فعلا غريبه قوي موضوع انهم كده هيقفلو يوتيوب وفيس بوك
طيب ياربت من بقكم لباب السما
الموقعين دوول بالذات بيضعيو ملايين الساعات يوميا لشباب مصر وملوثين عقول ناس كتييييييييييييييييييييييي يييييييير
عرض للطباعة
فعلا غريبه قوي موضوع انهم كده هيقفلو يوتيوب وفيس بوك
طيب ياربت من بقكم لباب السما
الموقعين دوول بالذات بيضعيو ملايين الساعات يوميا لشباب مصر وملوثين عقول ناس كتييييييييييييييييييييييي يييييييير
لا اوافق
حد يعرف الفيس بلوك ده بتاع مين ومن انهى دولة؟؟!!
امريكا
بتاعة الاخ ده
Mark Zuckerberg - Wikipedia, the free encyclopedia
وقبل ماتسأل او تدور .. اه هو يهودي ...
و الي 2 معاه يهود .
يا اخي و الله حرام عليك اللي بتقوله دا
شوف كدا القنوات دي جايز تغير رأيك:
zaidg's Channel - YouTube
DrMostafaMahmoudTV's Channel - YouTube
اللي عايز يضيع وقته هيمسك المصحف و يعمل نفسه بيقرأ فيه
معلش اسمحلي اختلف معاك
هو لما بلاد العالم ابتدت تصنع عربيات و نزلت العربيات مصر و لقيناها حلوه و مفيده حد جه و قال ان العربيات دي مش فارقه معانا امال اذاي كنا عايشين من 5 سنين من غيرها ؟
و حتى لو حد قالها هل حد هيبقى معاه
و نفس الكلام لما الموبايلات نزلت العالم و بعدبن نزلت مصر هل حد جه وقال الموبايلات دي قرف و قللت الزياره بين الناس و ازاي كنا عايشين من غيرها من 5 سنين ؟
انا شايف ان العالم كله دلوقتي بيستخدم الفيسبوك و اليوتيوب و النت و لو مش استخدمناهم يبقى احنا بنأخر نفسنا و بنرجع لورا بحجه اننا كنا من غيرهم من 5 سنين و عايشين عادي
تقبل تحياتي :grin54:
وافيسبوكاه
اللى مش عاوز يقعد ع الفيس بوك هو حر ، لكن مش معنى كده انه يطالب بحجبه عن الاخرين
يا سيدي احنا شايفينه مهم وبنسمع منه مختلف الاراء ونكون راينا
لا اوافق لانه ممكن يعتبر التعبير عن الرأى اباحية
واه ثورتاه
أنا أسف بس فى بعض الأفكار قمعية بشكل غريب ......... فيه بعض الأفكار لمجرد لأنها لا تحب أو ترضى عن شيء معين فهى توافق و تطالب بمنعه عن الأخرين !!!!!!!!!!!!!!!!!!!!!!!!!!!
هذه الأفكار ما هى الا ممارسة لسلطة ابوية تحكمية قمعية ........... بدون أى حق
غرييييييييييب جدا
طيب سؤال
لو ققلوا المواقع الاباحيه هيقفلوا المصراويه و المولد و الفرح و التت ولا لأ؟
واه اباحتاه
على فكره الموضوع ده مثير جدا و الطقش ده قادم لا محاله
النسبه التلت و التلتين
طيب الاغلبيه لو فى ايدهم القرار هيعملوا ايه فى التلت اللى عايز الاباحه على حد تفسيرهم
يا عم يا ريته يهودي ده ملحد .. و الينك اهو
Mark Zuckerberg - Wikipedia, the free encyclopedia
و يا ريت يبقي الاستفتاء للناس العزاب بس مش للمتزوجين
‫المواقع الاباحية التي لم يناقشها مجلس شعب الثورة 2012 ::+18‬‎ - YouTube
شوفوا شوية المواقع اللى فى اللينك ده الفيديو من موقع يوتيوب وشوفوا احنا مشتتين نفسنا فى ايه
الممنوع مرغوب واللى عايز حاجة هيجبها المشكلة مش فى حجب المواقع المشكلة ان الموضوع هيمتد بعدها لقنوات الاغانى مع انى مبتفرجش على اغانى وبعدها قنوات الافلام ثم الدرامة ويمكن كمان الاطفال على ان القط والفار بيشجع على العدوانية وكمان قنوات الرياضة بيبقى فيها عرى وملابس كاشفى للعورات على فكرة انا مثلا عشت فترة بره عمرى ماشربت بيرة حتى ولا حتى سيجارة مش لانها محجوبة لا علشان مقبلش اعمل حاجة غلط والغريبة انى شفت فى دول مغلقة لاداعى لذكر الاسم كل الممنوع موجود وبيعرفوا يبجبوه واكثر كمان من اللى فى الدول المنفتحة
لا اوافق والاسباب ذكرت فى الموضوع واتكررت باكتر من اسلوب.
هيقولك بعد كده هنحجب نايل موتورز لانه بيتكلم عن سيارات اتصنعت فى دول كافرة
انا ضد الاغلاق مش لانى باحب الاباحة ومقضى الوقت امام المواقع الاباحية ولكن لانى ما احبش حد يقرر بدلا منى انا اتفرج على ايه ولا ايه
ومش قادر افهم ان فيه جهاز فى الدولة يتفرغ لمتابعة النت اربعة وعشرين ساعة عشان يمنع المواقع الاباحية
بصراحة ورانا حاجات اهم وكان اولى بمن تقدم بهذا الاقتراح الانتظار حتى تحدث نتائج ملموسة فى تحسن وضعنا الاقتصادي والسياسي والامني وبعدين يقول مثل هذه الافكار نحن لم ننتخب مجلس الشعب لمثل هذه الامور
طبعاٌ لا يصح الا الصحيح
والحرام بين والحلال بين
وحكاية القفل ولا الفتح دى من رأيى الشخصى مش هيا المشكله
ليه ؟
لأن دايماٌ الأهم فالمهم فالأقل اهميه
مش ده الترتيب المنطقى ولا ايه ؟
يعنى نسبة اللى عندهم كومبيوتر فى مصر قد ايه ؟ ونسبة اللى عندهم نت متوصل بالكومبيوتر ده قد ايه ؟ ونسبة اللى بيجيبوا المواقع الأباحيه من اللى عندهم كومبيوتر ونت قد ايه ؟
فى المقابل
نسبة اللى عندهم دش فى البيت قد ايه ؟ وعدد قنوات الأباحه ( مش ألأباحيه ) يعنى مثل التيت والمولد و و و و مثلهم كتير قد ايه ؟
طب بلاش القنوات دى
عدد الكباريهات المتاحه للشعب فى مصر قد ايه ؟
طيب عدد الأفلام المصريه القبيحه زى ( ركلام و شارع الهرم و و و و و )
قد ايه ؟
اللى عايز اوصله بكل بساطه
ان الأفلام الزباله اللى مغرقه الدنيا ومفيش حد بيجيب سيرتها ( واللى تخيلت بعد الثوره الحال هينعدل ) دى بتبين شكل مصر والمصريين ( الستات ماشيين فى البطال والرجاله قوادين عليهم وبس )
دى مصيبه اكتر مليون مره من المواقع الأباحيه
لأنها بتخش فى كل بيت من خلال التلفزيون جوه مصر وبره
وبعدين لو فرضنا انى عربى خليجى او حتى امريكى واشوف الأفلام دى هتبقى ايه فكرتى عن المصريين
دا مصر بالنسبه للسواح الخليجيين ( شارع الهرم ) وبالنسبه للسواح الأوروبيين ( الهرم والجمل والصحراء ) وبالنسبه للسياح اليهود سيناء وشاطئ العراه ( المصرح به من قبل الحكومه المصريه )
وبعدين طول ما شارع الهرم قصدى ( شارع الدعاره ) موجود و برخصه من الحكومه عمر البلد دى ما هتنضف ابداٌ
اعزائى
الوضع متغيرش ( وشكله عمره ما هيتغير ) واللى بيتكلموا فيه دلوقتى مجرد شو اعلامى
وبرده ده رأى شخصى
في مثل كنت عاوز اقوله في اول مشركة بس مرضتش عشان المنتدي و الناس المحترمين الفيه بس كده انا لأزم اقوله
"احنا ف ....* ولأ ف شم ورد"
عندنا مشاكل سياسية زي الرئاسة و المحكمات ووووو
مشاكل دولية زي الغاز بتاع اسرائيل و مشاكل مع التمويل الأجنبي الجابو واري و اخلوا سابلهم
مشاكل في الأمن الداخلي زي السرقة و القتل البقينا بنسمعوا عادي دلوقتي و الكانوا المفرود يعملو قانون حاسم للناس دي يعني مثلأ اليسرق يقطع ايده البيبلطج يعدم
مشاكل اقتصادية زي حال البلد ارايح في ستين دهية و كل يوم شريكات بتقفل من الخسارة و البطالة تزيد
مشاكل اجتماعية زي تلت الشعب المصري التحت خط الفقر و معندهمش اساسيات الحياه اصلأ و مايعرفوش يعني ايه كمبيوتر و مواقع اباحيه
مشاكل صحية زي المستشفيات الحكومية الرايحه في دهيه الي لأ ترقي للمستوي الأدمي
مشاكل في التعليم زي الكلأم الفارغ الاولأد بيخدوه في المدارس و بقاله عقود مدغيرش لحد مخلأ الطالب المصري طالب غبي
المجلس سايب القرف ده كله و بيشم ورد
والله عندك حق يااستاذ عصام
زمان كان اخرهم يجيبو اتنين بيحبو بعض في الفيلم وبيحاربو الدنيا كلها عشان يتجوزو رسمي وميعلموش حاجه حرام لكن دلوقتي ماشاء الله حدث ولا حرج تلاقي واحد وواحده طول الفيلم عايشين مع بعض وسهر وكل حاجه وفي الأخر يطلعو مش متجوزين وكانهم بيقولو للجيل الجديد ده الطبيعي ودي بقت منتشره في اكتر من فيلم من الأفلام الجديده
لو حضرتك شايف كدا يبقى انا كمان شايف رد حضرتك فيه إهانة ليا برضه لأنك بتعمم و تقول ان محدش من اللي قاعد على اليوتيوب و الفيسبوك بيفتح اللينات اللي انا حطيتها ... يبقى انا فهمت انك بتتهمني اني قاعد على بتفرج على قنوات الأباحة طول اليوم و دا شئ مش مقبول و مش عشان حضرتك مش شايف اي فائدة في الفيس بوك و اليوتيوب يبقى تطالب نقفلها ... بكدا يبقى لو انت شغلك جمب بيتك و شايف ان العربية ملهاش لازمة يبقى نلغى العربيات بالمرة
:redeye:
:pffft:
:crashcomputer3:
بكماله قله الادب و الهرتله
غاده عبد الرازق : فيلم ركلام في ميزان حسناتي
ايه الرد مش عارف
ليه الناس فهمت ان عدم الموافقة على غلق هذه المواقع هو دعوة للفساد أو حُب في هذا الفساد البين الواضح ؟
مُمانعة الغلق لها أسباب تانية - أولا كدا فتحنا الباب لغلق ما يريدون تحت هذه الحجة
و ده اللي أحنا مش عايزينه
ممكن النائب (جزاه الله خير ) تكون نيته 100 % صادقة و لكن ماذا ندري في المستقبل كيف سيستخدمون قوانين كتلك ؟
الأهم أن البلد مليانة مصايب تانية و هما بيتكلموا على حاجات فرعية تماما
الأمن - الشرطة - الأستثمار (علشان الناس تأكل ) - الزراعة (علشان نبطل أستيراد الأكل - معالجة مشكلة البناء على الأراضي الزراعية - المرور المتنيل على عينه ؟؟؟ - التكدس السكاني الرهيب و الزحمة الرهيبة و فساد المحليات -
يعني لما تقفل كباريه (أشتراه بُحر ماله - كبروا في نظري قوي ) دي خطوة كويسة
أنما تحط حظر .......... و بعدين بقى كل واحد يستخدم الحظر بمزاجه ...... يبقى و لا عملنا حاجة
يبقى خرجنا من الحزب الوطني الفاسد و دخلنا دوامة الطاعة العمياء و الأخ الأكبر و السلطة الدينية و تنفيذ ما يرونه هم صحيح !
يجب الأهتمام بمشاكل الناس
الأنتاج يجب أن يزيد علشان الأسعار تثبت أو تقل
السكان عددها محتاج يثبت علشان أستهلاكهم يثبت و نقلل المستورد و نعلم و نأكل اللي موجود بجودة عالية
حل مشاكل المرور المزمنة و تغليظ الغرامات على المخالفين
الأنتهاء من مشروعات هامة و التركيز عليها زي مشاريع المواصلات العامة ومشاريع الزراعة .......... الخ .
الأخلاق لا يتم اجبارها على الناس
الأخلاق بالعلم الديني المعتدل و التربية المنزلية و الحث على أحترام الغير .
الأخلاق يجب أن تُكتسب في المدارس
الأخلاق لا تأتي بالحظر لشخص مُنعدم الأخلاق أصلا .
الموضوع مش فاس بوك و لا يو تيوب (دي كانت أمثلة بس مش أكتر )
غير موافق لان الباشا هيقفل الحنفية على الموقع اللى بمزاجه و بعد شوية هتلاقى فيس بوك و يوتيوب و تويتر و مش بعيد نايل موتورز اتقفلو بحجة فيه صور بنات :p
بعدين معلش يعنى فى السعودية بيعملو ايه ؟؟ بيفتحوها بردو بطرق سهلة جدا مش هقولها عشان مساعدش حد يستخدمها
ياجماعه اللي عايز يشوف حاجه هيشوفها لكن الوقايه خير من العلاج يعني بدل ماسيبها للي مشفهاش امنعها عنه خالص وبالنسبه للي عارفها ومدمنها كده كده مش هيغلاب لانه خلاص اصبح مدمن وحتي لو متجوز
لو فضلنا ماشين بمبدأ لو عملو كده هيحجبو كل حاجه يبقي عمرنا ماهنعمل اي حاجه كويسه
نفس الكلام اللي بيتقال لما يقولو تطبيق الشريعه تلاقي الناس تقولك اه ماهو كده هيطبقو علي مذاجهم ويحرمو علينا كل حاجه بمذاجهم كان الدين ده جي من المريخ ومحدش يعرف فيه حاجه خالص وكاننا شعب ملوش شخصيه واللي عايز يعمل فيه حاجه يعملها