المشاركة الأصلية كتبت بواسطة r0xer
هقولك حاجة ومتزعلش....انا شاب زيك وسني قريب من سنك، لكن تفكيرك للأسف سطحي الى حد كبير...
طبعا 90% من الرجالة بتفكر زيك ودا حقهم والاختلاف في الرأي لايفسد الود.
لكن للأسف دا تفكير مش شامل ولا بيحترم العقل، الدين مش هو اللبس، والاخلاق متنحصرش في هي ليها علاقة بالجنس الاخر او لا...ولو ملهاش علاقة تبقى مشوهة نفسياً أصلا وفيها حاجة غلط. لازم يكون لها علاقة ولكن ليها حدود واداب في التعامل وفي الالتزام.
عشان تحكم على واحدة صح، جدي الله يرحمه كان بيقول دايما : بص على أمها هتكون هي دي مراتك بعد 20 سنة. اضف على ذلك بقا هي تفكيرها عامل ازاي؟ وهل شخصيتها تمشي معاك؟ يعني انت مثلا من كلامك انك راجل متزمت حبتين في بعض الامور، اذن مينفعش تكون هي من بتوع حقوق المرأة والكلام دا....وهكذا
لازم يكون بينكم وفاق في الطول والشكل و الفكر الاجتماعي،واللبس و طريقة التفكير في الامور......سبب زيادة حالات الطلاق هي لان الناس بقت تتجوز دلوقتي للأسباب دي وبس. وسابت اهم الامور زي الطباع والعادات وطريقة التفكير وبتحب شكلها واهلها واكلها ولالا؟
استهدى بالله كدا...ونصيحتي ليك لو جدك او جدتك عايشين خليهم يساعدوك في الاختيار لانهم هيحكمو بحكمة وليس بعصبية زي اللي الناس بتحكم بيها دلوقتي.
اتمنى ميكنش كلامي زعلك...انا بنصحك لوجه الله.