الموضوع: محتار بين اللوجان 2012 والصنى

المشاركة الأصلية كتبت بواسطة M_SALLAM

زى م الأعضاء ذكرا طبعا دى فئة و دى فئة تانية خالص بس ................................ اللى يشترى صنى لأن بقى شكلها قديم اوى و كمليات على قدها و تقفيل مصرى انا رأيى لو معاك فلوس الصنى هاتلك اوبترا افضل .
و بخصوص اللوجان الأوتو فأنا لسة مركبتهاش علشان احكم عليها .

ما هو علشان اللي اشتروا الصني مش قليلين في العقل (لامؤاخذة) وفاهمين السوق وواخدين قدام كل قرش حقهم ... كان زمانهم اشتروا اوبترا.... ليه بقي علشان الكلام اللي جاي ده كله وقابل وقعد :))

1- عربية اوتوماتيك ب104000 الف جنيه فيها ايه (الاوبترا)
ماتور وفتيس اوتو وازاز كهربا وكاسيت وشكرا .......... صح ولا انا غلطان ؟؟

الصني ب102000 جنيه فيها ايه ؟؟؟ (بدون التطرق للماتور والفتيس والعفشة الياباني خدمة شاقة و قطع الغيار والصــــــاج)
1- 2 ايرباج
2- ABS , EBD
3- جنووط المونيوم ياباني ( 10000) جنيه لوحدهم في التوكيل
4- ابانوس في الابواب والتابلوه
5- كاسيت 6 اسطوانات + ريموت
6- مخادع خلفية للكنبة
7- جلد طبيعي للدريكسيون و الفتيس
8-وحدة اضاءه امامية + جراب نضارة
9- عمود اتزان في العفشة (مش فاكر امامي ولا خلفي)
10- مسند في الكنبة الخلفية

2- حضرتك بتقول شكل قديم ....... وهي الاوبترا اللي (دايو لاسيتي - شيفروليه اوبترا - سوزوكي فرونزا - بويك excelle ) واول انتاجها اللي هو في سنة 2002
Daewoo Lacetti - Wikipedia, the free encyclopedia
ده يعتبر حديث ؟؟

3- والتقفيل المصري مع احترامي لاي حد ........ اللي ركب الصني ولقي مشاكل في التقفيل المصري ... يقول تقفيل مصري ... غير كده ياريت يبقي نقل التجربة بصدق

جت فترة ومشكله في موضوع الضفيرة وبتتغير في اول زيارة للتوكيل لو عيب ضفيرة
زي ما جت فتة للاوبترا 2006 وكانت كلها مشاكل في علبة الدريكسيون .... واعتقد التوكيل قالهم بخ .

5- واخيرا التوكيل .................... نيسان زي منصور ؟؟؟
انا هاسيب لحضرتك الرد !!!

المشاركة الأصلية كتبت بواسطة mody3on

الصني مش العربية تانية خالص ولا حاجة .. تقفيل ميفرقش كتير واستهلاك وحش وشكل وحش وكنبة ضيقة وكماليات مش كتير وتابلوه قديم .. اللوجان قيمتها مقابل سعرها افضل .. ممكن لو هتجيب صني يبقى اكسنت rb احسن .. او اوبترا .. غير كده وفر فلوسك وهات اللوجان الاوتو

نفس المشاركة وضم عليها الRB

استهلاك البنزين لو حضرتك معاك الصني اصدقك ......... سمعت ديه حاجة تانية