اوافق
عرض للطباعة
اوافق
سؤال غريب جدا
لا اوافق ههههههههههه طبعا اوافق على منعها
بصراحة لا اوافق ... ده لو اتفلت ...عينك متشوف الا النور و هتحصل جرايم اغتصاب بالهبل .. فنصيحة بلاش .. طبعاا مع الظروف المهببة .. عشان مفيش جواز و لا شغل و لا فلوس و طبعا مع تعنت الاهالي في الزواج .. ده يا اخي اسه متقدم لواحدة من شهر كده .. روحت لابوها قالي متكلمنيش في حاجة غير ميكون عندك شقة و عربيه و انا سني 23 سنه ... كنت هلبسه الطبق الي قدامي ... انا راي بلاش علي الاقل في الوقت الراهن
موافق ، بعد تعريف محكم لعبارة (المواقع الإباحية)
فى ظل العشوائية و التخبط اللى ماشية فية البلد
ممكن يتم اعتبار اليوتيوب و الفيس بوك موقع اباحية
المطلوب تعريف دقيق وناس خبيرة فاهمة نت تنقية من المواقع مش جملة مطاطية يستهدف بها اشياء اخرى
والحدق يفهم
الاخ الكريم الفاضل أ. احمد
طبعا حوارنا هنا حتي لو اختلفنا في الرأي فليس الغرض منه الا لفت النظر لاشياء لو فهمت غلط تبقي كارثة كبري و ليس معني اني اختلف مع حضرتك اني لا اقدرك او لا احترم وجهة نظرك و لكن لزم التنبيه علي الاتي:-
1- ما كان و لن يكون ابدا الدخول علي هذه المواقع بديلا للعفة اخي الكريم فصدقني اغلب من يدخلون لهذه المواقع هم ايضا من المتزوجين بل و من معهم اطفال و شباب كبار ( لانها اصبحت عادة عندهم ) ما اكتفو بما متعهم الله بهم
2- الدخول لهذه المواقع يخرب اغلب البيوت و يدمر العلاقات بين الازواج
3- علاج مشكلة تأخر الزواج تأتي من العمل في المجتمع لتيسير تكاليف الزواج علي الشباب لا بالسماح لمثل هذه المواقع
4- الهروب الي الله تعالي و الاستعانه به علي الصبر يجعل الشباب في قوة و حماس و حب للحياة و اقبال علي الحياة اما هروبهم لمثل هذه المواقع بسبب ما يعانوه يجعلهم في حالة يأس و حيرة و دائما ما يكونو في حالات تعب و احباط نفسي رهيب و عدم ثقة في النفس
5- عفو تعف نسائكم
و اخيرا اللهم عف شبابنا و اجعلهم في خير دائما
و تحياتي لحضرتك و لشجاعتك علي ابداء رأيك بدون مزايدة و اعلم انك ما تصف حالك و لكنك توضح لنا حال الشباب في مثل سنك ممن هم علي وشك الارتباط و يصطدمون بمطالب تعجيزية من اهل العروسة
فاللهم يسر لكم جميعا
م.حاتم السباعي
اوافق على حجبها مع انى اتفرجت عليها كتير من خلال نوافذ منبصقه امامى
مع اغلاق هذه المواقع من باب
يجدون علي الخير اعواناً
لا اوافق
تفتكر اللي عايز يشوف الحجات دي هيغلب يعني !!!
في الخليج بدأت كدة بردو .. وبعدين بقى دلوقت تسألهم ايه مش محجوب عندكم
خود عندك .. مواقع تتحجب بالخطأ ,, او يمكن خطأ مقصود
ممكن نايل موتورز نفسه يتحجب .. لو مضايق الباشا
بحجه انه بيروج لطرق فك الحجب عن المواقع الاباحيه
بعض الدول محجوب فيها اليوتيوب .. بحجه انه عليه مشاهد اباحيه
مالاخر .. اللي عايز يفتح موقع محجوب هيفتح وفي بدل الطريقه الف لكدة
ومش هنستفيد من القصه دي غير وجع القلب
لا أوافق ......... للأسباب اللي ذكرها الأستاذ شوهدي و دريماو
هانرجع تاني للحزب الوطني بطريقة دينية و الطريقة الدينية هاتكون أسوء
حجب المواقع الأباحية عن طريق الأعتدال في تعليم مبادئ الدين و الأخلاق و التعاملات
أنما حجب مواقع ................ هاندخل في نفق أقفل و أفتح بمزاجك يا ريس
لا أوافق
الأغتصاب والتحرش بيجي من المواقع دي ومن القرف اللي مالي الشارع مش من العفه
كده بقي نشجع ان الناس تشرب سجاير احسن مايشربو حشيش ولا هيروين بسبب ظروف البلد المنيله
ربنا امرنا بغض البصر والعفه وان ده اذكي واطهر لينا يبقي مستحيل ان حجب المواقع المنيله دي هيبقي فيه مضره
البنات دلوقتي لبسها المنيل اللي شبه عاري حتي لبس المحجبات بل والمنقبات كمان بقي زي الزفت- ياتري من ايه؟؟ ماهو من الأعلام والنت والموضات البايظه اللي بتيجي من بره
يعني حضرتك تخيل عندك بنت وفي يوم لقيتها داخله عليك في البيت وساحبه في ايدها البوي فيريند بتاعها وهتنام معاه في اوضتها لوحدها وهتعمل اللي هي عايزاه ساعتها هتعمل ايه؟
هتقول مش همنعها واحاول اقتنعها واعلمها دينها والأخلاق لحد ماتبطل بنفسها ولا حتاخدها قلمين وتمسك الواد ترميه من الشباك وتمنعها من اي حاجه توصلها للحاجات دي + التربيه طبعا ؟
انا شايف ان الرفض عشان ده هيخلي الناس تدور عليها دي حجه مش منطقيه لان مش هيدور عليها الا اللي ادمنها خلاص لكن اللي ميعرفهاش مش هيوصلها خلاص واللي ادمنها مع الوقت لما يلاقي صعوبه في الوصول ليها هيبطلها خالص
وفي نفس الوقت ناس تانيه بتقول ارفض عشان كده بقي السلفيي والاخوان بانو علي حقيقتهم والنهارده ابتدت بالمواقع الأباحيه وبعد كده هيحرومو علينا كل حاجه وبرده دي حجه مش منطقيه عشان الحلال بين والحرام بين
مفيش سكة حلال بتتقفل الا وبيتفتح قدامها مليون سكة حرام
والحدق يفهم
لا اوافق .
حتبتدي بالمواقع الاباحية ... و شوية شوية حتوصل لل Youtube و ال Twitter و ال Facebook
ونبقى ايران و السعودية .. قمة في الجهل ! (في موضوع الحجب).
ياريت قبل الشيوخ و الشعور الي في المجلس يتكلموا على المواقع الاباحية .. ياريت يحجيبوا .. المواقف الاباحية زي بتاع ادانة مصطفى بكري و التهليل له !!! حاجة ابيحة بصراحة !
وقبل كل ده تتوقف الاباحة الفكرية ! و تتحجب ... و قبل كل ده و ده !
نفسي في مشروع !
الشتيمة في مكان عام = حبس !
من سواقين الميكربواصات و الباعة و التاكسي و حتى بعض انضف و اغنى انواع الشباب و الكبار!
بمشي اسمع ومراتي معايا قواميس شتايم !!
انا نفسي الي يشتم شتيمة قذرة يدفع غرامة فورية او يتحبس 3 ايام !
بعد ماتنضف مخ و لسان الناس .. يبقى تعالى اتكلم على المواقع ... يا شيخ.
وبالنسبة للناس الي قلقانة على بناتها و ولادها ..
اقلهم في الف حل .. .اولا التربية الصحيحة المبنية على الحب و الصداقة مع ولادك .. مش الخوف ! و دي حتحل 90% من المشاكل ..
بالنسبة لل 10% الي فاضليين ...
في كذا طريقة ممكن تحجب بيها مواقع اباحية بدون مانحتاج لاي مجلس شعر ..
اولا :
TEDATA عندهم خدمة مجانية اسمها Family Internet و مممكن تحدد اصلا امتى النت يشتغل و يتقفل و انهي مواقع تتفتح و تتقفل بمزاجك .. او اوتوماتيكيا.
لو مش TEDATA في شركة عالمية اسمها OPENDNS
opendns.com
و دي بتديك DNS Servers تحطهم في الROUTER بتاعك .. و بيمنع كل المواقع الاباحية بنسبة 98% و على فكرة انا مشغله عندي في المكتب هنا و 100% شغال تمام و بيدي المتصفح رسالة كمان ان الموقع ده محجوب.
لا اوافق و الرجالة قالو اللي عايز اقولوا !!!
خلاص يعني سبنا كل حاجة !!! شتايم بتوع الميكروباص و الامن و الاقتصاد و مسكنا في دول و بعدين في 100 الف طريقة لتجاوز الحجب
يا ريت بنفكر بالعقل
اللي عايز يحجبها في بيتو باسهل ما يمكن زي ما الاخوة تفضلوا
لا اوافق
أولا: اللى عايز يشوف مواد اباحية هيشوفها الحجب لم يعد له فائدة
ثانيا:هنضمن منين ان بعد كده يقولك ان فيس بوك ولا تويتر ده موقع اباحي والفتيات والشباب بيتعرفوا على بعض من خلاله
يا ريت البرلمان يهتم بالامور الملحة، وبوضع التشريعات والرقابة على الحكومة حتى يتيسر للشباب الفتيات الزواج وافراغ شهوته بالحلال بدل ما يشتتوا نفسهم والاقى واحد طالع يقولنا اللغات الاجنبية الكافرة بيعلموها لولادنا
عايزين نغطي على البلاوي من غير ما نشوفلها حل
فيبقى ظاهر المجتمع انه متدين ولكن ما خفي كان اعظم ولو قدوتك السعودية ودول الخليج فدي بيحصل فيها بلاوي ربنا يعافينا
المطلوب منع الفكر الاباحى و السلوكيات الاباحية و الالفاظ الاباحية .... الخلق السليم بدايتا.......
السوء جزء مكمل للحياء و الجانب المظلم للطبيعه و لو فلترنا كل حياة اولادنا من كل الموبقات و الشبهات فلن يكون هناك وسيلة للتأكد من صحه تربيتنا لاولادنا ... انا مثلا من حى شعبى تتفاوت فيه الاخلاقيات و السلوكيات و احيانا تنعدم الرقابة ... فان لم يكن والداى احسنوا تربيتى للانزلقت الى تلك المستنقع ... و هنا تكمن التربية و الاخلاق ... فلتحسنوا جميعا تربيه ابناءكم على الخلق و التدين .. و اتركوهم
ممكن يعملوا تشريع يقطعوا لسان النائب طويل اللسان او الكذاب او يقطعوا ايد الوزير الحرامى او النايب اللى بيرمى كلام و يتهم شرفاء .... او ظابط او عسكرى بيعامل المواطن بتعال
ماحدش هيقول لأ
بس احنا عندنا مشكله ان فيه كتير مخهم بقى متركز بين رجليهم و نسيوا نعمة العقل
شكرااا ليك يا استاذ حاتم علي ردك الجميل بس انا هنا بتكلم في نقطة ... ان الالغاء ده حيتفك بالف طريقة و طريقة زي ما بيحصل في السعوديه بحكم اني كنت عايش فترة مش بالقليلة في السعودية دي اول نقطة .... تاني نقطة فيه حاجات مهمة جدا جدا عن الحاجات الثانوية الي احنا بنقولها و لازم تتصلح فينا زي الاقتصاد و العشوائيات و عملية التخبط الرهيبة الي احنا عايشين فيها الي كل واحد بيعمل الي هو عايزو يعملوا ... و الاهم من ده ان احنا نغير سلوكنا و طريقة تعاملنا عشان ااصراحة المظهر الديني في مصر مستشري المتمثل الدقون ا و الحجاب و العباية المتمثل في السيدات .. بس تعالي عامل الناس علي المستوي الشخصي عينك ما تشوف الا النور .. و هنروح بعيد ممكن حضرتك تسال اي حد عاش و عاصر فترة الستينات و السبعينات عشان فيه اعضاء محترمين بيرموا السبب في طريقة لبس البنات ... الفترة ديه حضرتك كانت تقريبا مفيش اي بنت كانت محجبة و كانت الافلام القديمة كانت كلها قبلات و البنات الي تلبس ميكرو شورتش و فساتين قصيرة عن دلوقتي .. بس كانت الحياة جميلة و كانت مفيش جرايم الاغتصاب و التحرش الي بنسمعها كانها شي عادي في حياتها ... الي انا لازم اقولو حضرتك حسن ال quality بتاعت الناس و المواقع الاباحية و الكلام ده هتبقي مشكلة ثانوية في حياتنا و ابصملك بالعشرة علي الكلام ده ..و شكرا لسعة صدرك و دمت بكل ود
طيب ما يقفلوا مصانع الخمره وشركه البيره
ولا هي المكروهات بيتشطروا عليها
والكبائر علشان بتجيب فلوس حلوه ؟؟؟
فيه كلام كتير يتقال في الموضوع ده بس عيب الواحد يقوله
بس مينفعش تبقي حكومه ومجلس اغلبه سلفي واخوان وبياخدوا فلوس من حكومه بتبيع خمره
ولو المواقع الاباحيه بتدخل فلوس مكانش حد قفلها
وتجري ليه
مع اني مدخن بس هو ده الصح طالما بيدعوا انهم خايفين علي الشعب من الحرام
ويمنعوا بث القنوات الفضائيه
وعقوبه المخدرات تبقي الاعدام حتي لو شايل سيجاره حشيش
بس قبل كل ده
يعدلوا الاقتصاد
ميجوش في الهايفه ويتصدروا
الناس لو بتشتغل وعندها فائض مادي مش حيدوروا علي متع رخيصه يقضوا بيها وقتهم
ساعتها المحروم جنسيا حيتجوز ويكبت شهوته
والمتجوز ممكن يتجوز تاني وتالت
ماتنساش نقفل قناة التت
أوافق تماما
ويا ريت كمان المواقع بتاعت الزواج من مسلم ومسلمة والحاجات المخبلة دى تتلغى كمان (بينى وبينكم لما باشوف موقع زواج الواحد نفسه بتتفتح وبعدين سرعان ما يفيق على الواقع البعيد عن شاشة الكمبيوتر )
‫لقاء النائب يونس مخيون على قناة المحور 27-2-2012‬‎ - YouTube
ده النائب صاحب طلب الإحاطة
له طلبات تانية بس الإعلام لم يلقي عليها الضوء
منها موضوع الصناديق الخاصة
يا ريت نتبين
الحوار ده عامل زي واحد عندوا عمارة بقلها 30-40 سنة مبهدلة و مشرخة وطالع ........ ابوها و الحديد باين و مصدي وايله للسقوط
بس ادامه حلين يئمه يلييسها و يغطي الحديد و يدي العمارة وش بويه جديد
يائمه يعالج الشروخ و الصدة ويرممها صح
اهو المجلس بيقول تمنع المواقع
تمام اوي
حال البلد اتعدل كده يعني؟؟؟؟؟!!!!!!!!!!و الشباب اشتغل و البطالة قلت؟؟؟؟؟!!!!!!
كده المجلس بيليسس و العمارة كدة مشكلها حتزيد عن الاول
المفروض المجلس بدل ميفكر فالمواقع و البكيني و الخمرة
يحل المشكلة من اولها و يفتحوا المصانع و الشريكات الاتقفلت و يعملوا شريكات جديدة ويجيبوا مستسمرين يفتحوا مشريع جديده هنا و يبقوا متبعين الناس دي و ميبقاش في حد بيستغل البطاله و ميديش الشباب حقهم و ميخدوش 500 جنيه و لو مش عجبك في الافات غيرك
و يرخصوا السلع و الشقق للشباب و يبقي في رقابة و قانون
الشقة التعبانة و فحتة معفنة ب 200 الف جنية و تسمع شقق ب 2 و 3 مليون ازاااااي؟ دحنا البنعمل حديد البنا و الطوب و الأسمنت و العمالة كمان موجودة بس كل ده عشان مافيش راقيب
الرقابة بس علي المواقع و الخمرة
و غير كدة المجتمع عليه انة يربي الجيل الصغير علي الأدب و الأخلأق و الأمانة
ساعتها مش حتبقي فرقه نقفل المواقع ولأ نسبها مفتوحه لأن مافيش حد حيفتحا اصلأ
لا اوافق بتاتا بالطبع لان كل ما هو ممنوع مرغوب و لو المواقع دي اتقفلت الناس "هتتسرع" عليها زياده و في مليار طريقه لفتحها تاني و بعدين ده اقتراح تافه من مجلس الشعب لان دي مشكله ثانويه و احنا عندنا كوارث بمعني الكلمه و خليهم يتكلموا عن فرض الحجاب و منع البيكيني و غلق المواقع دي و سايبين الدنيا "تضرب تقلب" و بعدين لو المواقع دي اتقفلت هل مشاكل البلد هتتحل ؟ لا طبعا و بعدين النهارده قفلنا المواقع دي بكره هيجي واحد يحط فيديو اباحي علي اليوتيوب هيقوموا قافيلنه بعد بكره هيجي واحد يحط صوره مش ولابد علي الفيس هيقوموا قافليه و هكذا دواليك لحد الغاء الانترنت من مصر و بيوت ناس هتتخرب اكتر ما هي خربانه
فكره غلق المواقع فكره غير منطقيه و هي مغازله للتيار الديني ليس الا
ده لاسباب
اولا لان برامج كسر الحجب موجوده و متيسره و كل تكنولوجبا و ليها تكنولوجيا مضاده
ثانيا من الذي سيكون مسئول عن التصنيف و الرقابه
لان الامر نسبي تماما فهناك من يري المواقع الاباحيه متاجره بالنساﺀ و هناك من يري باغاني الفيديو كليب متاجره بالنساﺀ و هناك من يري في السينما و التلفزيون عامه متاجره بالنساﺀ
اذا فتحت باب المنع و التقييد فلن ينتهي بك الامر الا بممارسه السلطه الابويه من الحاكم علي المحكوم
السماح باستخدام المنع فيما لا نستطيع منعه عمليا حتي لو اتفقنا عل خطأه ..... يفتح الباب لمنع ما نستطيع منعه بالفعل حتي لو اختلفنا هل هو صواب ام خطأ
تقريبا في معظم بلاد العالم التي تم تطبيق المنع و الحجب تم استخدام الامر سياسيا و قمعيا و تخطي المنع لحدود الاباحيه لحدود الفكر و الرأي المعارض للحاكم
انا موافق اكيد بس بعد ما يصلحو الاساس الاول ويعدلو من حال البلد وقبل كل ده كل واحد فى الشعب وف الحكومه يتعدل من جواه ويبقى عايز يبقى صح بقى
والله والله لو كل واحد فينا بقى من نفسه عايز يبقى صح البلد دى هتبقى احسن بس للاسف كلنا دماغنا متركبه شمال ((( للاسف ده طبع المصريين )))
مش عارف اقول ايه بصراحه
الوقايه خير من العلاج
هي الأم بتشيل الكبريت من قدام الأطفال ولا بتقول انا لو شيلته اكيد هيدورو عليه ويجيبوه فاسيبه قدامهم احسن؟
طب لو الدوله عملت اللي الناس بتقول عليه وبعدين منعوا المواقع الأباحيه النا س هتقول ماشي ولا هتطلع حجج تانيه؟
طيب هو منع الحاجات دي بيضر مين اصلا؟
هو ده مش فساد في الأرض وانتشار فاحشه؟
المشكلة مش في الحجب
المشكلة هيتم ازاي ؟؟
في دول الخليج مواقع عادية جداً محجوبة و بعض فيديوهات اليويتوب مقفولة برضه
شوية و يفقلوا الفيس بوك !!!!!!!!!!!!!!
فى ايه يا جماعه هو انتو كل اللى هاممكم اليوتيوب والفيس بوك ما يقفلوهم ولا حتى يلغوهم خالص هى خلاص حياتنا بقت فيس بوك ويوتيوب وخلاص من حوالى 4 او 5 سنين كنا عايشين ازاى من غير فيس بوك ولا يو تيوب
انا بصراحه مش عاجبنى التفكير وده رأيي الشخصى مش فارقه معايا يقفلو فيس ولا انشالله يشيلو النت كله المهم اننا نعيش حياه صح بقى مش الفيس ولا اليوتيوب هما اللى معيشنا
اسف على انفعالى بس مستغرب اوى عشان خايفين على لافيس واليو تيوب