الموضوع: تعديل فوانيس صني الخلفية بالصور

معلش يا جماعة أتأخرت عليكم بس كنت برة طول اليوم عشان بظبط عربية والدي النوبيرا و لسة فاتح النت دلوقت

مشكلتي أن الحرفيين متاهة بالنسبة لي لكن بكرة الجمعة حقابل صاحبي و حجيب كل بياناته إن شاء الله
بالنسبة للوقت انا سيبت الفوانيس عنده حوالي الساعة 3 العصر و صاحبي جابهم بالليل حوالي الساعة 10 تقريبا

السعر بصراحة الراجل عامل معايا واجب أصلا لأنه معرفة لمجموعة من أصدقائي و حتي صاحبي اللي حاسبه و لسة ماخدش مني الفلوس و المفروض أن السعر كان أعلي من كده بالذات للفوانيس الخلفية عشان عمل فيهم شغل كتير و بصراحة رجعهم أحسن مما كانو ( شفت فوانيس معمولة نفس الفكرة بس التقفيل سيء جدا )

و بالنسبة للفوجات بقت تحفة بس ملحقتش أصورها عشان كان معايا عربية والدي الدايو و كنت سايب عربيتي عند والدي بس ححاول بكرة أصور الفوجات كمان و بقول تحفة عشان الوش اللي هوه ركبه باغ شفاف صافي جدا و لسة أول مرة أشغله الليلة دي و انا راجع بعربيتي نوره أصبح قوي و واضح زي اول ما ركب و خلاني ماحتجش نور العربية العادي

و أحمد بك مصطفي شكرا للرد و اكيد حشوفك بإذن الله
و يوسف باشا أنا كان بقالي فترة خايف أشارك أصلا لحد ما أتعلمت أرفق صور لحسن أقع في المحظور معاك و الفترة الجاية إن شاء الله حتزهق صور

و الأخوة الأفاضل اللي عجبهم الفوانيس و تفضلوا بأبداء رأيهم مشكورين جدا و حسيت دلوقت بشعور كل واحد بيعمل موضوع جديد و يعجب الناس

برضه شعور جميل بالنسبة لي ان شكل العربية يكون مميز و لو بحاجة بسيطة

بالنسبة لأمكانية تعديل فوانيس عربيات تانية أنا شايف الراجل أفكاره جميلة و عنده أنواع عربيات كتير فأكيد ممكن


بأذن الله حجيب بيانات المحل بكرة و ممكن نبقي نعمل زيارة للحرفيين