اولا الف مبروك العربية
ربنا يديك خيرها ويكفيك شرها

ثانيا اهلا ومرحبا بيك في قسم سيات عضو جديد معانا في قسم اعطال التسقيط البايخة

في البداية كدة هو ممكن يكون كلام الميكانيكي بتاعك صح لأن باختصار شديد حساس الهوا air mass flow مسؤول عن انه يدي اشارة للأنجيكشن وللكنترول عموما بكمية البنزين الي العربية محتاجاها

بس بردو حضرتك يجب الكشف علي العربية علي الكمبيوتر عشان يقولك اي حساس الي فيه المشكلة

ويجب اختبار طرمبة البنزين لأن بردو دي احد اعراض اعطالها وهي انها لما بتسخن (بسبب انخفاض مستوي البنزين في التانك) بتعمل الحركات دي

ودة موضوع فيه بعض الأعراض لمشكلة الطرمبة http://www.nilemotors.net/Nile/26797...post3874065957
اقراه وانشاء الله يفيدك

واخيرا حاول تشوف الفيش بتاعة الضفيرة لأنها مؤثرة بشكل لا تتخيله علي المشي وسحب العربية

بالنسبة لحساس الهواء ممكن يتنظف كمسكن دلوقتي بس لازم تحطه في دماغك انه يتغير لو طلع العيب منه
حاول تجيب فلتر بنزين كويس
حاول تمون العربية من محطات تثق فيها
حاول تخلي مستوي البنزين في الفترة دي لا يقل عن 3/4 التانك

والله المستعان
،
،