الموضوع: تقرير تركيب فامية مقاوم للكسر لنيسان صنى سوبر صالون 2012

طيب انا عندي كام سؤال كده بما انك مركبه من فتره
1- موضوع العازل الحراري شغال فعلا يعني حاسس بيه ؟ خصوصا انهارده لو نزلت حسيت بيه ؟
2- ليه لما ركبته و الراجل قالك جربه مجربتوش ؟ لو كان اتكسر ساعتها مكنتش تدفع اي حاجه وكنت تدفعهم تمن الازاز ... دلوقتي انا اضمن ازاي انه ميتكسرش فعلا افرض الموضوع نصب زي ما حصلت قبل كده كتير وده مبلغ مش قليل ... يعني مثلا عارضين هما نماذج هناك تجربها ؟ زي موضوع تسليح الكاوتش حاطين كاوتش منفوخ وانت جيب مسمار وجرب براحتك ومش هيتخرم
3- محدش رخم عليك في كمين او اي حاجه لحد دلوقتي ؟ :)

فكك مادام الموضوع وصل ل رصاص وبتاع يبقي اي كلام ... داحنا بنتكلم لو زلطه او حد عايز يكسر الازاز هيبقي صعب قدامه ويزهق ويسيبه ولا لأ ...... انا لو رحت اركب إن شاء الله هجربه وقتي وانا واقف واجيب اي حديده واخبط علي الازاز انا مش دافع 100 جنيه ده هيبقي مبلغ ... عشان كده مستغرب إن صاحب الموضوع ركب من غير مايشوف نموذج او من غير ما يجرب

ممكن التفاصيل على الخاص

المشاركة الأصلية كتبت بواسطة mohaakotb

طيب انا عندي كام سؤال كده بما انك مركبه من فتره

1- موضوع العازل الحراري شغال فعلا يعني حاسس بيه ؟ خصوصا انهارده لو نزلت حسيت بيه ؟

العزل الحرارى فعلا عامل فرق كبير و هاقولك مثال بسيط انا كنت ماشى فى شارع النصر و فاتح الزجاج و الشمس كانت جاية على رجلى و كنت حاسس انى بتلسع منها لما قفلت الزجاج كل دة راح مع انى عامل عزل 44% بس

2- ليه لما ركبته و الراجل قالك جربه مجربتوش ؟ لو كان اتكسر ساعتها مكنتش تدفع اي حاجه وكنت تدفعهم تمن الازاز ... دلوقتي انا اضمن ازاي انه ميتكسرش فعلا افرض الموضوع نصب زي ما حصلت قبل كده كتير وده مبلغ مش قليل ... يعني مثلا عارضين هما نماذج هناك تجربها ؟ زي موضوع تسليح الكاوتش حاطين كاوتش منفوخ وانت جيب مسمار وجرب براحتك ومش هيتخرم

كل الحكاية انى ماجليش قلب أجرب و بعدين انا شوفت زجلج عندهم معمول بالفامية و مكسرينه بالشواكيش و لسه فى مكانه و انا حاولت ادوس عليه بإيدى و كان ثابت جدا

دة غير انى واخد ضمان 3 سنوات على العربية كلها ما عدا الأمامى سنه واحدة لأنه عرضة أكتر للطوب اللى طاير من النقل
و الحمد لله من اسبوعين تقريبا لبست طوبه طايرة و انا كنت ماشى على 100 كم/ساعة ى الزجاج الأمامى و ماحصلش حاجة غير خدش لا يذكر فى الفامية الشفاف اللى راكب قدام

3- محدش رخم عليك في كمين او اي حاجه لحد دلوقتي ؟ :)

ربنا يسترها و بعدين الفامية يعتبر شفاف بنسبة 65% يعنى يمكن يعتبروه زجاج ملون مش أكتر

المشاركة الأصلية كتبت بواسطة me_medoo

بما أنك في سته أكتوبر في واحد جمب أولاد رجب أسمو جونسون ... سئلتو قالي حوالي 1000 جنية تسليح القزاز يابش مهندس تياجر وبيقول انو أمريكي ووراني كام فيديو كده عندو على الكمبيوتر بس برضو مش مقتنع .

وفي الوهدان كمان بيركب نوعية قزاز أسمها V-KOOL ودي كمان أمريكي محتاار أركب أي نوع والمدام نازلة زن فوق دماغي وتقلي لأ ركبلي أبو 2000 جنية الغالي تمنو فيه وانا محتار بيني وبينكم خايف يكون ابو 1000 جنيه هو هو ابو 2000 وخايف يكون فعلا ًفي فرق بينهم .

انا شفت فيديو بس مفهمتش هما بيقولوا ايه اصل بيتكلموا بسرعة .

[youtube]http://www.youtube.com/watch?v=3ZzoB6xBWOI&feature=related[/youtube]
[youtube]http://youtu.be/3ZzoB6xBWOI[/youtube]

فاحجه تحير ياتايجر باشا
متخلينا ياعم نجرب طوبة واحده كده على القزاز بتاع عربيتك

علشان نطمن هههههههههههههههههه حبيب قلبي واللهي

يا حبى من حكم فى ماله ما ظلم لو عايز تجرب روح جرب عندهم او جرب فى نفسك

المشاركة الأصلية كتبت بواسطة mohaakotb

فكك مادام الموضوع وصل ل رصاص وبتاع يبقي اي كلام ... داحنا بنتكلم لو زلطه او حد عايز يكسر الازاز هيبقي صعب قدامه ويزهق ويسيبه ولا لأ .. هو دة اللى انا محتاجة بس ان الزجاج يبقى صعب الكسر

.... انا لو رحت اركب إن شاء الله هجربه وقتي وانا واقف واجيب اي حديده واخبط علي الازاز انا مش دافع 100 جنيه ده هيبقي مبلغ ... عشان كده مستغرب إن صاحب الموضوع ركب من غير مايشوف نموذج او من غير ما يجرب

ماتستغربش يا أخى العزيز الموضوع زى ماقولتلك فوق ان انا محتاج الزجاج يبقى صعب الكسر و انا جربت عندهم

و بعدين أنا إيدى تقيلة حبتين يعنى ممكن اجرب و الزجاج يتشرخ بس الهدف من الفامية انه يفضل مكانه أطول فترة ممكنة للحماية من اللصوص و من الحوادث لا قدر الله يعنى لو اتخبط الزجاج مايطيرش فى وشى و وش اللراكب معايا زى ما حصللى قبل كدة فى العربية القديمة
ربنا يكفينا الحوادث و شرها

المشاركة الأصلية كتبت بواسطة me_medoo

طيب والنبي لمن تيجي تجربوا أبقى خدني معاك نجربو سوى ... حتى علشان أبقى شاهد أذا أتكسر ونخلي الشركة تجبلك شباك غيرو .

ابقوا بلغونى بالنتيجة

المشاركة الأصلية كتبت بواسطة atyam

ممكن التفاصيل على الخاص

تم الإرسال على الخاص

طيب حيث كده وبصراحه كلامك مطمئن شويه ... تفاصيل بقي عشان نمشي في الاجراءات - معلش روتيني شويه انا - :)