تقرير تركيب فامية مقاوم للكسر لنيسان صنى سوبر صالون 2012

**tiger76** · 22-03-2012 12:45 PM

المشاركة الأصلية كتبت بواسطة elgdawy2007

انا اسف انى اتكلمت بأنفعال شويه طبعا مقصدش بس اصلى مركب زجاج فاميه غامق بقالى فتره ولما شوفت المشاركه بتاعه العضو حسيت ان الدم ضرب فى دماغى مره واححده لان معنى كلامه ده انى ممكن بعد سنه ابيع السياره عشان اسدد المخالفات الموجوده عليها بسبب الفاميه عشان كده يمكن انفعلت شويه لكن بدون مقصد اى شيىء سيىء للعضو المبالغ كتير مش شويه وبس انا قبل كده اتمسكت فى لجنه بسبب الفاميه والظابط والله طلع غايه فى الزوق وخلانى شيلته ادامه وادانى الرخص مره تانيه ويا دار مدخلك شر وانتهى الموضوع على كده بدون اى مشاكل او محايلات وظباط كتير بيشوفونى وانا ماشى بالفاميه والسياره كلها اسود بالكامل ومفيش منهم اى مشاكل ولا بشوف حد بياخد رقم السياره او يحزنون عشان كده استغربت جدا من الكلام المذكور واسف مره تانيه للعضو المذكور

ما فيش مشاكل يا عزيزى و بصراحة انا كمان اتخضيت من تعليقه بس لما قابلته فى عيد ميلاد حسين عرفت انه شخص طيب بس هو بيحبكها شويتين

و ان شاء الله ربنا مايجبش مخالفات

**Ahmed.TV** · 23-03-2012 04:50 AM

الف مبروك على التثبيت يا نادر موضوعك يستاهل

**aymannnnnnnn** · 23-03-2012 05:52 PM

تسلم ياباشا على التقرير حقيقي ممتاز ومعلومة مكنتش اعرف حاجة عنها

**tiger76** · 23-03-2012 10:16 PM

المشاركة الأصلية كتبت بواسطة aymannnnnnnn

تسلم ياباشا على التقرير حقيقي ممتاز ومعلومة مكنتش اعرف حاجة عنها

الله يسلمك يا أخى الكريم
و الهدف الأساسى للمنتدى هو اننا نشارك بعض بكل معلومة و تجربة ممكن نفيد بيها بعض
و شكرا على مرورك

**me_medoo** · 02-04-2012 02:34 AM

انا بجد بشكرك يا تايجر باشا ...
بجد بجد معرفتش قيمة موضوعك غير بعد الي حصل لمرراتي على المحور http://www.nilemotors.net/Nile/280468-a-3.html

**windofchange** · 02-04-2012 03:09 AM

طيب ياريت تكتب العنوان عالعام بعد استئذان الادارة

**Mian** · 02-04-2012 03:58 AM

ياريت لو تبعتلي العنوان والرقم التليفون على الخاص وشكرا

**muslem** · 02-04-2012 04:31 AM

المشاركة الأصلية كتبت بواسطة tiger76

ممكن تركب طبقتين على الزجاج من برة و من جوة و يكون سمكهم كبير شوية و دة هيوقف الرصاص يعنى مش هايخليه يعدى بس الزجاج حيشرخ مش هيفضل سليم بس 90% مش هيقع من مكانه إلا لو فضلت واقف يضرب عليك الرصاص

و ربنا يسترها علينا جميعا

المشكلة بعد لما نصفح الزجاج ضد الرصاص ايه اخبار الصاج بقي على كده لان الصاج بينفد فيه الرصاص اصلا يبقي كده المفروض كمان نصفح الصاج ولة ايه رأيك؟؟!
و كنت عايز اعرف ايه اخبار الحرارة على فعلا بتحس ان العربية فيها عازل حرارى ولة برضوة بتكون فيها سخونة لانى حطيت عازل حرارى قبل كده و كأنه مش موجود اصلا زي قلته فعلا طبعا مع فرق ان ده مضاد للكسر عندك و التانى كان عادى و يا ريت لو العنوان و نمرة التليفون
و جزاك الله خيرا على الموضوع القيم