عايز ميكانيكي كويس

**ziours** · 03-06-2008 01:07 AM

ياجماعة حد يعرف ميكانيكي كويس قي الزقازيق ويكون متخصص فيات 132 لان العربية جننتني من السخونية الزياده ورحت لكذا ميكانيكي ماشاء الله عليهم مايفهموش في البطيخ بس مصاريف على الفاضي
شكرا

**Xpert** · 03-06-2008 08:24 PM

فك الردياتير و اغسله او غيره عند الضروره - راجع علي الثرموستات و اضبط كهرباء و تاكيهات ... و ظبط المكنه شويه ... المكنه مافهاش المستحيل و اي حد بيفهم فيها .. بس ظبطها كويس ... و راجع علي المروحه..
لو لسه بتسخن بقي بعد كل ده .. انصحك ساعتها تشوف واحد متخصص ...

**ziours** · 04-06-2008 01:05 AM

شكرا على اهتمامك كل ده عملتوا ولللاسف مافيش فايدة
اما اخر تفانين البشمهندزين الميكانيكية انا رحت لواحد قالي جوان وش السلندر عايز يتغير لانه مقرمش
في حين لواحد تاني قالي سيبك من الكلام ده لو جوان وش السلندر يبقى الميه لازم تنط من الرداتير
مش عارف اعمل ايه خلاص انا زهقت وارفت من العربية دي

**Xpert** · 04-06-2008 10:20 AM

انت عمرت قبل كده و قشطت من وش السلندر حاجه ؟

**أبومعاذ** · 04-06-2008 10:29 AM

المشاركة الأصلية كتبت بواسطة ziours

في حين لواحد تاني قالي سيبك من الكلام ده لو جوان وش السلندر يبقى الميه لازم تنط من الرداتير

الكلام دا مظبوط -العربية لما بيبقى فيها جوان لما تفتح الريداتير و تدوس بنزين تلاقي الميه نطت برا

**ziours** · 05-06-2008 02:22 AM

معلش احب اضيف حاجة لاحظتها و انا ماشي على الطريق الصحراوي لاقت السخونية داخلة جوة الصالون جامده لاتطاق والحراره مش عايزه تنزل عن 90 فنزلت و جست العجل الامامي لاقتوا مولع نار هل ممكن تكون من الفرامل الامامية وللعلم ان العربية خفيفة يعني مفيش عجل قافش
شكرا واسف على الاطالة

**Xpert** · 05-06-2008 02:53 PM

هوه لو قشطت من وش السلندر بيسخن العربيه علشان الكومبريشن بيزيد...و دي يسبب سخونه ...
مش عارف اقولك ايه بس العربيه عايزه معاينه فعليه و تحط جميع الاحتماليات اللي تسخنها و ايه اللي انت عملته فيها ...

**ziours** · 06-06-2008 01:58 PM

شكرا لردكم جميعا
انا رحت لميكانيكي تاني قالي تغير طنبوره طرمبة المية فكنت عايز اعرف كلامه صح و لا؟
شكرا

**Xpert** · 06-06-2008 08:07 PM

علي اساس انه هايركب بكره اكبر يعني ؟ ممكن تجرب .. المشكله ان انت بتحاول تخمن العيب فين ... جرب و يمكن تنفع ... و ممكن تطلع الطلميه نفسها شغاله بس ضعيفه .. و ممكن الردياتير برضه يكون مسدود او تعبان .. الحر بيجي بقي و يبين البلاوي دي ...