ممكن اسماء وأماكن محطات البنزين اللي بيكشفوا علي العربيات ضروري

**R A N A** · 03-06-2008 12:30 AM

ياجماعة معلش انا هاتعبكوا معايا ياريت بس حد يقولي علي اسم بنزينة كويسة يعرفها وجربها قبل كده في موضوع الكشف عن السيارات لإني عايزة اشتري عربية مستعملة ومحتاجة اكشف عليها كويس قبل ماشتريها.
اصلي سألت في موبيل اللي في شيراتون قالولي بيكشفوا علي كل حاجة ماعدا الموتور بياخدوا 25 جنيه وروحت واحد تانية برده في الشيراتون ليها مطلع عالي كده بيدخل علي الاتوستراد اسمها تقريبا كالتكس بس مش متأكده من الاسم قالوا نفس الكلام كله ماعدا الموتور ليه لإن ماكينة كبس الموتور مش شغالة عندهم وبياخدوا 35 جنيه.
وروحت البنزينة الكبيرة اللي جنب سينما روكسي العامل اللي هناك قالي بكشفلك علي كل حاجة بس عملي مش كمبيوتر وبياخد 80 جنيه.
انا سمعت ان في محطات بنزين بتكشف علي كل شئ في العربية بالكمبيوتر ويطلعلي تقرير كامل عنها وحالة المتور كام % وكده.
لو حد يعرف فعلا بنزينة لسة بتكشف بالنظام ده وتكون كويسة فعلا قولولي فين ولو تعرفوا بياخدوا كام يبقي كتر خيركوا برده.

**مواطن مصرى** · 03-06-2008 12:33 AM

ممكن تجرب فى واحده من دول حسب قربهم لحضرتك

بنزينه شيل فى ش الهرم على اليمين بعد نفق الهرم بخمسه كيلو

بنزينه كالتكس فى ش الملك فيصل محطه الاريزونا

بنزينه شيل بجوار نادى السكه الحديد فى اول مدينه نصر على الاوتوستراد

**R A N A** · 04-06-2008 09:06 AM

متشكرة اوي لرد حضرتك واهتمامك
هي اقرب واحدة ليا هي شيل اللي عند نادي السكة انا لسة هاروح أسأل فيها بس لو حضرتك عندك اي معلومات عنها يعني مواعيد الكشف علي العربية إمتي وبياخدوا كام وهل فعلا هما كويسين فعلا واحسن من اني اخلي ميكانيكي يبص عليها ولا إيه؟

ياريت ياجماعة الناس التانية برده لو عندها اراء أو اقتراحات تتفضل :arghh:

**أبومعاذ** · 04-06-2008 09:38 AM

المشاركة الأصلية كتبت بواسطة مواطن مصرى

بنزينه شيل فى ش الهرم على اليمين بعد نفق الهرم بخمسه كيلو

البنزينة دي ممتازة فيها فني ربنا يكرمه بيجيب كل حاجة في العربية من الالف للياء انا اقترح ان حضرتك لو تقدري تروحيها متتردديش

**أبومعاذ** · 04-06-2008 11:53 AM

شارع زاكر حسين فيه بنزينة وطنية ممتازة

**أبومعاذ** · 04-06-2008 12:34 PM

المشاركة الأصلية كتبت بواسطة محمدعيسى

شارع زاكر حسين فيه بنزينة وطنية ممتازة

ممكن حضرتك تحددي المنطقة بالظبط و انا لو عارف هناك بنزينة اقولك
بالنسبة لشارع ذاكر حسين دا الشارع اللي فيه سوق السيارات في مدينة نصر

**R A N A** · 05-06-2008 04:03 PM

المشاركة الأصلية كتبت بواسطة Nistelrooy

بنزينة شيل الي في شارع الهرم فين بالظبط بعد النفق الي عند المريوطية وانتا رايح مشعل ولا وانتا رايح الجيزة ؟

هي وانت رايح مشعل جنب بيتزا كينج اللي واخد دورين في شارع الهرم
هي مقسومة جزئين واحدة يمين وواحدة شمال (بنزينة شيل)
الكلام ده قالهولي واحد زميلي ساكن في الجيزة