احلى صقور مش هطول عليكم انا روحت انهاردة اتوايجيبت لعمل الفحص المجاني لنيسان صني 2007 عاملة 107 الف كم وكانت النتيجة كالآتي:
1- السيارة تحتاج طقم إطارات كامل حيث انها انتاج 2009
2- علبة شكمان وسط سعرها 1100 جنيه + الضريبة
3-قاعدة موتور علوية سعرها 280 +الضريبة
4- قاعدة موتور سفلية 243 + الضريبة
5- قاعدة فتيس سفلية 280 + الضريبة
6- اثنين مقص امامي سعر الواحد 578 + الضريبة
7- مقص خلفي واحد سعره لم يذكر سعره
8- بلية شداد سير محرك 330 + الضريبة
9- كاوتش تراب مساعدين امامي سعرهم الاثنين 136 +الضريبة
10-كاوتش تراب مساعدين خلفي سعر الواحد 196 + الضريبة
11- تيل امامي 300
12- تيل خلفي 350
13- طنابير امامي سعر الواحدة 473
14- ماستر فرامل خلفي سعره 350

تمام كده انا بقى اتخضيت وبلمت شوية كده وبعدين قولت لمهندس الاستقبال وهو انسان مهذب وخلوق جدا نعمل الحاجة الضرورية دلوقتي فغيرت تيل فرامل امامي وخلفي وطنابير امامية لانه مرضيش يخرطها وقاللي مش هينفع تتخرط عشان سمكها صغير وغيرت كاوتش تراب امامي لان المساعدين اللي قدام كنت جايبهم من سنة وقولت احافظ عليهم وغيرت ماستر خلفي وغيرت سيور وفلتر هواء وبوجيهات وزيت باور وموتور وفرامل يعني صيانة شاملة وكعيت شوية حلوين كده بعد الخصم عملوا 3360 جنيه.
ملاحظاتي بقى عن الصيانة:
1-الكشف المجاني على العربية عبارة عن تهريج ليه بقى ؟ لان الاطارات الامامية انتاج الاسبوع العاشر من سنة 2011 مش سنة 2009 زي ما اتكتب في التقرير وقولت الكلام ده للمهندس قاللي يمكن الفني مخدش باله.
2- المساعدين الخلفية بايظة خالص وبالرغم من كده اكدلي انها سليمة وقولتله العربية بترزع مني في المطبات من وراء قاللي عادي مش عارف ليه عشان كده مرضيتشي اغير كاوتش التراب الخلفي غير لما اغير المساعدين بالمرة.
3-اتعمل شوية حاجات من غير اخذ موافقتي عليها عبارة عن تدبيسة كده زي تغيير كاوتش المساحات ولمبة الفتيس اللي في الكونسول ولمبة الاستوب وترصيص العجل اللي ب 75 جنيه لوحده معلش هي حاجة هايفة بس اتغاظت منهم لاني فوجئت بيهم في الفاتورة.
4- الغسيل النهائي للعربية ولا ليه لازمة غير اني اتعطلت ساعة الا ربع زيادة وبرده خرجت مش نظيفة خصوصا يد فرامل اليد كانت مش نظيفة ومزيتة مكان الشغل والكرسي الامامي برده اتوسخ من الشغل لان الكيس اللي حطوه كان مقطع مكان الشغل.
5- المعاملة هناك كانت جيدة جدا من حيث الاستقبال او الاستفسارات عن اي حاجة بس الحائط الزجاجي اللي بنشوف منه الشغل في العربية غير مريح لا يمكن النظر منه وانا قاعد لازم افضل واقف عنده عشان اقدر اشوف العربية كويس مع اني مش قصير على فكرة بس هما عاملين الجزء السفلي منه مصنفر.
أخيرا اسف لو كنت طولت عليكم بس حبيت احكيلكم على اللي حصل بالظبط مع ذكر الاسعار عشان اي حد عاوز ياخد فكرة عنها وشكرا جزيلا.

---

الاستاذ ماجد لقد تم عمل شكوى و رقمها كالتالى cas-01023-r5z5n8 و سوف اقوم بالاتصال بسيادتكم خلال 48 ساعه لابلاغكم بالرد على شكواكم
شكراً على حسن تعاونكم معنا

ممكن نعرف حاجة مهما اولا مينفعش نقول علي مركز كامل تهريج حتي لو غلطة من فني و كمان مدام حضرتك مش مقتنع بالصيانة هناك وافقت علي باقي الاعمال المضافة للصيانة ؟؟؟؟؟؟؟؟؟؟ و بعدين انا مش عارف هو في حد اساسا عندة فني او مهندس بعرف يقرا تاريخ الكاوتش اصلا فكونهم بيعملوا كدا يبقا هما بيحاولة يبقوا حاجة كويسة فلازم نشجعهم مش نحبطهم اصلا انا حصلي مشكلة قريبة من كدة بس شوفت نص الكوباية المليان مش الفاضي هو دة المهم و علي العموم نجرب كل الاماكن و نحكم اصلا

ابوحميد باشا اهلا بيك معانا وسط اخوانك فى قسم نيسان
اولا
نقد اى مركز خدمة لنيسان ايان كان هو اسمه ايه .. لازم يكون نقد بناء وايجابى
لان ده المنهج اللى بيتبعه المنتدى وقسم نيسان واعضائه القدامى والجدد
قسم نيسان مش تصفية حسابات لاى حد عمل خدمة فى اى مكان كانت الخدمة سيئة فيه ويبتبدى العضو يدخل ويعمل موضوع
عشان ويدخل يجرح فى المكان اتعامل فيه
واى اراء ووجهات نظر العضو مسئول عنها مسئولية تامة ولا تعبر عن وجهة نظر الاعضاء جميعا
وبدورنا فى قسم نيسان اننا بننقل تجاربنا بنقد بناء عشان يستفادوا منه الاعضاء .. وايضا مراكز الخدمة .. لتحسين مستوى الخدمة لديهم
لينصب فى مصلحة الاعضاء
فى مراكز خدمة ليها باع طويل فى الصيانات .. مش لسه جديدة ومع ذلك كان بيجى شكواى كتير من الاعضاء والعملاء
والدلائل موجودة فى القسم من زمان وفى موضوعاته عشان اللى عايز يتاكد يدور ويقرا
فاى مكان فيه سلبياته وفيه ايجابياته
ودايما بنراسل كل المراكز عشان نوضحلهم السلبيات لتحسين مستوى الخدمة
ونيجى الى اوتو ايجيبت .. فهو مركز قادم بقوة .. ومع الاستمرارية فى حل المشاكل اكيد حيكون ليهم شان كبير وكبير جدا
وده انا لحظته .. مع خلال اجتماعتى معهم لبحث السلبيات ومشاكل الاعضاء
وبلاقى منهم كل ترحيب .. وبلاقى منهم كل دعم .. وايضا بلاقى فى مناقشاتهم كل اهتمام بحل المشاكل
وكيفية تطوير الخدمة .. ودى حاجة بتسعدنى جدا .. وحاجة مشرفة من شركة كبيرة وليها اسم كبير .. انها تسمع وتصلح من اخطائها
وده اللى حيميزهم عن اى مركز خدمة اخر .. وده مش بيحصل عشان هما لسه فاتحين جدد .. بالعكس .. دى ساسية شركتهم .ز وبحترم النقطة دى فيهم جدا
وده اللى بيخلى الناس تثق فيهم
ثانيا
انا بحييك على نقل التجربة يا ماجد .. وبشكر الاستاذة مديرة خدمة العملاء امنية على المتابعة لكل المشاكل المطروحة وايضا فى عمل شكوى .. عشان يتاكدوا من امر الشغل ومن الملاحظات اللى حضرتك حكتها .. وانا بتابع معاهم عشان استفسر على صيانتك
وباذن الله لو ليك حق اكيد حتحصل عليه .. ولازم حضرتك ساعتها تروح عشان يراجعوا كل الملاحظات دى فى حالة اثبات وجودها
وساعتها حاجى معاك .. لانك من الاعضاء القدامى .. وفرصة انى اشوفك .. لانى كنت عايز اتلقى بيك من زمان
وان شاء الله خير
والحاجة الصح والجميلة والمهمة والمفيدة .. ان لما يكون فى خطا يتم تداركه وحله للعملاء .. او لو مفيش يتم توضيح الصورة امام الجميع ونعطى المركز حقه
وسعيد بان الشركة تهتم بعملائها من خلال نايل موتورز وتابعنا وتهتم بنقدنا الايجابى


تحياتى للجميع
منسق القسم

اقتباس:

---

المشاركة الأصلية كتبت بواسطة ahmed.tv

ثانيا
انا بحييك على نقل التجربة يا ماجد .. وبشكر الاستاذة مديرة خدمة العملاء امنية على المتابعة لكل المشاكل المطروحة وايضا فى عمل شكوى .. عشان يتاكدوا من امر الشغل ومن الملاحظات اللى حضرتك حكتها .. وانا بتابع معاهم عشان استفسر على صيانتك
وباذن الله لو ليك حق اكيد حتحصل عليه .. ولازم حضرتك ساعتها تروح عشان يراجعوا كل الملاحظات دى فى حالة اثبات وجودها
وساعتها حاجى معاك .. لانك من الاعضاء القدامى .. وفرصة انى اشوفك .. لانى كنت عايز اتلقى بيك من زمان
وان شاء الله خير
والحاجة الصح والجميلة والمهمة والمفيدة .. ان لما يكون فى خطا يتم تداركه وحله للعملاء .. او لو مفيش يتم توضيح الصورة امام الجميع ونعطى المركز حقه
وسعيد بان الشركة تهتم بعملائها من خلال نايل موتورز وتابعنا وتهتم بنقدنا الايجابى


تحياتى للجميع
منسق القسم

---

أولا : الف شكر ليك يا احمد باشا على اهتمامك بالموضوع وعلى وقتك اللي معرفشي بتجيبه منين لخدمة الاعضاء وبجد بجد انا اللي نفسي اشوفك واتعرف بيك ويكون ليا الشرف.

ثانيا: شكرا لأستاذة أمنية على إهتمامها بالموضوع ويكفي متابعة المركز لمشاكل العملاء وده ان دل يدل على انه مركز محترم وجدير بالثقة .

ثالثا : انا لما نقلت تجربتي في الصيانة وضيعت وقت في كتابة التقرير وأسعار قطع الغيار كان الغرض منه مش إحباط أي مركز صيانة او العاملين فيه لا بالعكس الغرض إفادة باقي الأعضاء اللي محتاجين يغيروا أي قطعة غيار أو تيل بانهم يكونوا عارفين الاسعار وهما رايحين عشان يكونوا عاملين حسابهم وهما رايحين وبالمناسبة انا جربت مودرن موتورز ابو رواش والهايكستب والسبع ودلوقتى كمان جربت اتو ايجيبت يعني انا مش مستجد في مراكز الصيانة وده كان للعلم فقد .

أخيرا وليس آخرا اتمنى اشوفك قريب يا احمد باشا والف شكر كمان مرة.

انا عملت صيانىة ال 155000 من حوالى اسبوع كده، وعملوا تقرير الفحص ده وطلع بتغيير قاعدة موتور علوى وسفلى، وكاوتش التراب للمساعدين الاربعه بس، مع العلم انى معايا صنى 2007 وما غيرتش حاجه فى العفشة تقريبا من ساعه ما جبتها

اقتباس:

---

المشاركة الأصلية كتبت بواسطة homos_mh

مبروك على الصيانه

وانا فعلا سمعت من اكتر من واحد ان التقرير بيطلع فيع حاجات غلط كتير
وليا سؤال معلش
هو صيانة ال 40000 حد يعرف بعد التخفيضات اللى بيعملوها بتبقى بكام
لانهم قالولى فى التليفون 1570 قبل الخصومات

---

لمزيد من التفاصيل عن صيانة ال40.000 كم .. ده تقرير عنها كنت عامله من اقل من سنة فى السبع
http://www.nilemotors.net/Nile/230292-40-000-a.html

اقتباس:

---

المشاركة الأصلية كتبت بواسطة AutoEgypt

الاستاذ ماجد لقد تم عمل شكوى و رقمها كالتالى cas-01023-r5z5n8 و سوف اقوم بالاتصال بسيادتكم خلال 48 ساعه لابلاغكم بالرد على شكواكم
شكراً على حسن تعاونكم معنا

---

:S_thum1[1]::S_thum1[1]::S_thum1[1]: .. نفسى باقى توكيلات العربيات ومراكز الخدمة يتعلموا منكم والله

اقتباس:

---

المشاركة الأصلية كتبت بواسطة ahmed9111

ممكن نعرف حاجة مهما اولا مينفعش نقول علي مركز كامل تهريج حتي لو غلطة من فني و كمان مدام حضرتك مش مقتنع بالصيانة هناك وافقت علي باقي الاعمال المضافة للصيانة ؟؟؟؟؟؟؟؟؟؟ و بعدين انا مش عارف هو في حد اساسا عندة فني او مهندس بعرف يقرا تاريخ الكاوتش اصلا فكونهم بيعملوا كدا يبقا هما بيحاولة يبقوا حاجة كويسة فلازم نشجعهم مش نحبطهم اصلا انا حصلي مشكلة قريبة من كدة بس شوفت نص الكوباية المليان مش الفاضي هو دة المهم و علي العموم نجرب كل الاماكن و نحكم اصلا

---

كلام يستحق التحية ..

اقتباس:

---

المشاركة الأصلية كتبت بواسطة ehab_hamed

انا عملت صيانىة ال 155000 من حوالى اسبوع كده، وعملوا تقرير الفحص ده وطلع بتغيير قاعدة موتور علوى وسفلى، وكاوتش التراب للمساعدين الاربعه بس، مع العلم انى معايا صنى 2007 وما غيرتش حاجه فى العفشة تقريبا من ساعه ما جبتها

---

ربنا يباركلك فيها .. وفعلا استهلاك العفشة بيعتمد على طريقة القيادة والطرق المستخدمة بالمقام الاول
-------------------------------------------------------
ملحوظة بالنسبة لاسعار قطع الغيار:
الثمن المذكور لكاوتش تراب المساعدين الاماميين .. ده ثمن الواحدة وليس الاثنين لأنى مغيرهم فى صيانة ال40 الف كم وثمن الواحدة بالتركيب كان 150 ج (*2)
و100 الف كم فى اى عربية ولا حاجة دلوقت .. وواضح ان اغلبية الاجزاء التالفة سببها الاستخدام ونوعية الطرق واسلوب القيادة

اقتباس:

---

المشاركة الأصلية كتبت بواسطة ahmed9111

ممكن نعرف حاجة مهما اولا مينفعش نقول علي مركز كامل تهريج حتي لو غلطة من فني
يا أستاذ أحمد انا مقولتش على المركز انه تهريج انا قولت الكشف المجاني هو اللي تهريج

و كمان مدام حضرتك مش مقتنع بالصيانة هناك وافقت علي باقي الاعمال المضافة للصيانة ؟؟؟؟؟؟؟؟؟؟
انا برده مقولتش انى مش مقتنع بالصيانة انا اتكلمت على الكشف المجاني ولما لقيت العربية محتاجة تيل فرامل وماستر شفتهم بعيني الاول وبعدين قولتلهم موافق على التغيير
و بعدين انا مش عارف هو في حد اساسا عندة فني او مهندس بعرف يقرا تاريخ الكاوتش اصلا فكونهم بيعملوا كدا يبقا هما بيحاولة يبقوا حاجة كويسة فلازم نشجعهم مش نحبطهم اصلا انا حصلي مشكلة قريبة من كدة بس شوفت نص الكوباية المليان مش الفاضي هو دة المهم و علي العموم نجرب كل الاماكن و نحكم اصلا

---

الهدف مكانشي احباط المركز بل تقييم للكشف اللي اتعمل في عربيتي وانا وحدي القادر على التقييم ده لاني انا اللي كنت هناك ومش شرط يكون اللي حصل معايا يحصل مع حد تاني والعكس صحيح.

اقتباس:

---

المشاركة الأصلية كتبت بواسطة ehab_hamed

انا عملت صيانىة ال 155000 من حوالى اسبوع كده، وعملوا تقرير الفحص ده وطلع بتغيير قاعدة موتور علوى وسفلى، وكاوتش التراب للمساعدين الاربعه بس، مع العلم انى معايا صنى 2007 وما غيرتش حاجه فى العفشة تقريبا من ساعه ما جبتها

---

الف مبروك يا باشا وربنا يباركلك فيها


ملحوظة بالنسبة لاسعار قطع الغيار:
الثمن المذكور لكاوتش تراب المساعدين الاماميين .. ده ثمن الواحدة وليس الاثنين لأنى مغيرهم فى صيانة ال40 الف كم وثمن الواحدة بالتركيب كان 150 ج (*2)

لا يا دكتور ده سعر الاثنين بدون تركيب وبعد عمل خصم 10%

و100 الف كم فى اى عربية ولا حاجة دلوقت .. وواضح ان اغلبية الاجزاء التالفة سببها الاستخدام ونوعية الطرق واسلوب القيادة [/quote]
فعلا انا كل طرقي في مناطق صناعية ومدقات غير ممهدة

اقتباس:

---

المشاركة الأصلية كتبت بواسطة maged george

يا مساء الفل على احلى صقور مش هطول عليكم انا روحت انهاردة اتوايجيبت لعمل الفحص المجاني لنيسان صني 2007 عاملة 107 الف كم وكانت النتيجة كالآتي:
1- السيارة تحتاج طقم إطارات كامل حيث انها انتاج 2009
2- علبة شكمان وسط سعرها 1100 جنيه + الضريبة
3-قاعدة موتور علوية سعرها 280 +الضريبة
4- قاعدة موتور سفلية 243 + الضريبة
5- قاعدة فتيس سفلية 280 + الضريبة
6- اثنين مقص امامي سعر الواحد 578 + الضريبة
7- مقص خلفي واحد سعره لم يذكر سعره
8- بلية شداد سير محرك 330 + الضريبة
9- كاوتش تراب مساعدين امامي سعرهم الاثنين 136 +الضريبة
10-كاوتش تراب مساعدين خلفي سعر الواحد 196 + الضريبة
11- تيل امامي 300
12- تيل خلفي 350
13- طنابير امامي سعر الواحدة 473
14- ماستر فرامل خلفي سعره 350

تمام كده انا بقى اتخضيت وبلمت شوية كده وبعدين قولت لمهندس الاستقبال وهو انسان مهذب وخلوق جدا نعمل الحاجة الضرورية دلوقتي فغيرت تيل فرامل امامي وخلفي وطنابير امامية لانه مرضيش يخرطها وقاللي مش هينفع تتخرط عشان سمكها صغير وغيرت كاوتش تراب امامي لان المساعدين اللي قدام كنت جايبهم من سنة وقولت احافظ عليهم وغيرت ماستر خلفي وغيرت سيور وفلتر هواء وبوجيهات وزيت باور وموتور وفرامل يعني صيانة شاملة وكعيت شوية حلوين كده بعد الخصم عملوا 3360 جنيه.
ملاحظاتي بقى عن الصيانة:
1-الكشف المجاني على العربية عبارة عن تهريج ليه بقى ؟ لان الاطارات الامامية انتاج الاسبوع العاشر من سنة 2011 مش سنة 2009 زي ما اتكتب في التقرير وقولت الكلام ده للمهندس قاللي يمكن الفني مخدش باله.
2- المساعدين الخلفية بايظة خالص وبالرغم من كده اكدلي انها سليمة وقولتله العربية بترزع مني في المطبات من وراء قاللي عادي مش عارف ليه عشان كده مرضيتشي اغير كاوتش التراب الخلفي غير لما اغير المساعدين بالمرة.
3-اتعمل شوية حاجات من غير اخذ موافقتي عليها عبارة عن تدبيسة كده زي تغيير كاوتش المساحات ولمبة الفتيس اللي في الكونسول ولمبة الاستوب وترصيص العجل اللي ب 75 جنيه لوحده معلش هي حاجة هايفة بس اتغاظت منهم لاني فوجئت بيهم في الفاتورة.
4- الغسيل النهائي للعربية ولا ليه لازمة غير اني اتعطلت ساعة الا ربع زيادة وبرده خرجت مش نظيفة خصوصا يد فرامل اليد كانت مش نظيفة ومزيتة مكان الشغل والكرسي الامامي برده اتوسخ من الشغل لان الكيس اللي حطوه كان مقطع مكان الشغل.
5- المعاملة هناك كانت جيدة جدا من حيث الاستقبال او الاستفسارات عن اي حاجة بس الحائط الزجاجي اللي بنشوف منه الشغل في العربية غير مريح لا يمكن النظر منه وانا قاعد لازم افضل واقف عنده عشان اقدر اشوف العربية كويس مع اني مش قصير على فكرة بس هما عاملين الجزء السفلي منه مصنفر.
أخيرا اسف لو كنت طولت عليكم بس حبيت احكيلكم على اللي حصل بالظبط مع ذكر الاسعار عشان اي حد عاوز ياخد فكرة عنها وشكرا جزيلا.

---

الاستاذ ماجد لقد تم الاتصال بسيادتكم عدة مرات و لم يتم الرد علينا من قبلكم برجاء تحديد المواعيد المناسب لمعاودة الاتصال فى الوقت المناسب او يمكنك الاتصال على " 16666"
شكرا على حسن تعاونكم

اقتباس:

---

المشاركة الأصلية كتبت بواسطة autoegypt

الاستاذ ماجد لقد تم الاتصال بسيادتكم عدة مرات و لم يتم الرد علينا من قبلكم برجاء تحديد المواعيد المناسب لمعاودة الاتصال فى الوقت المناسب او يمكنك الاتصال على " 16666"
شكرا على حسن تعاونكم

---

شكرا على الاهتمام والإتصال من شخصكم الكريم وآسف على عدم الرد وذلك لاني مهندس صيانة ودائما بكون عند عملاء وبيكون الموبايل سايلنت ولكن افيد سيادتكم علماً بانه قد تم بالفعل الإتصال بي من اتو ايجبت لأخذ رايي بالصيانة التي تمت ورأيي بمكان الإنتظار ومهندس الإستقبال وذلك يوم السبت الماضي وسوف أقوم بالإتصال تليفونيا بسيادتكم على تليفون 16666 لمتابعة الشكوى وشكرا على حسن تعاونكم.