اقتباس المشاركة الأصلية كتبت بواسطة inspiron مشاهدة المشاركة
من فضلكم يا جماعة أرجو عدم الرد من مطلق الإنحياز لعربية معينة وخلاص..قبل الرد لابد من مقارنة عادلة..أولا أكيد كلكم عارفين إني كنت راكب 523 e39 وسكودا فانتازيا 2010 يعني عارف يعني إيه بي إم كويس وعارف السكودا كويس..

الفانتازيا عربية أكبر من الـ e90 وأعلي منها وثباتها لا يقل عنها في شئ.
الفانتازيا كماليتها أكتر من الـ e90 ( بكتير ) وكلامي مقارنة بالـ 316 واللي مش عارف كماليات الفانتازيا ممكن أقولها له بس دي عاوزة موضوع لوحده
الفانتازيا عوامل الأمان هي هي في الـ e90 تقريبا يعني أنظمة الأمان في الثبات والفرامل متعددة فيها.
الفانتازيا الخامات الداخلية فيها جودتها عالية جدا ولا تقل عن الـ e90 ويمكن تتفوق عليها بعض الشئ..علي سبيل المثال في الـ e90 مثلا منطقة كونسول الفتيس الحلية النيكل اللي فيه بتتمسح مع الوقت من الشمس والحرارة عكس الفانتازيا مفيهاش الكلام ده - الفانتازيا سُمك الصاج فيها 9 مللي أعتقد إنه أمتن من الـ e90
الـ e90 عربية جميلة وليها ناس تركبها عشان متعة قيادة البي إم اللي كلنها عارفينها..لكن هذا لا يعطيها الأفضلية علي الفانتازيا الهاي لاين مثلا ( وكلامي علي الـ 316 الـ 2007 )
وأخيرا للعلم أنا بيعت العربيتين يعني مش متحيز لعربية فيهم :)
بعد التحيه inspiron :)
اسمح لى التعليق على مدخلتك :
- الحجم تقريبا واحد جوه و بره - ثبات ال 316 اعلى كثيرا من الفانتازيا خصوصا و بشكل ملحوظ جدا بعد سرعه 170 كم/ساعه و فى المنحنيات - و علو الاسكودا عاما ده ميزه لشوارعنا البايظه و المطبات و لكنه ضد الثبات و الاتزان .
- الكماليات دى موضوع اختيارى و ليس فنى - لان ببساطه ال 316 الفاضيه تطير من الفانتازيا الاليجانس (موتور 105 حصان ضد 120 ) و عزم 160 نيوتن ضد 148 .
- انظمه الامان فى البى افضل كثيرا و اعلى تكنولوجى و لا تقارن بالفانتازيا - لانها ليس الموضوع فقط abs , esp (و هو اليوم متاح فى كل العربيات) - مثلا اتزان البى ام ال 50:50 و dynamic stability و traction control و توزيع الوسائد الهوائيه ال 6 و طريقه عملهم عند اللزوم و تصميم القوائم .... لا يماثله امانا الا وسائل مرسيدس بطريقتها و الاودى و الفولفو ايضا بطريقتهما - ابحث عن يوتيوب اختبارات الامان و انت تعرف الفرق - لانها فى احيان كتيره بتنجى من موته بعد الشر علينا كلنا.
- سمك الصاج الاكبر بيتقل اى عربيه و ده ايضا ضد القوه و الاتزان و الثبات - و بى ام تعلن عند كل موديل جديد انها امتن 30% من الشكل السابق .
.... خلاصه المقارنه بين 316 و فانتازيا تتلخص فى قوه و ثبات و اداء ضد كماليات - ولا وجه للمقارنه للمواصفات الفنيه ايضا - و الدليل ان ارخص 316 فاضيه زيرو ب 240 الف مقابل اعلى فاتازيا اليجانس خليجى ب 195 الف - اى ان الفانتازيا لا تنافس ال316 فى الشريحه السعريه للمشترى.
تحياتى لك ...