وحشتنا يا راجل ..
فينك يا عم !!!!!!!!!!
عرض للطباعة
وحشتنا يا راجل ..
فينك يا عم !!!!!!!!!!
انا كمان باضم صوتي لاحمد واقول وحشتنا ....
لازم تطمنا عليك ويا ريت لو نشوفك قريب
والله امبارح كان فى بالى .. وكنت هسألك عليه يادوك .. ديما كده سباق بالخير يازعيم
بالتوفيق للدكتور يوسف وربنا يوفقه فى السفر
ويرجع بالسلامه ان شاءالله ونطمن عليه عن قريب
الدكتور يوسف مختفى هو واحمد تى فى بقالهم شوية كدا لعل المانع خير يااااارب
يرجعوا بالسلامة ان شاء الله
وحشتنا والله يا دكتور ترجع لنا بالسلامة ان شاء الله
دكتور يوسف مسآآفر لو خدتو بالكم كان بيستفسر عن افضل وسائل الامان لرفع العربيه فترة السفر
في انتظآآر عودته بأذن الله ويرجع بألف سلامه
والله انت ابن حلال يا احمد .. جزاك الله خيرا على سوالك على الدكتور يوسف
الدكتور يوسف قمة فى الاخلاق بجد .. وانسان مهذب جدااااا .. وبصراحة فرق معانا عدم وجوده بينا .. بس اهم حاجة مستقبله وبنتمناله كل خير ..
وهو كلمنى من فترة .. وطمنى ان احواله بخير .. وقريب لما يكون فى نت ثابت عنده .. حيدخل ويتواصل معانا باذن الله
والله يا رجالة مش عارف اقولكم ايه؟
بس بجد والله انا كمان مفتقدكم ومفتقد الصنى حبيبتى جدااااااااااااااااا
واكيد اللى منعنى عنكم هو الشديد القوى وهو سفرى السعودية للعمل
وطبعا زى ما بتسمعوا ان اول فترة بتبقى الظروف ملخبطة ومفيش تواصل وفترة وتعدى باذن الله ونرجع تانى نتواصل ونتقابل
باشكركم جميعا على سؤالكم عضو عضو واعذرونى لو كنت كلمت احمد tv بس وطمنته على امورى لكنى بعت السلام لكم جميعا
وبصراحة اول حاجة عملتها اول ما استقريت فى الرياض جبت رقم توكيل نيسان (الحمرانى) وروحتله كمان .. بس عشان افضل متواصل معاكم مهما كنت بعيد عن مصر
بس المفاجآة وخيبة الامل كانا النتيجة بعد رجوعى لأنى مش هاقدر اركب نيسان هنا للاسباب التالية:
1. توكيل سيىء وغير منافس بالمرة فى السوق من حيث العروض والاسعار وسعر اعادة البيع وقطع الغيار والصيانات والضمان وخلافه عكس تويوتا عبد اللطيف جميل اللى واكل السوق كله - هوندا كمان نص نص - ارتفاع اسهم هيونداى كيا فى السوق الفترة الاخيرة هنا للعروض والاوبشن والضمان 3-5 سنوات و100 الف كم وتوكيلات فعالة - كمان فيه الامريكى من جيب كرايسلر دودج وفورد بس اسعارهم وقطع الغيار ناااااار..
2. لما سألت عن القاشقاى (معشوقتى) .. كان الرد ما بقتش تنزل من 2009 لأنها ما حققتش مبيعات ولا كان عليها اقبال .. طيب ايه السبب؟ .. الله اعلم وكان سعرها مبالغ فيه بالنسبة للمنافسين 75-80 الف ريال (2000 سى سى) مع العلم ان المنافسين اغلى سواء كان تويوتا راف 4 او كيا سبورتاج او هيونداى توسون i35 او غيرها من سيارات الكروس اوفر .. يعنى مفيش امل تنزلوها تانى؟ .. لأ .. لكن لو عاوزها ممكن تكون مستعملة وبضمان الوكيل !!!
3. طيب الجوك فين ؟ .. لسه هاتنزل كمان شهرين عالاقل !!!!
4. عندكم ايه طيب كروس اوفر ؟ .. عندك التيدا !!! والاكس ترايل .. طبعا رد لا ينم على فهم مسؤول المبيعات بمركز ضخم لماركة نيسان العملاقة
5. فتيس الx-tronic cvt نازل فى موديلات المورانو والالتيما والماكسيما فقط لا غير حتى الان
6. اخيرا .. سيبتله رقمى عشان يكلمنى لما الجوك توصل بالسلامة او الاكس ترايل الاتوماتيك (الموجود دلوقت مانيوال بس) .. بس بينى وبينكم خرجت من المعرض وانا متأكد من سبب انخفاض اسهم نيسان فى السعودية وعدم منافستها فى السوق ومصاب بخيبة امل لحال نيسان المذرى هنا
الخلاصة .. مفيش نيسان تتركب فى السعودية غير الصنى (شكل الاسكالا والتيدا الشكل القديم) .. على فكرة الصنى الجديدة اتعرضت لأول مرة الشرق الاوسط فى دبى من كام يوم
وبالشكل ده وبطبيعة الطرق هنا وحجم العربيات الكبيرة نوعا ما .. انا لقيت السيدان بانواعه اختيار فاااشل مهما كان حجمه كبير (تويوتا كامرى - هوندا اكورد - هيونداى سوناتا - نيسان التيما او ماكسيما) بصراحة العربيات دى هنا زى الفيرنا فى مصر كده بدون مبالغة .. وطبعا فيه ماركات فى مصر طالعين بيها السماء هنا اخرها تاكسى زى الالانترا الشكل القديم - السيراتو قديم وجديد - كامرى - سوناتا شكل قديم
فمن الاخر امامى اختيار واحد هو الكروس اوفر حتى لو كان مش دفع رباعى وبعد ما نزلت ولفيت واتفرجت مفيش غير كيا سبورتاج (هنا عليها ضرب نار واوفر برايس ومتباعة وهى فى المركب وسط البحر قبل ما تنزل الميناء) او هيونداى توسون (هاينزل منها شكل جديد كمان شهر او شهرين تقريبا) والاتنين وجهان لعملة واحدة فى المكونات والموتور والفتيس لكن التصميم مختلف وان كنت اميل للكيا اكثر بعد ما شوفت الاتنين
اسألكم الدعاء بالتوفيق ..
الحمد لله انك طمنتنا عليك يا دكتور ربنا ييسرلك الخير ويوفقك لما يحب ويرضي
تصدق زعلتني والله باللي فيه نيسان السعوديه
لما العبيات ديه مش بتتباع هناك
امال هاتتركب فين ههههههههههه
الباسديفيندر والمورانو والباترول والارمادا ....... كل ده كده بــــــــخ :))
ربنا يطمنا عليك دايما يادوك
متحرمناش منك كده :))
دى الحقيقة المرة يا حسين والعربيات دى كلها موجودة هنا بس بتتكلم فوق ال120 الف ريال للباثفايندر والمورانو والارمادا أما الباترول ففوق ال190 الف ريال !!!!!!!!
وبالمقارنة مع تويوتا برادو ولاندكروزر وسيكويا بيحفظوا سعرهم بعد كده مستعمل
انما النيسان 50% وش بعد سنة او سنتين !!!
والله لو اللى ماسك التوكيل ناس بتفهم كانوا نافسوا بقوة
انا اللى صعبان عليا بجد .. انى هاتحرم من قوة فرامل نيسان وقوة تبريد تكييفاتها الجبارة خاصة هنا فى الصيف الجو ناااااااااار وكمان امان وقوة صاج العربية فى التصادمات اللى هنا بالعبيط وبطريقة غبية وانت واقف فى الاشارة !!!
يلا بقى الحمد لله على كل شىء
حبيبي يا يوسف
والله لك وحشة كبيرة
ربنا يوفقك في غربتك وترجعلنا بالسلامة
بس يا ترى ناوي ترجع إمتى؟؟؟
والله فيك الخير يا زونج
ازيك يا يوسف
ربنا يوفقك يا رب
خللي بالك ثقافه العربيات في كل بلد غير التانيه خااااااااااااااااااالص
على فكرة انا انشاء الله جايلك السعوديه الاسبوع الجاي بس ها اكون في مكه والمدينه عشان بعمل عمرة
انا الحمد لله بخير .. طبعا الثقافة مختلفة معاك
بس فعلا التوكيل هنا مموت نيسان خالص .. ورغم كده لو كنت لقيت القاشقاى هنا كنت جبتها بغض النظر عن التوكيل ان شالله انزل اصلحها فى مصر وارجع بيها تانى
بس المشكلة انهم نايميييييييييييييين
تيجى بالسلامة وعمرة مقبولة باذن الله .. للاسف هاكون مشيت من جدة يوم الثلاثاء 6-3 ورجعت الرياض باذن الله :pffft: .. يلا بقى مفيش نصيب
ربنا يطمنا عليك يا يوسف باشا ، ويعينك على غربتك ، وترجعلنا ب1000 سلامة
كويس إنك طمنتنا عليك يا دووووووووووك ..
اصلك واحشني اوييييييييي ..
ياعم يوسف كلها يومين وتنسى الصني خالص
ولما ترجع بالسلامة ماترضاش تركبها كمان
دا العربيات عندك تلوح
الله يقويك يا د / يوسف على تعب الغربه و يجرعك مصر سالما
هاتلك حته دودج رام و انسى و عيش لتر ال 95 ب 60 هلله
شكرا على دعوتك دى .. فى محلها بصراحة
وانت كمان يا ابو حميد .. يلا ظبطلنا طقمين جنوط بقى للصنى
لا والله .. تصدق بقى يا ايهاب انى مفتقدها بجد ومش متخيل فى يوم انى هابيعها اصلا
العربيات هنا اه تلوح .. بس ركوبتها مالهاش طعم
تبقى قاعد فى كامرى او اكورد ام نص مليون عندنا وحاسس انك قاعد فى الانترا او سيراتو
على فكرة هنا السوزوكى التو وكيا بيكانتو ورينو لوجان عربيات بتوع الديليفرى .. ههههههههههههههههههههه
رام ايه يا رجالة .. بصراحة طول عمرى مش باطيق الامريكانى خالص
قوة جبارة وعضلات بدون مخ ومش موضوع بنزين .. موضوع صيانة وقطع غيار غالية مووووووووووت
لفته طيبه من فعلا شخص محترم و صديق بجد زيك ياحمد يازونج ... (مش عارف انت جايب الرخامه و الغتاته و اللزاجه اللي فيك دي منين) :36_6_3[1]::36_6_3[1]:
يادكتره اخبار سعتك ايه ....؟؟
والله لك وحشه كبيره يا دكتور ، أتمنى لك التوفيق ، وترجع سالم غانم إن شاء الله
ربنا يوفقك يا دكتور يوسف
حضرتك فعلآ أنسان أخلاق جدآ و تستاهل كل خير
ربنا يثبت خطاك و يكرمك يا رب و تحقق كل أحلامك
تحياتى و أحرامى لشخصكم الفاضل
حبيبي يادكتور يوسف
والله واحشني
ربنا يعينك ويوفقك ياباشا
هاتك عربيه مستعمله من الحراج عشان متخسرش كتير
وبعدين عنك البي ام دبليوهات عندك ببلاش ولا ايه الاخبار عندك دلوقتي
اكيد الدنيا اتغيرت دلوقتي
الحمد لله بخير يا وليد باشا
وانت اكتر يا استاذ احمد .. باذن الله نتلاقى على خير
ولك بمثل ما دعوت
تسلم يا خلود .. للاسف ما ينفعش عشان شروط الشركة تبقى زيرو اول يد
وبينى وبينك المستعمل هنا حالته تقرف .. ماحدش بيحافظ ع العربيات هنا كله فحت وردم والصيانات غالية والصنايعية ما بتعرفش تصلح اى حاجة .. مستوى السمكرة والدوكو سيىء جدااااااااااااااااااااا هنا .. خبطات بسيطة ومعمولة بعفاشة عالبارد
اكيد لو كان مسموح كنت جبت بى ام ولا لاند روفر ضمان وكيل مش من الحراج بس اهو بقى الموجود
بجد يا يوسف ليك واحشة كبيرة فعلا و ربنا معاك و تطمنا عليك اول بأول
http://img825.imageshack.us/img825/2017/21626039.jpg