إيه أكتر مسافة سقتها في يوم واحد؟

بالتعاون مع حازم باشا خضر نفتح خذا الموضوع :)
إيه أكتر مسافة حد ساقها في يوم واحد؟ و يا ريت الإخوة يقولوا على المسافات اللي غتقطعت مرة واحدة One Shot يعني و بدون راحة في النص؟
أنا عن نفسي أكثر مسافة One Shot كانت من القاهرة لمرسى مطروح (أنا وقفت أحط بنزين عند مارينا بس ما ريحتش يعني)
أكثر مشوار ونا مش سايق كان من بني غازي لطرابلس في ليبيا حوالي 900 أو 1000كيلو و السواق كان رازع المسافة كلها على سرعة 170

في بقى مشاوير في الصحرا تبع الشغل هي قليلة بس المشوار من دول بهدلة بجد و بالمناسبة أنا خدت مشاوير من دي بالشيروكي و باللاند كروزر مش عايز أقولوكو الفرق الرهيب في الراحة لصالح اللاند كروزر.

شرم -القاهرة-طنطا - بورسعيد "كان يوم مطلعتلوش شمس"

بالنسبة لي كان يوم من الذكريات السيئة جدا
وهو شهر أغسطس عام 1990 أيام غزو الكويت
وسفري عن طريق البر والمزارع الي السعودية
وقطعت السعودية بالعرض من الشرق للغرب
حوالي مايزيد علي 1000 كيلومتر بدون نوم
ودخل الليل عليا وكنت بنام فعلا والعربية
كانت بتروح يمين وشمال

الحمد للة ربنا ستر لحد ماوصلت جدة وشحنت
العربية ونزلت السويس.

اقتباس:

---

المشاركة الأصلية كتبت بواسطة boty50

بالنسبة لي كان يوم من الذكريات السيئة جدا
وهو شهر أغسطس عام 1990 أيام غزو الكويت
وسفري عن طريق البر والمزارع الي السعودية
وقطعت السعودية بالعرض من الشرق للغرب
حوالي مايزيد علي 1000 كيلومتر بدون نوم
ودخل الليل عليا وكنت بنام فعلا والعربية
كانت بتروح يمين وشمال

الحمد للة ربنا ستر لحد ماوصلت جدة وشحنت
العربية ونزلت السويس.

---

يا خبر دا إنت كدة تاخد المركز الأول بجدارة لحد دلوقتي... الحمد لله ربنا عدا الأيام دي.

اسكندرية شرم
حوالي 750 كم

750 كم الاسكندرية الاسماعيلية رايح جاى

القاهرة - الغردقة حوالى 500 كيلو.
:)
و اكتر مسافة لكن مكنتش سايق حوالى 1000 كيلو فى ليبيا من طرابلس الى منطقة اسمها اوبارى بعد سبها جنوب غرب ليبيا, ثم حوالى 150 كيلو فى الصحرا بعربية 4*4.

اكثر مسافة كانت من الرياض لمكة بقف امون بنزين بس حوالي 900 كيلو ومنها روحت عملت العمرة في ساعتين وطلعت روحت المدينة حوالي 400 كيلو كمان صليت المغرب والعشا ورجعت تاني الرياض وده مله فعلا بدون نووووووووووووووووم لدرجة ان صاحبي كان بيرقصلي في العربية عشان افوق

اكتر مسافه بدون راحه كانت من من طابا لدمياط ودي باعملها مره كل شهر تقريبا حوالي 750 كم
لكن في يوم واحد كانت طابا القاهره والعوده 1100 تقريبا بس كان وراي ورق لازم يخلص في الفاهره يعني قضتها لف في القاهره برده

أطول مسافة بالنسبة لي في يوم واحد و شوت واحد كانت من الزيتون - حلوان-شيراتون- بورسعيد- والعودة بورسعيد- شيراتون- حلوان- الزيتون كانت حوالي 500 كم أو 550 كم و من الساعة 7.00 صباحاً وحتي 3.00 فجراً تجربة مرهقة جداً جداً بدون راحة أو نوم.

900 كيلومتر فى يوم واحد

بسيارة فيات 126 !!!!!!!!!!!!!!!!

اه والله العظيم

ههههههههههه
يا استاذ خالد انت مش محتاج حلفان...اذا كنت قلت ان فيه ناس راحت السعودية ب 127 و رجعوا ...يبقى اكيد ممكن 126 ممكن تعمل المسافة ديه :)
بالنسبالي كانت 800 كيلو...اكتر مسافة عملتها ..

المنصورة - طنطا - القاهرة - طنطا - المنصورة
و لفيت جوا طنطا و القاهرة ساعة مثلا
ببولو 1000 سي سي بدون ما المحرك يتبطل و بالتكييف

بس نمت لتاني يوم لما رجعت

اطول مشوار لم يتعد القاهرة الاسكندرية والعودة
اما "اصعب" مشوار فكان فى الاجازة الماضية فى مصر: المطرية - العاشر - العبور - الجيزة - التحرير - شارع عبد العزيز - المطرية

حوالي مايقرب من 1100 كم في يوم واحد ...
من القاهره للأسكندريه-من الأسكندريه الى العاشر من رمضان-من العاشر من رمضان الى مدينه نصر-ومن مدينه نصر الى الأسكندريه-ومن الأسكندريه الى القاهره(السرير) نمت يومين..
كانت بسياره رينو كليو

انا اكتر مسافة عملتها من المعادي لمارينا من غير راحة خالص فى النص ! بس بالنسبة للتجاربكو انتو انا بفكر اروح العب بعيد :oops:

يوم 29 أبريل اللي فات... اتحركت من القاهرة الصبح, رحت سانت كاترين قضيت الوقت مع جماعة بدو لحد باليل طلعت الجبل لحد القمة بعدين نزلت من الجبل تاني يوم الصبح بعدين سقت لحد دهب وصلت هناك عالضهر....(من غير نوم لحظة واحدة)

تاني يوم من دهب للقاهرة one shot .. اجمالي الرحلة 1257 كيلومتر ... العربية فولكس بوينتر 1600cc

اطول مشوارين
الاول : من طرابلس ليبيا الى الاسكندرية, على شوطين
من طرابلس الى البيضا حوالى 1200 كم ثم المبيت وغيار الزيت ( كنا بنغير الزيت ايامها كل 1000 كم ) ثم من البيضا الى الاسكندرية حوالى 1000 كم
عملتها مرتين ذهاب و مرتين اياب بسيارة فيات 1300 سنة 1972

الثانى : من الاسكندرية الى شرم الشيخ عن طريق الطور ثم العودة من طابا الى الاسكندرية من الطريق الاوسط مرورا ب نخل
بسيارة بيجو 305 سنة 1987

اقتباس:

---

المشاركة الأصلية كتبت بواسطة sammor_28

حوالي مايقرب من 1100 كم في يوم واحد ...
من القاهره للأسكندريه-من الأسكندريه الى العاشر من رمضان-من العاشر من رمضان الى مدينه نصر-ومن مدينه نصر الى الأسكندريه-ومن الأسكندريه الى القاهره(السرير) نمت يومين..
كانت بسياره رينو كليو

---

اوووووووف دانت بطل :)

الف شكر يا احمد باشا علي الموضوع و معذره اني جيت متاخر:)


ابو ظبي دبي و من دبي لابوظبي و من ابوظبي للعين و من العين لابو ظبي
بمسافه حوالي 800 كيلو و في يوم واحد و مشوار متعه الصراحه.
..............
المحله .اسكندريه .و من اسكندريه للقاهره صحراوي
و من القاهره للمحله في نفس اليوم حوالي 750 كيلو من 7 الصبح ل 2 بلليل و بالسويفت.
...............
المحله الي الطور في جنوب سيناء بمسافه 500 كيلو بدون توقف
و قي الرجوع سوقت مسافه 300 كيلو.

اقتباس:

---

حوالي مايقرب من 1100 كم في يوم واحد ...
من القاهره للأسكندريه-من الأسكندريه الى العاشر من رمضان-من العاشر من رمضان الى مدينه نصر-ومن مدينه نصر الى الأسكندريه-ومن الأسكندريه الى القاهره(السرير) نمت يومين..
كانت بسياره رينو كليو

---

ياعم دانا كنت بنهج وانا بقرا بس ربنا يكون فى عونك

اقتباس:

---

المشاركة الأصلية كتبت بواسطة hazem_khidr

الف شكر يا احمد باشا علي الموضوع و معذره اني جيت متاخر:)


ابو ظبي دبي و من دبي لابوظبي و من ابوظبي للعين و من العين لابو ظبي
بمسافه حوالي 800 كيلو و في يوم واحد و مشوار متعه الصراحه.
..............
المحله .اسكندريه .و من اسكندريه للقاهره صحراوي
و من القاهره للمحله في نفس اليوم حوالي 750 كيلو من 7 الصبح ل 2 بلليل و بالسويفت.
...............
المحله الي الطور في جنوب سيناء بمسافه 500 كيلو بدون توقف
و قي الرجوع سوقت مسافه 300 كيلو.

---

العفو مسيو حازم ...
على فكرة طريق أبوظبي دبي دا أنا ركبت فيه مع واحد مرسيدس C200 كمبريسور طول الطريق كان سايق على 220 كان بيهدي بس عند أماكن الرادارات و طبعاً إنت عارف إن الرادارات عل الطريق ده اماكنها معروفة. تلاقي الناس طايرة طول الطريق و مرة واحدة كله يهدي و هكذا.

اقتباس:

---

المشاركة الأصلية كتبت بواسطة sammor_28

حوالي مايقرب من 1100 كم في يوم واحد ...
من القاهره للأسكندريه-من الأسكندريه الى العاشر من رمضان-من العاشر من رمضان الى مدينه نصر-ومن مدينه نصر الى الأسكندريه-ومن الأسكندريه الى القاهره(السرير) نمت يومين..
كانت بسياره رينو كليو

---

انا تعبت و عايز أنام بس من قراية الإفترا الي إنت عملته. :)

حوالي 500 كيلو و كانوا كلهم يعتبروا داخل البلد
كانت حالة وفاة و كنت رايح جي علي 6 اكتوبر حوالي 7 مرات
بعد كدة الفيوم رايح جاي

شرم القاهره شرم في يوم واحد بعربيه تويوتا دبل كابينه 2004 بنزين مش جازي وتكيف بدون راحه مش اكتر من نص ساعه قعدتها في الشركه في القاهره ونمت من 7 باليل الي تاني يوم الساعه 10 صباحا

اقتباس:

---

العفو مسيو حازم ...
على فكرة طريق أبوظبي دبي دا أنا ركبت فيه مع واحد مرسيدس C200 كمبريسور طول الطريق كان سايق على 220 كان بيهدي بس عند أماكن الرادارات و طبعاً إنت عارف إن الرادارات عل الطريق ده اماكنها معروفة. تلاقي الناس طايرة طول الطريق و مرة واحدة كله يهدي و هكذا.

---

اكيد يا باشا هما 7 كاميرات علي الطريق و كنا عارفين اماكنهم.
انا وصلت علي الطريق دا ل 235 كم /س !!!!!!!

أنا طلعت من مسقط إلي المدينة المنورة مسافة 2400 كيلو علي ما أذكر وسافرت بعد صلاة الفجر ووصلت عصر اليوم الثالث مع وقوف 4 ساعات في حدود السعودية - الإمارات و 4 ساعات داخل السعودية و طبعا ذهبت إلي مكة بعد ذلك ثم رجعت إلي مسقط بعد الحج و كان المشوار كله 5300 كيلو و لكن كان ممتع جدا و كنا 4 سيارات و هذا عام 1998 و كان معايا عربيةمازدا 626 موديل 1991 و 2000cc , و الغريب إن المشوار كله كلفني 35 ريال عماني بنزين أي حوالي بسعر الصرف عام 1998 كان حوالي 319 جنية أم لمدة يوم واحد أنا سافرت مسقط صلالة و المسافة 1000 كيلو و هذا لعدة مرات قد تزيد عن 10 مرات في خلال 15 عام الماضية

٦٠٠ كم من تورنتو لمونتريال بعربية بي تي كروزر قسمتلي ضهري...لو حعملها تاني حختار عربية أحسن :)

يبقى أنا أكسب و البرنامج كان كالتالي والله من غير هجص:

الساعة 3 صباحا التحرك من الغردقة الي القاهرة 520 كم ( طريق القطامية القديم ) وصول القاهرة الساعة 8 صباحا ثم العودة دايركت على الغردقة بعد ما واحدة صاحبتي ووصول الغردقة الساعه 2 و الغداء في الغردقة في فلفلة و الذي منه.:oops:
و بعدين التحرك من الغردقة الساعة4 ووصول القاهرة الساعة 10 مساء ثم العودة فورا عشان العربية كانت متأجرة ووصول الغردقة الساعة 3 صبحا و تسليم السيارة.:3gears:

يعني المسافة في 24 ساعة حوالي 2100 كم ......:superman:

طبعا الكلام ده أيام الشقاوة:chris: من 6 سنين بس الحمد لله الواحد تاب:scooter:

اقتباس:

---

المشاركة الأصلية كتبت بواسطة akram2025

يبقى أنا أكسب و البرنامج كان كالتالي والله من غير هجص:

الساعة 3 صباحا التحرك من الغردقة الي القاهرة 520 كم ( طريق القطامية القديم ) وصول القاهرة الساعة 8 صباحا ثم العودة دايركت على الغردقة بعد ما واحدة صاحبتي ووصول الغردقة الساعه 2 و الغداء في الغردقة في فلفلة و الذي منه.:oops:
و بعدين التحرك من الغردقة الساعة4 ووصول القاهرة الساعة 10 مساء ثم العودة فورا عشان العربية كانت متأجرة ووصول الغردقة الساعة 3 صبحا و تسليم السيارة.:3gears:

يعني المسافة في 24 ساعة حوالي 2100 كم ......:superman:

طبعا الكلام ده أيام الشقاوة:chris: من 6 سنين بس الحمد لله الواحد تاب:scooter:

---

طب الحمد لله ان ربنا سلم طريقك :hat:

اقتباس:

---

المشاركة الأصلية كتبت بواسطة akram2025

يبقى أنا أكسب و البرنامج كان كالتالي والله من غير هجص:

الساعة 3 صباحا التحرك من الغردقة الي القاهرة 520 كم ( طريق القطامية القديم ) وصول القاهرة الساعة 8 صباحا ثم العودة دايركت على الغردقة بعد ما واحدة صاحبتي ووصول الغردقة الساعه 2 و الغداء في الغردقة في فلفلة و الذي منه.:oops:
و بعدين التحرك من الغردقة الساعة4 ووصول القاهرة الساعة 10 مساء ثم العودة فورا عشان العربية كانت متأجرة ووصول الغردقة الساعة 3 صبحا و تسليم السيارة.:3gears:

يعني المسافة في 24 ساعة حوالي 2100 كم ......:superman:

طبعا الكلام ده أيام الشقاوة:chris: من 6 سنين بس الحمد لله الواحد تاب:scooter:

---

دي كانت عربية إيه دي اللي؟

اقتباس:

---

المشاركة الأصلية كتبت بواسطة sab3aawy

900 كيلومتر فى يوم واحد

بسيارة فيات 126 !!!!!!!!!!!!!!!!

اه والله العظيم

---

ده انت تضرب فى 4 بالنسبه لسواقه الصنى
مجهود خارق الصراحه
وياسلام لو كانت بتسخن

اسكندرية اسوان لظروف الشغل بدون توقف في يوم ورجعت بدون توقف في اليوم التاني والعربية كانت ميتسوبيشي لانسر اتوماتيك 1600

ايه الارقام الجامدة دي انا عن نفسي انا حوالي 240 كيلو بالابيزا طلعت بعد الفجر لحد ما وصلت بيتنا في العجمي و واخدها 130-140 و والدتي كانت معايا مرضتش ازود:(


في اكتر بس والدي بقي بالابيزا من بيتنا في الهرم المريوطية لحد شرم الشيخ فوق علي الهضبة قرب المطار كده بالابيزا و فيها حمولة حوالي 400 كيلو و يعني المسافة كلها كانت داخلة في 650-700 كيلو كده بدون رااااااااااااااااحة one shot اديناها 20 لتر بنزين بس في السكة

أطول مسافة قطعهتا في يوم كانت 1000 كيلوا غردقة رايح جاي وأنا راجع كنت بغفل وأنا سايق وأفوق تاني على صوت عيون القطط إللي على جمب الطريق وأطول مسافة ون شوت كانت 500 كم للغردقة لم أقف خلالها إلا دقائق معدودة لتعبئة البنزين
وأطول مسافة قطعتها وأنا مش سايق 1700 كم كنت مع صاحبي راحين من بلد إسمها الخفجي في السعودية لمكة كان معانا كراون فكتوريا وماشيين 180 طوال الطريق ولم نقف إلا للبنزين

انا اطول مسافة سوقتها كانت من الغردقة لمطروح بس كنت بموت نفسى انام وكنت بنام فعلا بس ربك بيسطرها وكنت ماشى طريق العلمين 180 بلانوس 2 وانا كنت بجرى عشان زهقت مش بجرب العربية

مش عارف انا عمري محسبت انا مشيت اد ايه بالكيلو متر ليه معرفش بس ممكن اقول ان ابعد بلد طلعتها بالعربيه كانت قنا قعدت هناك ساعتين و بعدين كملت علي اسوان كله في يوم مش عارف المسافه قد ايه بالظبط بس اكيد كتير يعني

علشان اوصل قنا التحرك الساعه 1 فجراً من القاهره الي عين السخنه - الغردقه - سفاجا و بعدين نزلت علي قنا وصول الساعه 8:30 ثم الطريق الزراعي الي اسوان و بعدين ادفوا
كانت بعربيه لانوس 2004

على أددي خالص
حوالي 500 كم
من اسكندرية للقاهرة زي ما بيقولوا صد رد :)

ليه يا جدعان الاحراج ده بس
دنا اقصي مسافة كانت حوالي 310 كيلو العاشر من رمضان - المعمورة بدون توقف
ومرة تانيه العاشر من رمضان - راس البر 240 كيلو

ويوميا العشر من رمضان ( السكن)- الزقازيق (العمل) رايح جاي يعني بمعدل 110 كيلو في اليوم
انا بقول بالنسبة للناس اروح العب في التييييييييييييييييين