النهاردة إن شاء الله اول حاجة حعملها بعد صلاة الجمعة حشترى الوصلة الفيديو بس ويارب يحصل معايا زى ماحصل معاك وحقولك يا باشا على النتيجة إن شاء الله
عرض للطباعة
عزيزي
فقط للتوضيح
وصلة S-VIDEO ليس بها اي نوع من توصيلات الصوت
هي فيديو فقط ، ويتم توصيل الصوت بأي طريقة اخري معها
ودي صورة للنوعين من مخارج S-VIDEO
http://www.postimage.org/aV2vbMUS.jpg
http://www.postimage.org/aV2vbRU9.jpg
Pin Signal
1 Ground
2 Ground
3 Luminance
4 Chrominance
5 -
6 Composite Video
7 Ground
عزبزي boty50
السوق فيه نوع من الوصلات ال S video
1- نوع اللي تأخذ من ناحية S video والخارج بتاعها Video + Audio (sterio (ودي اللي بتشتغل على اجهزة ال DVD والتلفزيون )
2- وفيه نوع تاني بيتباع ويكون طرف S video والخارج بتاعه الناحيه الاخري فيديو فقط (ودي اللي بتشتغل على الكمبيونر والتلفزيون)
صدقنى ده اللي موجود في السوق وده اللي كان مجنني في الأول لاني كنت فاكر زيك كده في الاول
هذا الكلام صح 100 % لان الوصلة اللى فى الصورة و التى عرضها صاحب المشكلة لا تتوافق مع الايسر و يجب ان تشترى وصلة s-video بخروج صورة فقط و ليس صوت و صورة معا و بعد ذلك تأخذ الصوت بكابل منفصل من مخرج الصوت بالكمبيوتر و بعد ما توصل كل توصيلاتك صح قبل البحث فى التليفزيون على صورة الكمبيوتر يجب عمل ريستارت اولا للجهاز علشان خرج الصورة يصبح اكتيف و نشط و الكنفرتال المطلوب هو من s-vido to av فقط بدون صورة و ستجده فى كثير من مولات الكمبيوتر او راديوشاك و هو متوافق تماما مع الايسر و انصحك تجيبه من راديو شاك لان النوع الموجود عندهم بيشتغل مع كثير من انواع اللاب توب
على فكرة يا باشا الموضوع ممكن يكون أسهل من كده بكتير ...
جرب اضغط كليك يمين على أي مكان فاضي في الـ Desktop هتلاقي فيه اختيار خاص بكارت الشاشة ... افتح القايمة بتاعته هتلاقي "إخراج إلى" وفيه 3 اختيارات
لاب توب + شاشة
شاشة + لاب توب
شاشة
اختار الاختيار الأول ..
ودي نفس الحركة بتاعة Fn + F4 الي موجودة في الأجهزة الـ HP
شكرا لكل زميل شارك معايا فى حل المشكلة شكرا ل
karim monir
اللى جاب الناهية فعلا الاخ sherif anton
matrixawy
boty50
mimysheckles
Hero
واسف يا جماعة سامحونى لو كنت نسيت حد مقولتوش طبعا كل الزملاء اللى شاركوا او قراءوا الموضوع على راسى من فوق شكرا جدا
انا فعلا عملت كلى اللى قالهولى الزملاء بس الحل لقيتة اخيرا مع الاخ الفاضل sherif anton و طبعا مساعدة الكبير بتاعنا البشمهندس Karim monir
جبت وصلة الفيديو بس واشتغلت على فكرة انا جبتها ب 20 جنية بس الصورة كان فيها شوية خطوط فرجعتها وجبت الوصلة من راديو شاك ب 65 جنية ولقيت وصلة الصوت عندهم ب 40 جنية الصراحة الصوت ميهمنيش اوى زى الصورة روحت جايب وصلة الصوت ب 3 جنية من مولات الكومبيوتر واشتغلت تمام والحياة بيييييس دلوقتى يا بشر الله ينور عليكم
الف مبروك يا باشا
وكلنا فعلا استفدنا من بعض
شكرا للجميع