اقتباس:
والله ياعم احمد مش عارف اقولك ايه؟ ..
بصراحة من اول يوم ليك مع الصنى وانت مش مرتاحلها نفسيا وتاعب نفسك عالفاضى والله وحارق دمك واعصابك
نصيحتى اللى تعرف ديته تقتله .. بمعنى قدامك حل من اتنين:
1. تتكيف على العربية بكل عيوبها ومميزاتها وتبعد تفكيرك عن اى حاجة ممكن تضايقك منها
2. تبيعها وتشوف غيرها .. ووقتها هاتبدأ من الاول تانى مع عربية جديدة ومشاكل جديدة وتوكيل جديد وكله جديد فى جديد وانت وحظك بقى يا تصيب يا تخيب
-----------------------------
بالنسبة لوضعى .. زى ما انتوا عارفين انا معايا 2010 ex مانيوال بدون abs وعامل بيها 64000 كم فى سنة ونصف وموضوع الحدفة ده ما انكرش انه موجود فعلا فى الصنى
ولكن .. مش بالصورة الفظيعة اللى قريتها واستنتجتها من مشاركاتكم او يمكن انا اتعودت عليها او مش ظاهرة عندى اوى زيكم كده مع انى كثير السفر بيها ولما باحس فعلا انها حدفة جامدة (غالبا كانت على طريق الاسماعيلية الصحراوى) فباعرف انها بسبب الرياح الجانبية الشديدة وباتأكد منها لو فتحت سنة بسيطة من زجاج الابواب الجانبية سواء كانت يمين او يسار حسب اتجاه الرياح بتخفف من حدة الحدفة
غير كده مفيش .. ظبطة الدركسيون فى النص باعملها مع ظبط الزوايا فى سيفتى سنتر فى الحرفيين
والحدفة بتقل كتير لو حد معاك فى العربية .. يعنى مش سايق لوحدك والعربية فاضية
وانا فى اغلب السفر بيكون معايا مراتى وشنط كمان فى شنطة العربية .. يمكن ده الفارق والله اعلم فى تصحيح زاوية العجلة الامامية يمين
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:اقتباس:
تأكيد يا كلامك يا حسين ..
اخر مرة لما ظبطت زوايا فى الحرفيين عند سيفتى سنتر بعد صيانة ال60.000 كم
الاسطى الكبير ماكانش فاضى فاللى ظبطلى ع الجهاز واحد تانى غير كل مرة
لقيته بعد ما ظبط وقفل ما يفك رايح يوشوش الاسطى ويقوله لسه فيه انحراف فى العجلة الامامية يمين وقرايتها مش مطابقة للشمال
وبعدين قاله اه كل الصنى كده .. وراح قايس بقبضة يده المسافة بين الكاوتش وحرف الرفرف الامامى لقاه اكبر فى اليمين عن الشمال
وعشان يثبتله بالفعل مش بالكلام بس
راح ضاغط على يمين كبوت العربية بايده لتحت .. قراية الجهاز فى الناحيتين اتظبطت بالمللى لأن الارتفاع وزاوية فتح العجلات اتساوت
الخلاصة .. اللى متضايق اوى من الموضوع ده يشترى شيكارة اسمنت 50 كجم ويحطها فى ارضية دواسة الكرسى الامامى بجوار السائق عشان العربية تتزبط :36_1_1[1]: