انا فتحت فعلا ال BIOS بس لقيت معرف كارت الفيجا عادى لكن معرفش المفروض ادور على التلفزيون ازاى
وشكرا للاهتمام يا باشا
عرض للطباعة
بالنسبه للعرض على التليفزيون المفروض اللاب توب مش يحس باى هارد وير اتوصل
عشان دى مجرد سجنال بتخرج من الاب توب لاى جهاز يعرض صوت وصوره حتى لو كاميرا
يعنى ما تدورش كتير على جهاز اتوصل وباللابتوب ولا لأ
احنا المفروض ندور ازاى نخلى الاب توب يطلع السجنال على البورت ال 7 pins
عندك زرار الوظائف "Fn" بيعمل وظائف مختلفه على حسب الزرار اللى هتغط عليه وانت ظاغت على مفتاح الوظائف معا
شوف فى الكتالوج معلومات عن الزرار ده يمكن تلاقى واحد بيطلع السجنال على البورت اللى احنا عايزينه
ثانيا لو حست باى تغير فى التليفزيون يبقى كده التليفزيون لاقت حاجة بس مش عارف يعرضها
جرب قنوات الفيديو اللى عندك ولو ملاقتش حاجة جرب اعمل بحث عادى اكنك بتدور على قناة تلفيزيونيه عادية
وقولى اخر الاخبار :)
شوف يا محمد مشكلتك بسيطة وانا فاهمها وبعملها كتير بس مش عارف اشرحهالك
بس ركز معايا
انت وصلاتك كلها سليمة وحطيت الكابل بتاع السوبر فيديو في الاب توب وغالبا هايكون 7 بن
وحطيت الطرف التاني في التليفزيون
ومالناش دعوة بالصوت دي سهلة خلينا في الصورة الاول
هاتعمل كليك يمين على الديسك توب بتاعك وتختار بروبرتيز وبعدين هاتروح لقايمة سيتنجز
لما تظهر شاشة السيتجز هاتلاقي في خيارين بتاع مونيتور 1 ومونيتور 2 وهالاتقي الجهز واقف على مونيتور 1
اختار انت بقي مونيتور 2
وعلم على الاختيار التاني اللي هو
extend my windows desktop onto this monitor
لما تعلم عليك هاتلاقي الاختيار الاول بقي اكتيف والاختيار الاول ده بتاع انه يخلي شاشة التليفزيون هيا شاشة العرض الاساسية
ماتعلمش على اول اختيار علم على التاني بس
وهادوس اوك طبعا
دلوقتي هو حس ان انت عندك شاشة عرض اضافية بس في بعض الاجهزة ما بتحسش بكدة الا لما تعمل ريستارت
اعمل ريستارت للجهاز
شغل فيلم باي ميديا بلاير
امسك شاشة العرض بتاعت الفيلم بالماوس كانك بتوديها في اي حتة وطبعا مش هاتكون في وضع فول سكرين
اسحب الميدا بلاير بالفيلم للجزء اليمين من شاشة الكمبيوتر وارمية جوة هاتلاقية بداء يظهر على شاشة التليفزيون
كدة بقي موجود الفيلم على التليفزيون اديله (الت+ انتر) عشان يبقي فول سكرين وتتفرج براحتك
الكلام ده سواء الجهاز لاب توب او بي سي عادي وفيه خرج تليفزيون او سوبر فيديو
وصلة الاوديو طبعا سهلة من وصلة اوديو في الكمبيوتر للي زيها في التي في
لو حسيت اني كلامي مش مفهوم او في خطوة ناقصاك كلمني على تليفوني وهارد عليك ان شاء الله واشرحهالك
0101263030
كريم منير
طبعا ما تنساش ان انت عندك 3 قناوت اوديو فيديو
رقم 1 و 3 بيبقوا غالبا ورا
ورقم 2 بتبقي بتاعت قدام اللي جنب زراير التليفزيون
لازم تتنقل بينهم عشان تعرف الصورة خرجت فين
وقولي نوع التليفزيون او موديلة عشان افيدك اكتر
التصنيف ده في اغلبية التليفزيونات الياباني
ماهو يا محمد حسب تكنيكال الاوت بتاع الفيجا اذا كان 4 ولا 7 و 9 بن
يص بقى الكلام اللي من الأخر لان انا كان عندي نغس المشكلة دي ... انا معايا لاب توب ايسر نفس مواصفات اللي معاك وجبت الوصلة زي اللي انت جبتها وعملت كل اللي ممكن تتخبله وفي الاخر برضه لم تعمل ورجعتها للمحل ودخلت فيه شمال وقلتله حرام عليك الوصلة بايظه ودوختني معاك راح مغيرها لي بواحدة تانيه جديدة ... لكن برضه مفيش فايدة ... فعرفت ان الوصلة سليمة لكن المشكلة في نوع الوصلة ... اشتريت وصله S Video بدوووون صوت (هام جدا ... بدون صوت ... يعني صوره فقط) الغريب انها اغلي من اللي زيها اللي بالصوت والصورة ... وفغلا اشتغلت زي الفل وبعدين وصل الصوت بأي وصلة صوت أخرى ... جرب واعي لي
ملحوظه: وصل توصيلاتك والاب توب مطفي ... ثم ولع التلفزيون ... ثم ولع الاب توب اخر حاجه