+1111111111111111111111111111111111111111
عرض للطباعة
السلام عليكم يا جماعه انا معايا اكس صالون بردو من اول ماستلمتها فيها الحدفه الشمال دي ومش عارف حلولها ايه لحد دلوقت روحت لمركز في اسكندريه قالي الكامبر فيه 1 سم
انا مش خبير عربيات ولا حتى معايا صنى, بس كان عندى نفس المشكلة حدفة يمين (عربيتى عاملة 110 الف) وظبط زوايا اكتر من عشرين مرة وفى الاخر الموضوع اتحل بعد ماغيرت المساعدين الامامى وطلع المساعد اليمين ضايع تماما والشمال كان محمل شوية.
يمكن يكون المساعد هو اللى فية عيب تصنيع.
بردوا انت مفهمتش قصدى يا بسام
انا فاهم كلامك .. وكلامك صح ولو فعلا من الاساس هما شافين ان فى عيب تصنيع .. حيسحبوا العربيات .. ومش حيتكسفوا وحيقولوا ان فى حاجة غلط .. لان العربية بيجربوها على الرامب عندهم .. وعارفين كل الكلام ده كله وسمعوا عنه .. سواء من خلال نايل موتورز او العملاء وشكواهم فى مراكز الخدمة .. وجالهم الكلام ده قبل كدا .. وسمعت ان قالوا لحد ان ده ساسية تصنيع .. والله اعلم كلامهم ده حقيقى ولالا
لان فعلا زى ما انت قولت ان ممكن عيب مش متكرر .. ولو متكرر كانوا الناس كلها اشتكت
لكن انا بقول اننا نجمع عدد .. عشان يعرفوا انه حصل مع بعض الناس واتضرروا مش اكتر .. وان حتى لو مفيش عيب صناعة متكرر عند الناس كلها .. يبقا على الاقل عرفوا ان 100 عربية او 1000 طلعوا فيهم العيب ده .. فيحلوه .. او يخلوا بالهم بعد كدا
وده اللى عايز اوصله ليهم ..
طيب هو موضوع الزرجينة دة
ممكن يتعمل في التوكيل
والله ياعم احمد مش عارف اقولك ايه؟ ..
بصراحة من اول يوم ليك مع الصنى وانت مش مرتاحلها نفسيا وتاعب نفسك عالفاضى والله وحارق دمك واعصابك
نصيحتى اللى تعرف ديته تقتله .. بمعنى قدامك حل من اتنين:
1. تتكيف على العربية بكل عيوبها ومميزاتها وتبعد تفكيرك عن اى حاجة ممكن تضايقك منها
2. تبيعها وتشوف غيرها .. ووقتها هاتبدأ من الاول تانى مع عربية جديدة ومشاكل جديدة وتوكيل جديد وكله جديد فى جديد وانت وحظك بقى يا تصيب يا تخيب
-----------------------------
بالنسبة لوضعى .. زى ما انتوا عارفين انا معايا 2010 ex مانيوال بدون abs وعامل بيها 64000 كم فى سنة ونصف وموضوع الحدفة ده ما انكرش انه موجود فعلا فى الصنى
ولكن .. مش بالصورة الفظيعة اللى قريتها واستنتجتها من مشاركاتكم او يمكن انا اتعودت عليها او مش ظاهرة عندى اوى زيكم كده مع انى كثير السفر بيها ولما باحس فعلا انها حدفة جامدة (غالبا كانت على طريق الاسماعيلية الصحراوى) فباعرف انها بسبب الرياح الجانبية الشديدة وباتأكد منها لو فتحت سنة بسيطة من زجاج الابواب الجانبية سواء كانت يمين او يسار حسب اتجاه الرياح بتخفف من حدة الحدفة
غير كده مفيش .. ظبطة الدركسيون فى النص باعملها مع ظبط الزوايا فى سيفتى سنتر فى الحرفيين
والحدفة بتقل كتير لو حد معاك فى العربية .. يعنى مش سايق لوحدك والعربية فاضية
وانا فى اغلب السفر بيكون معايا مراتى وشنط كمان فى شنطة العربية .. يمكن ده الفارق والله اعلم فى تصحيح زاوية العجلة الامامية يمين
للاسف يا احمد احنا شعب عنده ثقافه احمد ربنا على النعمه اللي معاك بشكل خاطئ
يعني ممكن اللي سايق العربيه يبقى عارف ان فيها عيب ومش فارق معاه او مش حاسس بيه وتلاقيه بيقولك ياعم الكمال لله وحده
بصراحه انا شايف ان ده توظيف خاطئ للالفاظ والمعاني وده ها يخلي من الصعب ان انا اجمع عدد يوصل ل 100 عربيه او 1000 عربيه في وقت واحد هو ده قصدي او تعليقي على الرقم اللي انت بتقوله
لكن المفروض حتى لو 5 او 6 عربيات راحوا مع بعض بنفس العيب دي تخللي التوكيل يحط خط تحت العيب ده ومش شرط انه يسحب العربيات بس على الاقل يبتدي يدور على حل للمشكله