عايز اعمل صيانه الف كيلو ومش عارف مركز خدمه دايو وانا ساكن في العاشر من رمضان
ارجو المساعده وشكرا
ممكن عنوان مركز خدمه كويس ومعتمد وقريب من العاشر
عرض للطباعة
عايز اعمل صيانه الف كيلو ومش عارف مركز خدمه دايو وانا ساكن في العاشر من رمضان
ارجو المساعده وشكرا
ممكن عنوان مركز خدمه كويس ومعتمد وقريب من العاشر
انا ايضا من العاشر من رمضان بس لسة مااستلمتش العربية وربنا يسهل ان شاء الله
انا أعرف ان في مركز في طريق مصر اسماعلية الصحراوي يعني اخرج من العاشر وعدي من تحت الكوبري وادخل شمال كأنك رايح اسمياعلية اسمه مركز الاهرام بس قبل بوابة الكارتة ولا بعدها معرفش
لما تعرف قولي علشان ان شاء الله هو ده المركز اللي هاروحه بعد كده
وكان عندي سؤال لحضرتك انت مشتري العربية منين واستلمت معها الضمان ولا امتى
واخدت ورق ايه علشان ترخص في العاشر
انا اشتريت العربييه من عند معرض شوقي موتورز بجوار مطعم مؤمن واستلمتها فوري والضمان استلمته بعد الترخيص صورت الرخصه واعطيتها للمعرض وتاني يوم كان معي الضمان
اليوم بعد سؤال وتعب صحيت الساعه السادسه صباحا وذهبت الي جسر السويس مركز صيانه ابو غالي وكنت اول واحد وكان هناك مهندس اسمه هاني بيجي المركز من الساعه السابعه ودخلت علي طول يبدا العمل عندهم الساعه الثامنه ونصف والحمد لله عملت الصيانهوغيرت زيت موبيل 1 والفلتر والتكلفه 250 جنيه وانا تحت امرك في اي سؤال
لو انت ركبت جهاز انذار في العربية ياريت تقولى ركبته عند مين في العاشر وهل التوكيل اعترض على تركيبه خارجه ولا لأ وشكرااااااااااااااااااااا ااااااااااااااااااااااااا ااااااااااااا
السلام عليكم يا اهل العاشر
انا كمان ساكن في العاشر
معايا لانوس 2007
انا باعمل صيانة في جسر السويس فعلا واعتقد هو ده اقرب مركز صيانة معتمد
فيه مركز اسمه ابو غالي برضه خلف سوق العبور بس ده مش معتمد
وعلي فكرة فيه مهندس في جسر السويس اسمه هاني عبد المنعم راجل محترم جدا وساكن في العاشر ايضا
انا ركبي انذار بسركبته في الزقازيق
لو عاوز تفاصيل اكتر اقولك عليه
اهلا بيكم جميعا انا سئلت المهندس هاني علي الانظار ووحده الرفع قال لازم تعملهم عند توكيل كلاريون في مدينه نصر عشان كلاريون معتمده عند ابو الفتوح وسئلته لو اركبهم في اي مكان اخر قال لي الضمان ها يضيع ولي سؤال للاخ محمد اسماعيل انت ركبت الانظار فين في الرزقازيق ويا تري التوكيل قال لك ايه بالنسبه للاضمان وكم سعر الانظار ووحده الرفع وشكرا ومنور العاشرمن رمضان
انا اشتريت الانذار والسنتر من عند الحصري في الزقازيق وده يمكن اشهر واحد بتاع قطع غيارواحسنهم اسعارا في الزقازيق وركبتهم عند مؤسسة خالد وده وكيل معتمد لهيونداي
علي فكرة هو تركيبهم مش معضلة.
بالنسبة للسعر علي ما اذكر كان السنتر 90 او 95
والانذار حوالي 160
بس انا معملتش وحدة رفع لاني معنديش زجاج كهربا
بالنسبة للتوكيل
مخصلش حاجة عادي يعني
ولا يمكن علشان العربية الحمد لله محصلش فيها مشكله الأمور ماشية عادي
يمكن لو حصل فيها مشكله يقولو لي انته ركبيت سنتر برا؟؟؟؟؟؟؟؟؟؟؟
بصراحة مش عارف
عموما انا كلها 3 الاف كيلو واخلص الضمان
اولا شكرا علي ردك هو انت عملت كام كيلو بي السياره اصل الضمان ثلاث سنوات او 60 الف كيلو وانت بتقول ان عربيتك موديل 2007 معني كده ان لسه فاضل كتير لك في الضمان
انا عامل النهاردة بالعربيه 57000 كيلو
بس مركب السنتر لما كانت عامله حوالي 35000