إيه أكتر مسافة سقتها في يوم واحد؟

**ahmedfd** · 03-06-2008 08:05 AM

بالتعاون مع حازم باشا خضر نفتح خذا الموضوع :)
إيه أكتر مسافة حد ساقها في يوم واحد؟ و يا ريت الإخوة يقولوا على المسافات اللي غتقطعت مرة واحدة One Shot يعني و بدون راحة في النص؟
أنا عن نفسي أكثر مسافة One Shot كانت من القاهرة لمرسى مطروح (أنا وقفت أحط بنزين عند مارينا بس ما ريحتش يعني)
أكثر مشوار ونا مش سايق كان من بني غازي لطرابلس في ليبيا حوالي 900 أو 1000كيلو و السواق كان رازع المسافة كلها على سرعة 170

في بقى مشاوير في الصحرا تبع الشغل هي قليلة بس المشوار من دول بهدلة بجد و بالمناسبة أنا خدت مشاوير من دي بالشيروكي و باللاند كروزر مش عايز أقولوكو الفرق الرهيب في الراحة لصالح اللاند كروزر.

**mshamy** · 03-06-2008 08:20 AM

شرم -القاهرة-طنطا - بورسعيد "كان يوم مطلعتلوش شمس"

**boty50** · 03-06-2008 08:41 AM

بالنسبة لي كان يوم من الذكريات السيئة جدا
وهو شهر أغسطس عام 1990 أيام غزو الكويت
وسفري عن طريق البر والمزارع الي السعودية
وقطعت السعودية بالعرض من الشرق للغرب
حوالي مايزيد علي 1000 كيلومتر بدون نوم
ودخل الليل عليا وكنت بنام فعلا والعربية
كانت بتروح يمين وشمال

الحمد للة ربنا ستر لحد ماوصلت جدة وشحنت
العربية ونزلت السويس.

**ahmedfd** · 03-06-2008 08:49 AM

المشاركة الأصلية كتبت بواسطة boty50

بالنسبة لي كان يوم من الذكريات السيئة جدا
وهو شهر أغسطس عام 1990 أيام غزو الكويت
وسفري عن طريق البر والمزارع الي السعودية
وقطعت السعودية بالعرض من الشرق للغرب
حوالي مايزيد علي 1000 كيلومتر بدون نوم
ودخل الليل عليا وكنت بنام فعلا والعربية
كانت بتروح يمين وشمال

الحمد للة ربنا ستر لحد ماوصلت جدة وشحنت
العربية ونزلت السويس.

يا خبر دا إنت كدة تاخد المركز الأول بجدارة لحد دلوقتي... الحمد لله ربنا عدا الأيام دي.

**Islam_galal** · 03-06-2008 09:51 AM

اسكندرية شرم
حوالي 750 كم

**Ghamrawy** · 03-06-2008 09:53 AM

750 كم الاسكندرية الاسماعيلية رايح جاى

**فادى** · 03-06-2008 10:04 AM

القاهرة - الغردقة حوالى 500 كيلو.
:)
و اكتر مسافة لكن مكنتش سايق حوالى 1000 كيلو فى ليبيا من طرابلس الى منطقة اسمها اوبارى بعد سبها جنوب غرب ليبيا, ثم حوالى 150 كيلو فى الصحرا بعربية 4*4.

**M.Moustafa** · 03-06-2008 10:20 AM

اكثر مسافة كانت من الرياض لمكة بقف امون بنزين بس حوالي 900 كيلو ومنها روحت عملت العمرة في ساعتين وطلعت روحت المدينة حوالي 400 كيلو كمان صليت المغرب والعشا ورجعت تاني الرياض وده مله فعلا بدون نووووووووووووووووم لدرجة ان صاحبي كان بيرقصلي في العربية عشان افوق

**araberphilosoph** · 03-06-2008 11:16 AM

اكتر مسافه بدون راحه كانت من من طابا لدمياط ودي باعملها مره كل شهر تقريبا حوالي 750 كم
لكن في يوم واحد كانت طابا القاهره والعوده 1100 تقريبا بس كان وراي ورق لازم يخلص في الفاهره يعني قضتها لف في القاهره برده

**medohai510** · 03-06-2008 01:19 PM

أطول مسافة بالنسبة لي في يوم واحد و شوت واحد كانت من الزيتون - حلوان-شيراتون- بورسعيد- والعودة بورسعيد- شيراتون- حلوان- الزيتون كانت حوالي 500 كم أو 550 كم و من الساعة 7.00 صباحاً وحتي 3.00 فجراً تجربة مرهقة جداً جداً بدون راحة أو نوم.

الموضوع: إيه أكتر مسافة سقتها في يوم واحد؟

LinkBack

أدوات الموضوع

عرض

-

-

-

-

المواضيع المتشابهه

ايه انواع وموديلات الموتوسيكلات اللى سقتها ؟

ما هى اول عربية سقتها فى حياتك..

أيه أنواع العربيات اللي سقتها؟؟

عاوز اجيب جين 2---بس ابيع أحلي عربية سقتها

ما هى اول عربية سقتها فى حياتك

الكلمات الدلالية لهذا الموضوع

المفضلات

المفضلات

ضوابط المشاركة