الموضوع: صيانة 20 الف فى اتو ايجيبت ومقابلة الصقور

بسم الله الرحمن الرحيم

تقرير عن صيانة 20 الف كيلو للعزيزة الصنى فى مركز اتو ايجيبت

اولاً احب اشكر كل الى جة سواء لوحدة بدون ترتيب او بناء على الدعوة فى الموضوع دة
http://www.nilemotors.net/Nile/273089-a.html

ثانياً شكر خاص لأحمد تى فى خصوصاً أنه جة على الرغم من شغلة.
دى كانت صيانة 20 الف وانا كنت مقرر اعملها قبل نهاية فبراير علشان استفيد بالعرض الموجود (فلتر مجانى، وتخفيض على المصنعيات وقطع الغيار) وكمان غير لزيت كاسترول، ودة هيكون لية تقرير تانى بعد عمل 5000 كيلو.
بعد ركن العربية والكلام مع المهندس وشرحتلة انى عايز اعمل صيانة 20 الف مع شوية ملاحظات:
1- رجلاش النور العالى علشان بيبقى ضارب فوق زيادة عن اللزوم،
2- نتشة فى الفتيس،
3- حدفة شمال خفيفة.
وكمان كنت عايز اعرف الفرق بين اجهزة الانذار الى موجودة فى التوكيل.
الصيانة خدت 3 ساعات وتم عمل التالى، تغير بوجيهات، فلتر هواء، وزيت، وفلتر، تبديل اماكن الكاوتش وتنظيف الفرامل مع تشحيم وتربيط العفشة، رجلاش الكشافات اتعدل.
انما النتشة والحدفة قالوا مبنتش معاهم وكلة سليم بس انا هعمل زى سجل امتى بيظهروا ونشوفها المرة الى جاية.
- التكلفة 412 جنية بعد التخفيض (498 قبل التخفيض) من غير تكلفة الزيت.
- الانطباع العام، العربية فرقت جامد خصوصاً ان الواحد مغير 3 حاجات ليهم تأثير على اداء العربية بوجيهات وفلتر هواء وزيت، العربية رجعت زيرو.
اما الانذار، النوع الاول صينى بريموت منفصل ولاكن لا يفصل الموتور (حوالى 400 جنية)، والتانى ايطالى بيتبرمج على نفس ريموت العربية وبيفصل موتور (جوالى 1000 جنية).
للأسف انا كنت عايز ميزة فصل الموتور مع ريموت منفصل، ودة علشان انا جايب كيت مفتاح الصنى فلسة هشوف هعمل اية هفكة تانى ولا اركب نوع تانى برة التوكيل، ودى لو حصل حاجة فى الضفيرة هتكون عليا!!!

- المركز المرة دى كان زحمة على غير المعتاد وكمان كان فية اطفال كتير – بما فيهم ابنى طبعاً، وخدلة هدية عربية اكس تريل - عقبالى.

- اقتراح ان احنا نروح اكتر من واحد بتكون حلوة لانها على الاقل بتهون وقت الانتظار وفرصة ان الواحد يشوفكوا لان احياناً اوقات المقابلات مبيكونش فاضى وكمان بتبين مكانة المنتدى قدام المركز.

الانطباع العام جيد والعربية اتغسلت كويس المرة دى
ونشوفكوا فى الصيانة الجاية أن شاء الله.
والسلام ختام