الموضوع: عايز اركب كلاكس صوته حلو وعالي

المشاركة الأصلية كتبت بواسطة l0new0lf

الكلام ده غلط
الكتاوت مبيعليش كهرباء و لو الكلاكس 24 فولت عمره ما هيشتغل على عربيه كهربتها 12 فولت

خااااااااااااالف تعرف
الكلاكس mixo
2 horns
كل horn
12 فولت 12 *2=24 فولت
ده الى الى راكب عندى



مكتوب عليه 12 v مش 6
الفردة الواحدة 12


طريقة التوصيل على كتاوت

المشاركة الأصلية كتبت بواسطة ls1090

خااااااااااااالف تعرف
الكلاكس mixo
2 horns
كل horn
12 فولت 12 *2=24 فولت
ده الى الى راكب عندى


مكتوب عليه 12 v مش 6
الفردة الواحدة 12


طريقة التوصيل على كتاوت

ههههههههههه
اضحكتنا يا بوب
مين اللى قال لحضرتك انها بتتحسب زى ما انت حسبتها؟؟
و واضح من الرسمه ان التوصيل على التوازى
يعنى كل فرده داخل لها 12 فولت (بس انت ماخدتش بالك)
بص فى الرسمه هتلاقى توصيل الفردتين على التوازى و ده معناه ان كل فرده شغاله 12 فولت
يعنى لو فرده فيهم فصلت التانيه هتشتغل
انما لو توالى يبقى الفردتين محتاجين 24 فولت عشان يشتغلوا و لو فرده فيهم فصلت او اتحرقت عمر ما الفرده التانيه هتشتغل الا لما تغير الفرده المحروقه
طيب بسرعه كده نشرح توصيل التوازى و التوالى
فى التوازى, كل فرده من فرد الكلاكس هيدخل لها طرف موجب و طرف سالب او ارضى (زى اللى فى الرسمه فوق) و بما ان الفرده مكتوب عليها 12 فولت و اللى داخل لها 12 فولت فبكده فردة الكلاكس هتشتغل و لو واحده فيهم فصلت التانيه هتفضل شغاله
توصيل التوالى: كل فردة كلاكس فيها طرفين كهربا
هتوصل طرف من فرده فيهم بالموجب
و طرف من الفرده التانيه بالسالب
و طرفين الفردتين اللى مش واصلين بحاجه توصلهم ببعض
ساعتها عمر ما الكلاكس هيشتغل فى عربيتك لان العربيه بتدى 12 فولت و الكلاكس كده محتاج 24 فولت عشان يشتغل ( و هى دى طريقة توصيل كلاكس 12 فولت على عربية 24 فولت زى عربيات النقل)
نيجى للكتاوت relay
الكتاوت عباره عن مفتاح كهربى بيشتغل عن طريق مغناطيس كهربى
لما بتدوس على زرار الكلاكس بتوصل كهربا للمغناطيس الكهربى فبيعمل مجال مغناطيسى و يجذب قطعة حديد فى طرفها نحاس (بتكون واصله للكلاكس) فتلمس قطعه تانيه (بيكون اساسا واصل فيها كهربا) و ساعتها التيار الكهربى يوصل للقطعه الاولى اللى هى واصله للكلاكس فيشتغل الكلاكس
طب ليه اللفه دى؟ لان الكلاكس (او الانوار العاليه او حاجات كتير فى العربيه) بتكون محتاجه امبير عالى (احنا بنتكلم على شدة التيار-الامبير, مش فرق الجهد اللى هو 12 فولت) و لو الامبير العالى ده مر فى مفتاح كهربى عادى بيسخنه و ممكن يسيحه و تحصل مشاكل فى العربيه فبالطريقه دى التيار اللى رايح للكلاكس معدى من الكتاوت مباشرة مش معدى من زرار الكلاكس اللى جوه العربيه